مطبات علي الزراعي !!

**hpxp** · 03-09-2011 06:21 AM

لسه راجع من اسكندريه دلوقتي المهم طول الطريق 130-140 وجيت في حته خفيت شويه وهي بعد نزله الطريق الدولي بحسمه 4-5 دقائق وقبل موبري بركه السبع ب2-3 كيلو كنت في الحته دي 80 ولقيت مجموعه مطبات صغيرة بس بتوجع العربيه هديت كمان وهوب المطب الملعون وقفت عليه بس قطم وسط العربيه
يعني الي رايح زراعي يخلي باله بعد كوبري بركه السبع
والي راجع يخلي باله بعد نزله الطريق الدولي

**pro_samir** · 03-09-2011 07:47 AM

ده من رمضان مطب في منتهي الغباء يا ريته مطب مفرود من اللي يطيرك مترين وخلاص لأ المطب واقف مش عريض يعني لا قدر الله وحد لبسه هتبقي وحشه جدا جدا

والعوارض التخينه دي كنت معدي بالليل وهم موقفين الطريق وبيعملوها دي ممكن تخلي الناس تهدي شويه لكن قبلها احتمالات ان حد يلبسه كانت كبيره جدا

**hpxp** · 03-09-2011 10:15 AM

تعليقوالدي علي المطبات دي
دول عملو صفين طوب احمر فوق بعض

**MASERATI** · 03-09-2011 03:14 PM

السلام عليكم و رحمة الله و بركاته

شوف بأه, أديك انبسطت شويه و مشيت عالطريق الدولى الساحلى العظيم المحترم على 130 و 140 كم/س و عيشت حياتك شوية و بعدين اتعذبت من جمصة لحاااااااااااااااد بركة السبع, أومال أنا بأه اللى من المنصورة و بلدنا هى بركة السبع

و مافيش أودامى الا الطريق القذر الزبالة ده (المنصورة - المحلة الكبرى - طنطا - بركة السبع), أنا بأه أقول ايه, لما تكون المسافة 70 كم و بأخدها فى ساعة و نص !!!!!!!!!!!!!!!

حسبى الله و نعم الوكيل.

عشان كده, مابروحش الا مرتين و لا تلاتة فى السنة و دمتم بود شديد جدا آخر حاجة.