هل اللانسربوما ثابتة علي السرعات العلية وعلي الملفات؟؟؟

**ouba2** · 08-10-2008 03:31 AM

هل اللانسربوما ثابتة علي السرعات العلية وعلي الملفات؟؟؟ وياريت عن تجربة لان واحد صاحبي داحل علي شراء بوما 2008

**ouba2** · 08-10-2008 05:13 PM

اية يا جماعة محدش معاة بومة ولا اية؟؟

**blazer** · 08-10-2008 05:21 PM

هى ثابته
بس متقارنهاش بعربيات تانيه زى الالنترا مثلا او الجين 2
انا صوت انها مش ثابته

**Kamal-1** · 08-10-2008 05:24 PM

كنا مسافرين بيها الساحل مرة والطريق كله على 140 وشغالة يعني كويسة والله
وبعدين انت عاوز تاخد ملفات على كام ؟؟؟ اما بالنسبة لثبات العربية بعد 180 ...... خطر شوية

**blazer** · 08-10-2008 05:44 PM

المشاركة الأصلية كتبت بواسطة Kemo0o

كنا مسافرين بيها الساحل مرة والطريق كله على 140 وشغالة يعني كويسة والله
وبعدين انت عاوز تاخد ملفات على كام ؟؟؟ اما بالنسبة لثبات العربية بعد 180 ...... خطر شوية

حضرتك مش كدا يعنى ثبات 90% من العربيات بيبقى كويس فى خط مستقيم
العبره بان مقطوره تعدى جمبك او تعمل بيها غرزه او ملف جامد والعربيه متعومش منك وتفضل حاسس بلامان وان الواحد يبقى مطمن و هو فى العربيه لان الظروف بتحكم

**r0xer** · 08-10-2008 05:56 PM

هو فين الطريق اللي هتاخد فيه الملفات على سرعات عالية ؟ :d

عموما بصفتي سقتها كتير هقولك

1- العربية ممتازة لحد 160 ثبات جيد و صوت موتور كالزئير و مبتقولش لا.

2- بعد 160 يبدأ شوية اهتزاز خفيف .

3- انا اخدت بيها غرز على 130 ومكنتش بتعوم ولا بتقول لا. ولكن على سرعات اكبر من كدا تحس إنه الموضوع مش مستاهل المخاطرة بصراحة :)

كثبات فالإلنترا أفضل..ولكن اللانسر تتفوق كمجمل سيارة وكتحمل.

وعلى فكرة انا رغم اني هيونداوي لكن أنصح دائما بالبوما ولا أنصح ابدا بالshark :d

**limo** · 08-10-2008 06:01 PM

اقصى سرعه وصلت ليها كانت 140 والعربيه كانت ثابته جدا
ومرضتش انى ازود عن كده لانى خوفت من السرعه
ال140 ده على طريق مش متسفلت كويس وكمان شبه مستقيم
عايز اقولك حاجه االثبات ده بيخلف من شخص للتانى ومن طريق للتانى ومن عربيه لعربيه
يعنى مثال فى سواق محترف على السرعات العاليه بتالى هيعجبه ثبات العربيه
سواق زى انا مش اوى فى السرعات العاليه مش هيعرف يتحكم فى العربيه كويس بتالى ممكن ياخد انطباع ان العربيه مش ثابته
يعنى وانا ماسفر بورسعيد شوفت عربيه ياريس ماشيه على 140 والسواق بسم الله ما شاء الله عارف بتحكم فى العربيه صح ادانى انطباع ان العربيه ثابته
سواق تانى راكب ياريس برضو على نفس الطريق وماشى تقريبا على 90 -100 وحاسس ان العربيه بتعوم منه
-وفى طرق تمشى عليها تحس ان العربيه لازقه فى الارض وفى طرق تانيه تحس ان العربيه طايره من الارض مع افراض انك ماشى على نفس السرعه فى الطرقين
-العربيه نفسها زى ضبط الكاوتش وحالته -ضبط الزوايا والترصيص -العفشه سليمه

**kemoelord** · 08-10-2008 06:02 PM

الحقيقه انا شايف ان اللانسر من اكفئ السيارات الموجودة من حيث الشكل , الامكانيات , الثبات , ويكفي ان انا راكب عربيه 100% ياباني فقط وبعدين السرعات العاليه في اي عربيه اصلا مش كويس خصوصا اذا كان في ملفات او في الغرز

**khaledmekawy2008** · 08-10-2008 06:12 PM

ثبات العربية لا يعلى عليه عربية محترمة جدا فى الثبات والتحكم فيها بس متزودش عن 160 وانت بتاخد غرز ممكن تعوم منك لانها مش تقيلة اوى على الارض زى الموديلات الحديثة زى الشارك مثلا فبلاش وانا لو مكانك مزودش ابدا ابدا عن 160هعرض حياتى للخطر والموت فبلاش اكتر من 160

**omardeneo** · 11-10-2008 05:12 AM

بما انى مش مايكل شوماخر ولا حاجه بس باحاول اساعدك

انا معايا من شهر 4 و سافرت بيها حوالى 8 مرات و تقريبا كل يومين فى الشروق

انا اكتر حاجه جبتها كانت 150 و ما حستش باى حاجه فى العربيه و اكتر من مره باخد ملف و لا غرزه متواضعه على 120 مثلا الدنيا كويسه بس اكتر من كده ما تطلبش منى انما ممكن تيجى تجرب بنفسك و اهو استغلك تسوقلى ساعه ولا ساعتين ببلاش :k24:

مشاهدة نتائج الإستطلاع: هل اللانسر بوما ثابتة علي السرعات العالية والملفات

الموضوع: هل اللانسربوما ثابتة علي السرعات العلية وعلي الملفات؟؟؟

LinkBack

أدوات الموضوع

عرض

هل اللانسربوما ثابتة علي السرعات العلية وعلي الملفات؟؟؟ - انشر الموضوع فى :

-

-

-

-

-

المواضيع المتشابهه

العربية مش ثابتة مع السرعات العالية

العربية بقت بتعوم في مطبات الهوا وعلي السرعات

هل الكرستالة سيارة ثابتة علي السرعات و بتستحمل السفر الطويل؟؟

هل اللانوس سيارة ثابتة علي السرعات و بتستحمل السفر الطويل؟؟؟

هل الكورولا الشكل القديم (2007) ثابتة في السرعات العالية؟؟

الكلمات الدلالية لهذا الموضوع

المفضلات

المفضلات

ضوابط المشاركة