ربنا يسهل بس و الحالة ماتستمرش فترة طويلة و تنتهي بسرعة
ربنا يستر طريقنا جميعا
عرض للطباعة
شغلى قران لشيخ تحبى تسمعيه
هتحسى براحة نفسية
أنا باشكر دونزي والأعضاء المشاركين في هذا الموضوع لأني في حالة شبيهه لما انتي عليه يا دونزي.
أنا ليا قصة مشابهة لو هاتفتحي موضوع منفصل أنا مستعد لنشر قصتي لأني في حالة قريبة من حالتك ولكني بحارب نفسي شوية وان شاء الله مش هاستسلم.
ربنا يحمينا ويحمي كل الناس من الحوادث.
فى حل كويس برضه
لما تحسى بأى قلق
شدى مع الناس فى الشارع وخدى غرز ههههههه
دة هيحمسك اكتر انك تسوقى ومتخافيش من حاجه
بس خدى بالك شدى براحه :)))))))))))))))
ياااااااااااااه دا كان زمان بال i10 كنت مقضياها و العربية كانت صغيرة و مساعداني و كمان كانت مانيوال و طبعا الشد و الحرق و الغرز كله في المانيوال
لكن دلوقتي العربية كبرت و بقيت اتوماتيك و انا بقيت متبرمجة لو العربية عديت ال 110 او 120 بلاقي رجلي عالفرامل تلقائي لحد ما ارجع تحتت ال 100 و مفيش بقى الغرز و يمين و شمال و الكلام بتاع زمان دا خالص ، حاسة اني بقيت انسان الي و انا سايقة
المهم طريقة كلامك الكوميدية خلتني ارجع ورا اشوف مين قليل الذوق ده اللي مردش عليك
آخر حاجه كنت اتوقعها اني اطلع انا !!!
فعلا مشفتش المشاركة دي خالص, والله ما شفت السؤال حتى
المهم يا باشا
الموضوع فعلا صعب لأنك بتعدي كل يوم !!!
بص يا باشا الحادثة فيها الطرف الاقوى والطرف الاضعف
يعني مثلا انا عملت حادثة, بس معظمها كان الخطأ مش خطأي واليوم اللي العربية القديمة راحت فيه بسبب ميكروباص اهل الحتة الجدعان مسكوا السواق وكلموا البوليس واتعمل محضر واخدت فلوسي منه والعربية اتصلحت في 36 ساعة
لما بفتكر الموضوع ده بفتكره على اني الطرف المنتصر.. وبالتالي بحب افتكره.
انما نيجي لموضوع حضرتك
1. العربية باظت
2. واقفة عند الميكانيكي من اول رمضان
3. مفيش قطع غيار
4. رجعت تركب ميكروباصات
5. حرمت العائلة من السيارة
6. بتعدي على الكوبري كل يوم !!!
لو تأملنا الموضوع هو فعلا صعب, ممكن يكون اجهاد ما بعد الصدمة
وممكن الموضوع يكون شعور بالذنب
وممكن يكون احساس بالضعف انك مخدتش حقك في اللي كان السبب في الحادثة (انا معرفش التفاصيل وبتكلم عام جدا)
وبالتالي جزء من الموضوع مش حيروح الا لو العربية اتصلحت و(اتلمت) ورجعت تمشي ثاني او اتباعت وجت غيرها
وبما إن الموضوع صعب ومش بالسهولة دي
انا بنصحك انك تذهب الى طبيب نفسي او تقوم بالاتصال بي ممكن اوصف لحضرتك الدواء المناسب من مضادات القلق او Mood stablizers
وآسف مرة ثانية