تم اعادة فتح تقاطع عباس العقاد مع مصطفي النحاس

**ahmedmohamed7** · 01-09-2011 03:17 AM

مفتوح من مده شهرين تقريبا بس بصراحة مش حاسس بفرق بالعكس بدات احس ان الدنيا بقيت اسوء xD

**Amr Axel** · 01-09-2011 03:35 AM

المشاركة الأصلية كتبت بواسطة elmkaneeki

likeeeeeee

:)

المشاركة الأصلية كتبت بواسطة khaled_yassin

اصلا المكان كان ديما واقف لما كان التقاطع مفتوح ولما اتقفل الموضوع اتظبط شويه
هيرجع يتفتح تانى الزحمة هترجع تانى

بالعكس ده لما اليوتيرنات اتعملت الدنيا وقفت زيادة و اللي بيجي من اقصي اليمين عشان يدخل شمال و العكس و اللي بيجي عكس الطريق عشان يدخل شارع بدل ما يلف من عند عباس العقاد غير شغل الميكروباصات و التاكسيات
محدش بيقدر يقرب من هناك اساسا ده من احد اهم اسباب الزحمة في الشوارع دلوقتي اليوتيرنات اللي اتعملت في اخر سنتين تلاتة دول

المشاركة الأصلية كتبت بواسطة mido51eg

بالعكس ، التقاطع كان محقق سيولة مرورية اكبر عكس اليوتيرن اللي اتسبب في قفل مصطفى النحاس في الأتجاهين.

+111111

المشاركة الأصلية كتبت بواسطة hema_lancer

دا مفتوح بقاله اكتر من شهرين :)
واحتمال يفتحو مكرم كمان

ههههههههههه انا اول مرة اعرف كان اول يوم العيد الصبح
يا رب يفتحوا كل التقطاعات تاني

المشاركة الأصلية كتبت بواسطة حماده المصري

فعلا التقاطع لما كان مفتوح في الاتجاهين كانت الدنيا واقفه واقفه سوده

بعد ما اتقفل الموضوع اتزبط شويه

انا مستغرب انكم بتقولوا كده من ساعة ما اليوتيرنات اتعملت الدنيا وقفت جايز حضرتك بتنزل في وقت الدنيا هادية شوية
الناس كلها بتطالب انها تتفتح تاني عشان الدنيا تتظبط مع اشارات و تنظيم مرور هتبقي مية مية

المشاركة الأصلية كتبت بواسطة ahmed2y

ونفسى يشيلو المترو الى فى مصفى النحاس ويوسعو الشارع ويعملو يوترنات كويسة بدل الموقفة الطريق كل 50 متر

يا ريت فعلا بس للأسف اخر حاجة سمعتها في الجرايد في 2010 ان المترو هيتم تجديده كله و يوصل كمان لمناطق جديدة بس هو فعلا واخد مساحة رهيبة من الشارع غير الناس اللي بتقف صف تاني و تالت بيقفلوها اكتر مهي مقفولة

المشاركة الأصلية كتبت بواسطة محمد الجرجاوي

فعلا انا شوفتوا انهاردة وكنت شايل هم الوقفة والزحمة واذا بها المفاجأة الطريق زي السكينة في الزبدة

زبدة مين زي السكينة في الهوا هههههه

المشاركة الأصلية كتبت بواسطة amatoallah

اول ابمارح كمنت هناك و لسه هلف علشان ادخل علي اليوتيرن و كنت متضايقه لان علي طول الحته دي بتكون مخنوقه جدا و فوجئت بالطريق مفتوح :)))))))

مانا قولت كذلك لما جيت اول يوم العيد الصبح قولت يادي القرف هعدي ع اليوتيرن ده تاني مع الشوارع فاضية اساسا مفيهاش عربيتين تلاتة ع بعض
و فوجئت بالصدمة و كنت عايز اصور المعجزة اللي حصلت ههههههه

المشاركة الأصلية كتبت بواسطة ahmedmohamed7

مفتوح من مده شهرين تقريبا بس بصراحة مش حاسس بفرق بالعكس بدات احس ان الدنيا بقيت اسوء xd

يا راجل حرام عليك ده من مدة كبييرة الواحد مشفش السيولة دي بس المضوع محتاج شوية تظبيط و هيبقي تمام التمام

**Amr Axel** · 01-09-2011 03:52 AM

اعتقد يا جماعة احنا قدامنا حل عشان مصطفي النحاس ده يبقي تمام التمام

اولا كل التقطاعات ترجع تاني بالاشارة و المفروض كاميرات مع تنظيم رجال المرور

اليوتيرنات تفضل زي مهي بس تتظبط شكلا و موضوعا سواء فيه مترو او مفيش و يكون بين كل تقطاع يوتيرنين كل واحد في اتجاه وتتظبط زي اليوتيرنات النضيفة اللي متسمحش لحد يجي عكس اتجاه اليوتيرن او يحاول يجي يروح الشارع التاني عكس زي ما بنشوف

يكون فيه ونش او 2 رايح جي في مصطفي النحاس كله كل اللي يقف يشيل او سحب رخص يا اما يمشي
ع الاقل في اوقات الذروة

و الله ازمة المرور هنا حلولها سهلة جداااا و ابسط ما يكون مش معقدة و معتقدش انها محتاجة خبراء اوي عشان يحلوها
بس كل اللي محتاجاه التخطيط السليم بسرعة و التنفيذ في اسرع وقت

**Amr Axel** · 10-09-2011 01:45 PM

المشاركة الأصلية كتبت بواسطة aboelsoud

اخيراااااااااااااااااا اتفتح
ده انا كنت بتعذب في الطريق ده و انا راكب الميكروباص !!!!!! و طبعا عمري ما دخلت فيه العربيه
و انا فعلا عندي تقاطع مع شويه نظام احسن مليون مره من اليو تيرن
شكرا على الخبر يا اكسل باشا

عندك حق بس لو الجزيرة تقل و الاشارات رجعت مع يوتيرنات هتلاقي سيولة لما يسبق لها مثيل ههههههه