تعالوا مع بعض نفتكر عاداتنا وتقاليدنا الموروثة (شوية خزعبلات بس دمها خفيف)

**nonetta** · 31-08-2011 11:08 PM

المشاركة الأصلية كتبت بواسطة no comment

مهو علشان كدة 204 مشاركة ... ولسة عضوة جديدة .

قصدك ايه يعنيييييييي ؟؟؟؟؟؟

المشاركة الأصلية كتبت بواسطة heshamzaky

ههههههههههههه طبعا الموضوع دة كوميدى و حا نتجنب التصديق بة لان دة من الطيرة ((( التشائم ))) بس كلها عادات قديمة و مضحكة
..............................................
و أنا صغير لما كانت الاسنان اللبنية بتقع كان الناس بترميها بالنهار فى وش الشمس و تقول
يا شمس يا شموسة خدى سنة الجاموسة و هاتى سنة العروسة ههههههههههههه

طبعا الواحد مش بيصدقها بس الناس بتاعة زمان كانت بتصدقه وكان بيبقى ذعر

المشاركة الأصلية كتبت بواسطة heshamzaky

فية ناس بتقول لو حد قص شعرة و شخص أخر مشى فوق الشعر المقصوص دة الى قص شعرة بيجيلة صداع هههههههههه

لا بيقرعععععع مش بيجيله صداع

المشاركة الأصلية كتبت بواسطة shnory

متنامش بالشراب علشان عينك متوجعكش
نفسي اعرف ايه علاقه جزء في اخر الجسم بجزء تاني في اوله

الموضوع دة فعلا كان بيضحك اوي .. يعني لو الشراب يعني ......ههههههههههه
وبعدين حرام عليك مسيح لكريم كدة ليه

**nonetta** · 31-08-2011 11:19 PM

المشاركة الأصلية كتبت بواسطة ziabassem

علم الأنثروبولوجي .. هو علم دراسة العادات والموروثات الشعبية وهو من العلوم الظريفة جداً والشيقة .. ولو قريت الكتب الخاصة بيه ده حتلاقي العجب .. وفيه منه معتقدات بنعملها تلقائياً من غير ما نشعر أنها موروثات وعادات قديمة .

بجد هوا الكلام دة اسمه علم الانثروبولوجي ولا بتهزر .. الحاجات دي بتبقى ممتعة جدا لما بيتعرف عليها

المشاركة الأصلية كتبت بواسطة medicalist

العريس مايشوفش فستان العروسة الا في يوم الدخلة عشان فال وحش

اخر حاجه سمعتها وكانت هتجننى

هوا احنا بنقول فال وحش بس الواحدة بتبقى عاوزاه يبقى مفاجأة يوم الفرح

المشاركة الأصلية كتبت بواسطة medicalist

ما تصفرش بالليل عشان حرام بس مش عارف اذا حرام ولا عادى

جدتي بردو كانت بتقولهالي

المشاركة الأصلية كتبت بواسطة a.saad

التخزين للبقوليات والارز والمرونه فى شيكارة علشان تضمن التهوية وسمعت تحط فص توم علشان السوس

بس موضوع التهوية دة مضبوط فعلا وبعدين كانوا بيحطوا عالبقول ملح مش توم عشان السوس

المشاركة الأصلية كتبت بواسطة heshamzaky

هههههههههههههه و الله العظيم شوفت واحدة معرفى و هى جامعية و مش كبيرة سنا بس ثقافتها محدودة للغاية قالت على موضوع الشراب عارف قالت أية ههههههه
قالت أصل البنى أدم بيتنفس من رجلة قولتلها يا سلام على كدة لو لفيت رجلية بكيس نايلون حا يتخنق و يموت بقى هههههههههههههههههه

ههههههههههه

المشاركة الأصلية كتبت بواسطة heshamzaky

الى سمعتة أنهم بيحطو حاجة أسمها (((( رجلة ))) و يذوبوها فى المية و يرش أمام المحل لجلب الرزق

الرجلة دي بردو بنلاقيها في حزمة الملوخية والجرجير وبنرميها
زمان وانا في الخليج كانت بتتباع زي السبانخ حزم .. وكانت بتتخرط وتتعمل زي السبانخ بالضبط وكان طعمها مش بطال

المشاركة الأصلية كتبت بواسطة a.saad

الرجلة للسحر

للسحر ولطرد الارواح الشريرة
هههههههههه

**nonetta** · 31-08-2011 11:26 PM

المشاركة الأصلية كتبت بواسطة amatoallah

جدتي الله يرحمها كانت تعمل عروسه ورق و تجيب ابره و تقعد تشك العروسه الورق و تقول من عين فلانه و عين فلانه و لما تتاوب معناها ان فلانه اللي اتاوبت عند اسمها حسداني

و لما كنت استخدم مقص بالليل تزعئلي و تقولي كده يجيب الفقر و النحس

انا بئي فضلت فتره طويله معتقدة اني و انا متوضيه لو مشيت علي الارض من غير سجاد يتنقض وضوئي و كنت اقعد انط من سجادة للتانيه علشان وضوئي مايتنئضش :)

ايوة موضوع العروسة الشهير دة .. وبعد ما تخلص العيون كلها تحرق العروسة وتجيب الرماد بتاعها وتعمله على جبهة اللي بتعمل له العروسة هههههههه

المشاركة الأصلية كتبت بواسطة viper911s

انا بقا بس حاجة غريبة
ان معديش على قشر البيض علشان الفقر بردو
وان لو فى حد مقتول لازم تغسل المكان الى كان فية الدم بعدس ومية مش عارف لية بيقولة علشان عفريتة

انا اعرف قشر التوم مش البيض
وبعدين دة على كدة كل حاجة في عيشتنا بتجيب النحس والفقر

**nonetta** · 31-08-2011 11:33 PM

خدوا دي كمان

تشهقى فى التقلية بتاعت الملوخية عشان تطلع حلوة اهم حاجة تخضى اللى حواليكى عشان الملوخية تطلع حلوة

لواتنين بيتخانقوا وعاوزاهاتكبر اكتر نقلب شبشبين على بعض.هههههه

ولو لقيت الرغوة اللى بتبقى عل وش الشاى بعد ما تقلبه كبيرة شوية يبقى هيجيلك صرة فلوس ههههههههههه
لا يا حلوين دة بيبقى المية ما غليتش كويس هههههههههه

**Donzi** · 31-08-2011 11:39 PM

انا معرفش اي حاجة في كل دووووووووووووووووول الا المقص مع ان جدتي من الارياف و كننا بنروحلها كتير بس توفيت وانا صغيرة و ملحقتش اتشبع من الحاجات دي بس هاسال ماما و اشترك معاكو ان شاء الله

**misoalex** · 01-09-2011 12:30 AM

المشاركة الأصلية كتبت بواسطة nonetta

يا دونزي الكلام دة بييجي من الجدات اكتر
جدتي دي كانت قعدتها ممتعة
ولا لما كانوا بيخوفوني بأبو قفة هههههههههه شخصية من نسج خيالهم
ابو قفة دة راجل رفيع شايل قفة لو رحتي بعيد عن ماما ييجي ياخدك معاه في القفة
لدرجة اني حلمت بيه ههههههههههه

على ايامى كان ابو رجل مسلوخه ههههههههههههههههههههههه بس انا مكنتش بصدق الحاجات دى وعارف انهم بيضحكو عليا ههههههههههههههههه

**abdalah_hashem** · 01-09-2011 05:26 AM

المشاركة الأصلية كتبت بواسطة amatoallah

جدتي الله يرحمها كانت تعمل عروسه ورق و تجيب ابره و تقعد تشك العروسه الورق و تقول من عين فلانه و عين فلانه و لما تتاوب معناها ان فلانه اللي اتاوبت عند اسمها حسداني

و لما كنت استخدم مقص بالليل تزعئلي و تقولي كده يجيب الفقر و النحس

انا بئي فضلت فتره طويله معتقدة اني و انا متوضيه لو مشيت علي الارض من غير سجاد يتنقض وضوئي و كنت اقعد انط من سجادة للتانيه علشان وضوئي مايتنئضش :)

ههههه حلوة حكاية الوضوء دية :)

**abdalah_hashem** · 01-09-2011 05:31 AM

المشاركة الأصلية كتبت بواسطة Bonanza

ايوة صح فعلا معاك حق

انا اللي نسيت هو بيعمل ايه

هي كانت حاجة ليها علاقة بالشعر

تمام كده يا باشا

انت مذاكر كويس

بس فعلا دم الوطواط

دة حقيقة مش خزعبلات بجد :)

**nevozaky** · 01-09-2011 05:40 AM

يا بختكم لحقتوا الجدات فعرفتوا الحاجات دى .
انا بقى باحقد عليكم ما لحقتش ولا جدة علشان تقولى حاجة .
ههههههههههههههههه انا باهزر ربنا يخلى لكم كل الجدات يا رب
بس فى حاجات من اللى انتم قولتوها سمعتها بس من ناس تانية .

وعلى فكرة لسه فى ناس مقتنعين بالكلام ده او الخزعبلات دى والكارثة انهم سنهم صغير ومش كبير اوى يعنى