لانوس شيفروليه 2012 الغيار الثالث

**semsem_saad** · 05-09-2011 01:57 AM

واحدة واحدة كدة ...أولا الإنذار من الأشياء المهمة خصوصا فى الظروف إلى أحنا فيها دلوقتى وممكن تركبى معاه وحدات الرفع مافيهاش مشكلة بس عموما أنتى هتضطرى تركبية بره مش فى التوكيل لأننا بالفعل سألنا أنا وصديق ليا معاة شيفروليه لانوس وقالو فى التوكيل مش بنركب الإنذار ووحدات الرفع داخل التوكيل وممكن تركبوه عادى برة مافيش مشكلة بس الفنى إلى هيقوم بالتركيب مايجيش جنب الضفيرة الأساسية للعربية ويكون تقفيلة وشغلة نضيف ودة فعلا إلى حصل ..وماتخافيش العربية مش هتخرج طبعا من الضمان ...بس أهم حاجة الصانيعى إلى هيركب ...ممكن حضرتك تقولى نطاق المكان إلى أنتى ساكنة فية ونقولك ممكن يكون فين أقرب مكان ...
وللعلم ........سعر الإنذار ( ماركة ولف ) حوالى 170 جنية والتركيب 50 جنية
وحدات الرفع وحدتين للأربع أبواب 100 التركيب 30 جنبه ..الأسعار تقريبية ولن تزيد
أما بالنسبة للسينسور فأنا لسا صديق ليا مركبة وفعلا عملى جدا جدا .....وفى منة أنواع طبعا والسعر من 250 جنية وأنتى طالعة ...بس كدة
أتمنى أكون أفدت وبالتوفيق أن شاء الله

**dr_karim** · 05-09-2011 02:41 AM

ازاى يركبة و ميجيش جنب الضفيرة؟؟ سؤال ضرورى عشان انا محتاس و عندى نفس المشكلة هى الضفيرة دية مش هى اللى ورا الكاسيت كدة؟؟

**mailo** · 05-09-2011 11:23 AM

الضفيرة دي هي تجميعت الأسلاك اللي فالعربية كلها مع بعض بتروح للكاست والانوار وكل حاجة

**mailo** · 05-09-2011 11:25 AM

المشاركة الأصلية كتبت بواسطة bondjames

ركبى كاميرا وشاشة أحسن كتير - الرؤية أحسن من السمع - لاتتنازلى عن spy 5000 alarm مش أى جهاز

مش فاهم من الفيديو ده أي حاجة خالص

**semsem_saad** · 05-09-2011 06:06 PM

ازاى يركبة و ميجيش جنب الضفيرة؟؟ سؤال ضرورى عشان انا محتاس و عندى نفس المشكلة هى الضفيرة دية مش هى اللى ورا الكاسيت كدة؟؟
....
حسب معلوماتى موجود فى العربية أكتر من ضفيرة كهرباء خاصة بكذا حاجة- كمبيوتر السيارة الأساسى ( الكنترول ) -التابلوة والكاسيت والإضاءة والزجاج الكهرباء - كهرباء الموتور والرشاشات والحساسات
وعموما ماتشغلش بالك موضوع الإنذار ووحادت الرفع مالهاش علاقة بكل دول ..يعنى عادتا بتكون فى ضفيرة أزرار الزجاج الكهرباء والسنتر الرئيسى فى باب السائق ..يعنى المهم الى هيركب يكون تقفيلة كويس وطبعا فاهم ....
وبالتوفيق ان شاء الله .......

**zaraawad** · 06-09-2011 02:06 AM

انا فى الاسكندرية وسالت قالوا لو ركبت الانذار برة هيخرجوا الضفيرة من الضمان
بالنسبة للباركينج سيتشور انا شايفة انه فعلا عملى جدااا بس مش عارفة دى يتركب فى التوكيل ولا برة ولو ركبته برة هيلغوا ضمان ايه
مش فاهمة موضوع الكاميرا والشاشة ليه وبتتركب فين

انا اشتريت جهاز انذار سييمفونى ب 180 ووحدات رفه للاربع ابواب ب 9- جنيه بس لسة ما ركبتيش انا اللى قلقانى العصابات اللى شغالة سرقة فى كل مكان وربنا يلطف بينا كلنا

شكرا ليكم كلكم للمساعدة

**semsem_saad** · 06-09-2011 06:55 PM

المشاركة الأصلية كتبت بواسطة zaraawad

انا فى الاسكندرية وسالت قالوا لو ركبت الانذار برة هيخرجوا الضفيرة من الضمان
بالنسبة للباركينج سيتشور انا شايفة انه فعلا عملى جدااا بس مش عارفة دى يتركب فى التوكيل ولا برة ولو ركبته برة هيلغوا ضمان ايه
مش فاهمة موضوع الكاميرا والشاشة ليه وبتتركب فين

انا اشتريت جهاز انذار سييمفونى ب 180 ووحدات رفه للاربع ابواب ب 9- جنيه بس لسة ما ركبتيش انا اللى قلقانى العصابات اللى شغالة سرقة فى كل مكان وربنا يلطف بينا كلنا

شكرا ليكم كلكم للمساعدة

كنت عايز بس أقولك غن الإنذار الولف أحسن شوية علشان كمان صيانتة سهلة بس عموما مش هتفرق كتير المهم تأمنى العربية ....
وموضوع الضمان دة انا سألت عنة بس هنا فى القاهرة فى التوكيل الموجود على طريقة مصر أسكندرية وكنت معى صديقة لأنة كان أول مرة يروح وطبعا أول عربية فقالو الحكاية دى أنها مش هتخرج من الضمان لو ركب برة ....وفعلا سألت اكتر من مهندس واكدلى دة ..
وبالفعل أحنا ركبناة برة عند واحد ممتاز ويعتبر صديق ليا وتقفيلة كان نظيف جدا وبعد كدة روحنا عملنا صيانة ال 5000 عادى ومافيش أى مشكلة
وعايز أقولك حاجة هما مش بياخدوا بالهم من الموضوع دة خالص لأن الفنييين هناك على ماقسم
وبعدين هأقولك على نصيحة عن تجربة معظم التوكيلات مش كلها طبعا مش تمام زى ماأنتى فاكرة الإستفادة الوحيدة ( قطع الغيار الأصلية )
وبعد كدة أنتى إلى تشوفى فنيين كويسين ( ميكانيكى - كهربائى - عفشجى) برة التوكيل وتشترى قطع الغيار الأصلية بس هتوفرى على نفسك كتير جدا لأن العربية بقت محفوظة خلاص ...........
بالنسبة للسينسور دة بيغنى عن الكاميرا الخلفية ..
الكاميرا الخلفية بتتركب فى الإكصدام الخلفى لكن بتحتاج شاشة عرض ( dvd ) جوة العربية ...
وأسف انى طولت عليكى ...وبالتوفيق ان شاء الله

**zaraawad** · 07-09-2011 01:15 AM

شكرا جداا والله ربنا يكرمك لانكم فعلا بتجاوبوا باستفاضة وفى حاجات كتير استفدتها ربنا يبارك لكم

**momo_h** · 07-09-2011 05:24 PM

لو حضرتك ركبتي جهاز الانذار بره التوكيل وبعد كده رحتي التوكيل يا ريت تقولي الوضع بالنسبة للضمان ايه هل فعلا الضفيرة هتفضل في الضمان ولا هتخرج من الضمان

**semsem_saad** · 07-09-2011 08:01 PM

المشاركة الأصلية كتبت بواسطة zaraawad

شكرا جداا والله ربنا يكرمك لانكم فعلا بتجاوبوا باستفاضة وفى حاجات كتير استفدتها ربنا يبارك لكم

أحنا كلنا أخوات وبنساعد بعض بالمعلومات والله الموفق ........

الموضوع: لانوس شيفروليه 2012 الغيار الثالث

LinkBack

أدوات الموضوع

عرض

المواضيع المتشابهه

شيفروليه لانوس و لا فيرنا 2012

صوت كركره على الغيار الثالث

اشتريت شيفروليه لانوس 2012 fo ومحتاج مساعده عاجله لو سمحتم

لانوس شيفروليه 2012

العربية ما بتجبش الغيار الثالث

الكلمات الدلالية لهذا الموضوع

المفضلات

المفضلات

ضوابط المشاركة