الموضوع: النترا 2012 مالها وما عليها بعد 4000 كم

+111111111111111
فعلا العربية دي لازم يكون فيها abs
ان فرق معايا كتير أوي و لولاه كانت العربية مخيشة من زمااااااااااان

المشاركة الأصلية كتبت بواسطة propagaanda

+111111111111111
فعلا العربية دي لازم يكون فيها abs
ان فرق معايا كتير أوي و لولاه كانت العربية مخيشة من زمااااااااااان

كلامك صح مليون فى المية

المشاركة الأصلية كتبت بواسطة hooba17

سيدي الفاضل
نشكر سيادتك على مجهودك لكن لي ملاحظة
أتمنى إن حضرتك تنقلنا مشاهدات عن أداء كل حاجة في السيارة من جميع النواحي عشان يكون تقرير مفيد ووافي، زي الباور وقدرة التحكم في السيارة - صوت الموتور - السحب - قوة التكييف - رؤية الطريق من الداخل - الارتفاع من الارض وبتعمل ايه مع المطبات

اهلا بحضرتك .. الباور بتاعها اتقل وأجمل من باور 2011 والتحكم فى السيارة حتى 160كم/سكويس لكن بعد كده العربية بتلعب .. صوت الموتور هادى ومتسمعلوش صوت على السلانسيه لكن مع المشى طبيعى ان صوته يعلى لكنه بيعلى اكتر لما بتشغل التكييف .. سحب العربية حدث ولا حرج العربية جرايه يعنى لما الار بى ام بيوصل 4000 مبتلاقيش العربية .. التكييف زى ما قولت فى التقرير قوى جدا لكنه بياثر على سحب العربية .. بالنسبة لرؤية العربية من الداخل فانت لازم ترفع الكرسى بالهيدروليك لاعلى عشان تتمكن من رؤية الطريق بشكل افضل بس فى نفس الوقت ده هيخلى رأس اللى سايق قريبة جدا من سقف العربية .. وارتفاعها عن الارض هو افضل تعديل فيها .. انا كنت فيها انا واولادى التلاتة وزوجتى ووالدتى وكنت باخد المطبات بالطول عادى ومفيش احتكاك .. تحياتى وشكرا لمرور حضرتك

المشاركة الأصلية كتبت بواسطة hossam99

و عليكم السلام و رحمة الله و بركاته
كل سنه و حضرتك طيب
و ألف مبروك العربيه و بالتوفيق
لكن حضرتك تقصد أيه بالسحب بيتأثر و التكييف شغال .. يعني السحب بيتوقف علي عدد لفات معينه و بترجع تسحب و لا السحب علي وتيره واحده لكن مش بنفس القوه

انا بقصد ان سحب العربية بيقل مع تشغيل التكييف لان التكييف بياخد شوية من قدرة المحرك تقريبا كده 15 % من قدرته .. والمعلومة دى قالوهالى فى التوكيل وانا بعمل صيانة الالف .. شكرا لمرور حضرتك

بالنسبة لموضوع الاى بى اس وزى ما قولت فى التقرير فرامل العربية من غيره زى الزفت .. انا كنت مسافر بيها اسكندرية قبل رمضان باسبوع تقريبا .. وكنت ماشى على سرعة 140 وطلعت من عربية ميكروباص من الشمال وكنت بالليل بعد وادى النطرون بشوية كده المهم كان فيه عربية مقطورة راكنة فى الشمال ومكنش فيها نور خالص واتفاجئت بيها على بعد حوالى 150 متر تقريبا دوست على الفرامل بقوة واديت اشارة يمين والطريق كان كابس على يمينى والله الفرامل زحفت اكتر من 50 متر على العربية ما هديت ولولا ان سواق المكروباص اللى انا طلعت منه فى الاول كان شايف المنظر من بعيد راح خف سرعته جدا وسابنى اطلع منها كان زمانى فى خبر كان .. بصراحة رغم مميزات العربية الكتير الا ان قصة الفرامل من غير اى بى اس حاجة زبالة

المشاركة الأصلية كتبت بواسطة masterzmind

بس فى ناس بتقول ان العفشة احسن من السيراتو الكلامدة صح وله هى هى

هى عفشتها احسن من السيراتو بمراحل طبعا بس نظام التعليق الخلفى واحد اللى هو تورشن بيم .. يعنى وانت على سرعة عالية بتحس ان العربية بتتنطط من ورا .. ولما سألت المهندس احمد بتاع التوكيل مرهمنى كالعادة وقل لى ان ده طبيعى وان العفشة لما تريح مع المشى العربية هتستقر .. اى كلام فى اى كلام زى ما انت عارف .. تحياتى وشكرا على مرور حضرتك