السلام عليكم
انا سيارتي ليجانزا 2002
لما اشترتها كان فيها تقل في الفتيس لما انقل علي الاول والتاني والمارشليه((المارشليه فوق الاول بالمناسبه مش تحت الخامس))))
لما اكون داخل علي مطب واجي اهدي واجيب التاني بييجي بصعوبه جددااااااا كاني حكسر عصاية الفتيس
المهم صاحبها اللي باعهالي قاللي ده عايزه بس وزن دبرياج
المهم رحت لميكانيكي قاللي ده عايزه تغيير فحمات مش دبرياج
المهم طنشتها الصراحه وقلت ما دام ماشيه خلاص
وانا مسافر لنهارده وبعد ما وصلت وقفت في اشارات كتير
المهم وفجاه بدون مقدمات
لقيت العربيه مش عايزه تجيب الاول او المارش او التالت
يعني الجزء الفوقاني كله
بقت بتجيب التاني والرابع بس
وبقي وضع الماور مكان التالت كده
فاهميني
يعني الماور بقي في اخر المكان من فوق
ومفيش مكان ازق الفتيس للاول ولا التالت ولا عارف اجيب مارشليه لانه فوق الاول
حشرح اكتر
المفروض يكون الماور مثلا في نص المسار
تطلع فوق تجيب الاول او تنزل تجيب التاني
لأ انا عندي مش كده بقي الماور فوق خالص ومبقاش في مكان للاول والتالت والخامس
بقي فيه وضع ماور فوق
وتاني ورابع تحت
يا ريت تساعدوني وتقولولي ايه ده
مع العلم
انا وقفت في بنزينه ولاحظت ان في سائل فضي كله من العربيه
انا كنت مفكهرها مية التكييف
وطنشت وسافرت والعربيه ما سخنتش وحصل اللي حصل
هل ممكن ده زيت الفتيس
ارجو المساعده
لحسن سالت اربع ميكانيكيه وكله كلام غير التاني
ومش عايز اغير الجير بوكس كله لو الموضوع مش مستاهل
منه لله اللي باعهالي لو كان خدعني
المفضلات