الموضوع: العربية بقت بتعوم في مطبات الهوا وعلي السرعات

السلام عليكم

كل سنة وانتوا طيبين يا شباب

قبل الوقفة بيوم عملت حادثة علي الدائري كانت بسبب زلط علي الارض والعربية لفت وعاامت ناحية اليمين ودخلت في الجدار الخرساني اليمين

التلفيات كانت جنطين امامي وخلفي يمين
مقص يمين
كوبلن يمين
ميزان امامي
رفرف وفانوس وطبعا اكصدام

العربية اسمكرت و اتعملتلها زراجين واتعدلت و ركبنا قطع الغيار

وعملتلها ضبط زوايا
الحمد لله وقفت علي حيلها تاني

وماشية كويس ... بس العربية بقت بتعوم لما اعدي علي مطب هوا بسرعة ... التعويم بيبقي ورا .. احساسي بيه انها بتعوم بسبب حاجه ورا ... بس مش عارف ايه السبب .... اتأكت ان الشاسيه مافيهوش حاجه والحمد لله بس متضايق ... هو التعويم مش بيبقي شديد ... بس انا مش متعود علي ان العربية تعوم مني ... ايه اقتراحتكم و الاسباب المتوقعة

تحياتي

المشاركة الأصلية كتبت بواسطة semsem kane

دلوقتى حضرتك بتقول ان العربية بتعوم من الخلف والمطب الهواء بينزل العربية فجأءة ويرفعها فجأة يعنى لو العربية مش مظبوطة زوايا امامى وخلفى مع بعض طبيعى لازم يبقى فيها سنة حودة شمال او يمين حسب الجنب اللى عايز يتظبط

فدلوقتى حاجة من الاتنين هتراجع على المقصات الخلفية الاول وتخلى الراجل يقيسلك الفرق بين العجلتين الخلفيتين والاماميتين لازم يبقوا زى بعض

وعلى فكرة احسن مكان تظبط فيها زوايا موجود فى مركز بريدجستون عمارات العبور اللى على صلاح سالم كويس جدا

تسلم علي الرد ... باذن الله هاروح بكرة لو فاتحين واقولك الاخبار .... جزاك الله عني خير الجزاء