حرارة الموتور داخل الصالون

**sameh_se** · 02-09-2011 05:13 PM

السلام عليكم و رحمة الله و بركاتة
كل عام وانتم طيبين يا شباب .
عندى مشكلة فى عربيتى الابيزا 94 فيها موتور 1800 تتلخص فى الاتى
انا يا جماعة حرارة الموتور بتخش على صالون العربية بنزل منها كلى عرق موت و هدومى مبلولة و موش لاقى حل لها و بينى و بينكم عربيتى مفيهاش تكييف تفتكرو لها حل و لا ابيعها و خلاص فى ناس قالولى ان فى عزل ممكن يركب فى العربية و يمنع دخول الحرارة لصالون العربية
هل دا ممكن ولا كلام على الفاضى و ياترى بيتعمل فين و بيتكلف كام
و طبعا مانساش اشكركم لانكم ديما بتساعدونى و برجع لكم فى المشاكل الى بتقابلنى فى العربية .

**SYD** · 03-09-2011 02:46 AM

طبعا هي المشكلة دي مشكلة عزل لصدر العربية

بيتركب حاجة اسمها لباد تحت الطابلوه ولحد تحت عند الدواسة

طبعا العربية اساسا بتيجي معزولة بحاجة شبه اللباد دة وبتبقي مادة حرارية بتتحمل حرارة عالية جدا وكمان بيركب طبب كاوتش علي الفتحات الي في صدر العربية وفتحات وصلات ومواسير التكييف

لكن المدهش مين فكها عندك ؟؟؟؟

هل لما غيرت الموتور ؟؟؟

عموما هي التكلفة لن تقل عن حوالي من 700 ال 800 جنيه ويمكن اغلي
علي حسب السروجي ونوعية اللباد نفسه

ربنا يعينك

والله المستعان
،
،

**SYD** · 03-09-2011 02:50 AM

حضرتك بداية هتروح عند كهربائي يفك الطابلوه بالكامل
وبعدها هتروح للسروجي يعملك اللباد دة او العازل

طبعا موال كبير ويمكن تقعد فيه اليوم كله فك وتركيب

الله المستعان
،
،

**ehab_mansour** · 03-09-2011 12:24 PM

فيه عندي حل ولكن مش عارف فيه حد هيعرف ينفذه ولا لأ انك ممكن تعزل صدر العربية من بره من غير متفك التابلوه ولكن ده هيخلي حوض الموتور شكله مختلف و ممكن يسيء للعربية

هتعزلها باستخدام طبقتين ألمونيوم عازل وبينهم العازل اللي بيستخدم في البوتاجازت ده و بيستخدم أيضا في عزل الفريزر و الثلاجة لكن المشكلة في مين يقدر يعمل الحاجات دي بشكل و تنفيذ جيد و تفتيح جيد لأماكن المواسير الدخالة و الخارجة و الحاجات المثبته علي الصدر ؟؟؟؟؟؟؟

وعلي فكرة فيه عربيات قديمة كانت بتنزل معزولة من الصدر من بره بخامات كده عازلة شبه القماش او الصوف ولكن تخينه لو لقيت حاجه زي كده ممكن تعملها انت

**SYD** · 03-09-2011 06:54 PM

المشاركة الأصلية كتبت بواسطة windsofchange

نفس مشكلة سامح.......حصلت ازاي عندي مكنتي ال1000 سي سي كان فيها تكييف بس احنا قلنا نركب الكويل بتاع المكنة 1600 الي جاي معاها فكينا التابلوه وعارفين طبعا مواسير الداخل والخارج علي كويل التكييف واللي بيقطعهم فالنصف الاكسبانشن فالف الي عالصدر من برا كان في فتحتين وكانوا موجودين وفيهم المواسير فالمكنة ال1000 الي داخلة وخارجة الباشا مش عارف استسهل ولا ايه ومش عارف يركب الكويل كويس ويريحه عالصدر فوسع في فتحة من الاتنين اللي عالصدر الصاج من بره بالصاروخخخخخخخخخخخ وقالي لازم ومفيش طريقة غير كده ودولقتي الصهد ده بيسخن لي العدادت والكونسول اتكسر من الصهد وحسبي الله ونعم الوكيل

الله يسامحهم الصنايعية الحمير
بيبوظوا ويكلفوا صاحب العربية وممكن لا قدر الله يكرهوك في عربيتك وياما صنايعية بيعت الناس عربياتها

بس الصراحة الغلط عندك انت، ليه سيبته يوسع بالصاروخ ويلعب في صدر العربية

معلش محدش بيتعلم ببلاش

والله المستعان
،
،

**windofchange** · 04-09-2011 05:12 PM

المشاركة الأصلية كتبت بواسطة matrix012

بص يا باشا علشان الموضوع ده حصل معايا قبل كده
اولا فى فأخر عصاية الدركيسون خالص فوق دواسة الفرامل حتة فبره كده مستديرة الشكل بتركب علشان تعمل عزل بين الموتور وبين الصالون حتى لما جبتها من الحرافين ب 40 جنيه على ما اتذكر روحت للميكانيكى وقالى كلمة حكمة ركبها انتا علشان ديه حاجه بسيطه بس متعبه جدا ولو قولتلك هات 10 جنيه هتقولى ليه يا عم ديه حاجه بسيطه
المهم انى قتحتها بالمقص وركبتها وعملهت بشريط لحام وشوية كوليه بلاستيك
وسبحان الله بقالها اكتر من 9 شهور راكبه وزى الفل اى نعم شريط اللحام فك بس الكوليه البلاستيك موجود
وشكرا

جزاك الله خير .... بعد ماسقطت المكنة مكنتش الحته دي راكبة كويس ورحت للميكانيكي ركبها لي كويس بمسامير هي تقريبا او صواميل مركبهاش بكوليه والصهد قل لكن الصهد جاي عندي من مكان دخول وخروج مواسير التكييف بالاضافة لصوت صدي هواء جامد بعد ماتعدي ال100 ك حتي لو قافل الزجاج

-

-

الموضوع: حرارة الموتور داخل الصالون

LinkBack

أدوات الموضوع

عرض

-

-

-

-

-

المواضيع المتشابهه

صوت وره عالي داخل الصالون

حرارة جوه الصالون

سؤال مهم لخبراء اللانوس(عن تسرب حرارة الموتور داخل الكبينة)

حرارة الموتور الخارجية (حرارة عالية خارجة من الكبوت).........

درجة حرارة المتور معقولة جدا لكن الصالون سخن جدا

الكلمات الدلالية لهذا الموضوع

المفضلات

المفضلات

ضوابط المشاركة