مقارنة سريعة بين النترا 2012 فولى لودد و فانتازيا اعلى فئة

**SAMEHNOSHI** · 03-09-2011 02:38 PM

المشاركة الأصلية كتبت بواسطة abdalah_hashem

مقارنة حلوة تشكر يا كبير

العفو يا باشا

المشاركة الأصلية كتبت بواسطة autotycoon

احب الناس الفاهمة

شكرا ده بس من ذوقك

المشاركة الأصلية كتبت بواسطة tito78

مقارنه هايله
بس على أى أساس خلصت إن الفارق يستحق
وكمان لو جيت بعت بعد مثلا 6 سنين فى خبرتك تقول كل واحده تنزل لكم
من فضلك جاوبنى لإنى خلاص على وشك أشترى

يا باشا انا مقلتش الفرق يستحق... انا قولت الفرق يستاهل او لا يعتمد على امكانياتك + انت عايز ايه من العربية
وانا معرفش سعرهم حيبقى كام بعد 6 سنين بس طالما بنتكلم فى 6 سنين يبقى متفكرش كتير فى سعر اعادة البيع... سعر اعادة البيع تفكر فيه لو حتبيع خلال سنتين او ثلاثة او اربعة بالكتير.

**elmadawy** · 03-09-2011 03:22 PM

فعلا مقارنه رائعه جدا ومفيده الله ينور عليك

**ashouhdy** · 03-09-2011 03:43 PM

ياباشا الفروقات اللى قلتها فى الكماليات ولا حاجة

يعنى مثلا البلوتوث ! انت ممكن ب 3الاف جنية تجيب كاسيت تاتش بلوتوث اللى نفسك فية و gps والدنيا كلها ويبقى استريحت نفسيا

انا ضد الاوكتافيا وبقولها صراحة ... هى كانت حلوة لحد 2004 بعد كدة ملهاش لازمة .... بيفكرونى بغبور والفيرنا ... عربية بياعة طب اوقفها لية ... المهم

اية احساسك وانت دافع 210 الف ومركب ورا اتنيين مزنوقيين !!

حاجة اخيرة ميين قال ان العربية بعد 6 سنين حتكون متبهدلة ؟؟!! لو نفس الاستخدام و الكيلوهات مش حيكون فى فرق لية العربية حتقشر لوحدها مثلا !!! قسما بالله معايا فيرنا 2008 لما بتطلع من المغسلة متفرقهاش عن الزيرو !!

العربية اولا واخرا استخدااااااااام

لو حتكلم على المانى يبقى مرسيدس بى ام اودى .... الباقى كلة اخوات من بعيد عدا الجولف والباسات طبعا

**SAMEHNOSHI** · 04-09-2011 11:05 AM

المشاركة الأصلية كتبت بواسطة ashouhdy

ياباشا الفروقات اللى قلتها فى الكماليات ولا حاجة

يعنى مثلا البلوتوث ! انت ممكن ب 3الاف جنية تجيب كاسيت تاتش بلوتوث اللى نفسك فية و gps والدنيا كلها ويبقى استريحت نفسيا

انا ضد الاوكتافيا وبقولها صراحة ... هى كانت حلوة لحد 2004 بعد كدة ملهاش لازمة .... بيفكرونى بغبور والفيرنا ... عربية بياعة طب اوقفها لية ... المهم

اية احساسك وانت دافع 210 الف ومركب ورا اتنيين مزنوقيين !!

حاجة اخيرة ميين قال ان العربية بعد 6 سنين حتكون متبهدلة ؟؟!! لو نفس الاستخدام و الكيلوهات مش حيكون فى فرق لية العربية حتقشر لوحدها مثلا !!! قسما بالله معايا فيرنا 2008 لما بتطلع من المغسلة متفرقهاش عن الزيرو !!

العربية اولا واخرا استخدااااااااام

لو حتكلم على المانى يبقى مرسيدس بى ام اودى .... الباقى كلة اخوات من بعيد عدا الجولف والباسات طبعا

شهدى باشا انا عارف انها كماليات بسيطة يعنى تركيب وحدات رفع مش حيكلفك 200 جنية بس انت مش حتعرف تركبها لانك ببساطة حتخرج برة الضمان
كمان الكاسيت التاتش اللى سعرة 3000 جنية ده صينى تعبان, كاسيت الالنترا التاتش الاصلى بالنفجشن و الكاميرا سعره برة 1600 دولار لوحدة.
و انا لما قلت الالنترا حتبقى متبهدلة و شكلها قديم بعد 5 سنين مقارنة بالاوكتافيا انا مكنتش بتكلم على الميكانيكا و الاعطال انا بتكلم على الشكل الخارجى فقط نتيجة لضعف صاج الالنترا و انت بنفسك على شكل الالنترا 2007 عاملة ازاى دلوقتى جمب الجيتا و الاوكتافيا 2007.
اما الاعتمادية و قلت الاعطال فانا مقتنع ان الالنترا

و افضل كمان من الاوكتافيا, اينعم الشكل الجديد لسة مش معروف نظامه ايه بس الهيونداى عموما واخد مراكز متقدمة من حيث قلة الاعطال و الالنترا بجميع اجيلها تاريخها مشرف.
و انا ذى ما قلت استمتعت بسواقة الالنترا اكتر من الاوكتافيا و عجبتنى جدا و لولا الاربع ملاحظات فى الكماليات اللى قلتهم كانت حتبقى عربية ملهاش حل.

**ashouhdy** · 04-09-2011 02:58 PM

كتير اوى اوووى على الفانتزيا عربية بقالها سنيييين ومتغيرلهاش غير شكل ... والمفروض ان السكودا دة الفرع الاقتصادى الشعبى بتاع مجموعة فولكس فاجن 210 الف !!!!!!!!!!!!!!!!!!!!

**أحمد الجندى** · 04-09-2011 05:42 PM

هى المقارنة كويسة بس حضرتك ما ذكرتش عوامل الامان بين دى ودى واعتقد ان ده من العوامل الفاصلة فى الموضوع

**osama_ruan** · 04-09-2011 06:18 PM

موضوع جميل ومقارنة رائعة قلت فيها الي نفسي اقولو وقلت لكل سيارة الي ليها والي عليها واعتقد ان هيونداي نجحت بشكل رائع لدرجة ان النهاردة بنقارن بين الالنترا وبين الاوكتافيا زائيي ان السيارتين زيي ماحضرتك وصفتهم بالظبط لا اكتر ولا اقل يزيد علي الاوكتافيا الثبات الرهيب الي مش متوافر بنفس الدرجة في الالنترا مع اني احيانا افاجئ بالسيارة علي 190 علي الصحراوي وابقي مش واخد بالي بجد تحية رائعة لهيونداي الي حطت نفسها في مكانة كبيرة جدا ولسة قدامها كتير تكمل بية النجاح يعيبها في رائي انها عملت زي شركة نوكيا نشتري العربية تنزل الاحدث منها بسرعة تخليكي تحس انك راكب سيارة قديمة عاوز تبعها وتجيب الجديد لانو احدث واشيك ودة برضو نجاح

**SAMEHNOSHI** · 04-09-2011 06:21 PM

المشاركة الأصلية كتبت بواسطة المناور

هى المقارنة كويسة بس حضرتك ما ذكرتش عوامل الامان بين دى ودى واعتقد ان ده من العوامل الفاصلة فى الموضوع

عندك حق هما الاثنين فيهم نفس عوامل الامان بالضبط باستثناء ان الاوكتافيا فيها asr + نظام مراقبة ضغط الاطارات زيادة و ده انا قلتة
يعنى هما الاثنين فيهم 2 ايرباجز + فرامل abs و هما الاثنين واخدين 5 نجوم فى اختبارات الامان و شكرا على الملاحظة

-

الموضوع: مقارنة سريعة بين النترا 2012 فولى لودد و فانتازيا اعلى فئة

LinkBack

أدوات الموضوع

عرض

-

-

-

-

-

-

-

-

المواضيع المتشابهه

النترا 2012 vs. جيتا 2011 vs. فانتازيا 2012

النترا 2012 فولي لودد استهلاك البنزين

هل الإلنترا 2012 فولى لودد تستحق 156 ألف

هل الإلنترا 2012 فولى لودد تستحق 156 ألف

مقارنة سريعة بين شاشات (بلازما، إل سي دي، إل إي دي) اقرأ المزيد : مقارنة سريعة بين ش

الكلمات الدلالية لهذا الموضوع

المفضلات

المفضلات

ضوابط المشاركة