الموضوع: الكوروللا 2011 اليابانى أو سيفيك 2010

CIVIC sure

شكرا Ghost2 و شكرا Yones على الرد

بس ليه بترشحوا السيفيك؟
دى موديل 2010 و حاليا أغلب الوكلاء بيبيعوا 2012، يعنى اكنها عربية مستعملة من سنتين.
ده غير ان بعض الآراء تقول ان الكوروللا مطلوبة اكتر فسعر بيعها أفضل و كمان قطع غيار ارخص.

ياريت تقولولى رأيكم فى هذه النقاط. و شكرا.

أنا شايف ان هوندا سيفيك افضل من الكورولا لان
1- تصميمها جذاب وجميل وعصرى جدا وانسيابى
2- ادائها قوى فعلا محرك V-tech 1600 وقدرته الحصانية 125 حصان وثبات عالى وتسارع ممتاز
3- صالون متطور وتابلوه شيك وعدادات ديجيتال
4- اعتمادية اكبر واقل اعطال وقطع غيار معمرة ودى مش جديدة على موديلات الهوندا
5- عوامل امان زى ال ABS وال EBD

اما بالنسبة للكورولا:
1- تصميمها مألوف ويشبه المازدا شوية
2- محرك 1600 وقدرته الحصانية 122 حصان مش بنفس تكنولوجيا السيفيك طبعا وأعلى ارتفاعا عن الارض بالمقارنة بالسيفيك وده ميزة للمطبات لكن اكيد بتبقى مش بنفس ثبات السيفيك
3- صالونها اقل تطور وشياكة وفخامة عن السيفيك بس كويسة برضه
4- اعتمادية كويسة بس برضه السيفيك افضل
5- عوامل امان زى ال ABS وال EBD

اما اسعر اعادة البيع للكورولا اعلى وده عشان اختلاف اسعار قطع الغيار وده عيب السوق المصرى للسيارات من اسواء اسواق السيارات فى الاعلم للاسف مبنقيمش كل حاجة على قد ماتستحق بالرغم ان السيفيك افضل وتستحق اكتر

الخلاصة: حضرتك قارن مابين احتياجاتك واولوياتك ده غير فحصك للحالة بتاعت العربية واستخير ربنا وتوكل على الله واتخذ القرار المناسب ليك وربنا يهديك للاصلح ليك ان شاء الله

التسارع للسيفيك تقريبا اسرع

بص يا باشا اختي معاها كورولا 2011 خليجي ( بره ) وانا معاية سيفيك 92 si ركبت عربيتي بتقول لي اسرع من عربيتها فى التسارع وبتقول لي عزمها اشد

أنا برضه أرشح السيفك لنفس المميزات اللى ذكرت من قبل لانى برضه كنت باقارن بين الاتنين والحمد لله اشتريت السيفيك ويا رب يكرمك ربنا وتجيب الvti مش ح تندم وعن تجربه