الموضوع: حد مركب انذار وولف وحد عنده دواسات كويسة؟

المشاركة الأصلية كتبت بواسطة Ashraf_Ibrahim

ربنا يكرمك يا رب يا استاذ ايمن
انا في الحقيقة معرفش افضل مكان يركب فيه الحساس
حلوة حكاية اللمبة الزرقا بقت حمرا دي هجربها
انت بتقفل من الزرار اللي عليه علامة اكس زي ما الزميل الفاضل قلك وهتلاقيها فعلا سايلنت فلاشر بس مش اكتر

مشكور استاذ اشرف لذوقك ومساعدة العضو الفاضل والعيب طلع من الانذار لاننى لقيت الريموت اللى فى العلبة غير الريموت اللى مرسوم عليها. وهارجعه بامر الله واغيره بواحد باربع زراير.

الريموت طلبته يكون زى بتاع الفابريقة وبعد ما فتحت العلبة وسالت الاعضاء هنا وبصيت على الموقع بتاعهم لقيته غير الموجود معايا.

اللى معايا :
3 زرار :
-قفل اللوك
-فتح
-استدعاء او اللى هو عليه جرس وده فايدته تشغيل الانذار او البحث عن العربية فى مكان زحمة.

المشاركة الأصلية كتبت بواسطة ashraf_ibrahim

اها
بتاع الفابريكة 4 زراير يعني؟!
مش هتفرق كتير يا صديقي
لو الريموت مريحك وشغال كويس خلاص سيبه
اما لو انت عايز ابو 4 زراير وشايف ان فيه عيب في الريموت يبقا غيره دي مش قضية !
بس خلي بالك تاخد الريموتين عشان يولفلك الاتنين لأن لو غيرت واحد هتلاقي التاني مش شغال !

لا لا .بص يا سيدى الفاضل.

النيو اكسنت بتيجى بانذار فابريقة متركب هنا فى مصر المحروسة.تمام

الانذار الولف اللى انا جبته الجديد مرسوم على العلبة من برة شكل الانذار اللى جواها.فانا اختارته زى الانذار اللى كان جاى مع العربية.بس لما ركبت وبصيت على الريموت لقيته مش هو اللى على العلبة.فكلمت الراجل قولتله قاللى مفيش مشكلة تعالى كمان يومين اغيرلك الريموت بالوحدة كلها ونقى ريموت تانى خالص.

المشاركة الأصلية كتبت بواسطة ashraf_ibrahim

طب وليه يغيرلك الريموت بالوحة كلها
يغيرلك الريموت بس ويحط ريموتك على الوحدة اللي عنده ويولفهم على بعض
دا توليف الريموت مش بياخد 5 ثواني
شكله مبتديء :d

ههههههه.لا والله يا صديقى اصل انا اللى طلبت تغيير الوحدة و ال 2 ريموت الجديد.لان لو نقيت 2 ريموت جداد وخد هو القديم اللى متولف على الوحدة عندى يبقى الريموت بتاعى معاه وبما ان الزمن اللى احنا فيه متامنش لحد بالساهل يبقى الاسهل تغير الوحدة وال 2 ريموت معاها ولو هدفع فلوس تانى.