اولا ازيك يا دونزي
انا شوفت صور عربيتك ، والحادثة الحمد لله مش جامدة والحمد لله انتي طلعتي منها علي خير
انا معاكي في الأحساس بتاعك بس الواحد لازم ينسي عشان يعرف يعيش
وسمي الأنسان انسان من النسيان
انا كمان لما عملت حادثة علمت الموضوع دة
http://www.nilemotors.net/nile/23772...post3873713211
وكمان بقيت اخاف من السواقة بشكل غير عادي ولحد النهاردة بس لما رجعت سوقت (طبعا عربية اخويا لأن عربيتي مازالت في الصيانة) قل شوية موضوع الخوف بس مازلت بخاف ولو ركبت مع اخويا بخاف ولو ركبت ميكروباص بخاف وبالزات لو عديت من المكان الي عملت فيه حادثة وللأسف ان المكان دة في طريق عودتي من شغلي لبيتي فبعدي عليه يوميا
بس الواحد لازم ينسي ولازم يعود نفسه علي السواقة من اول وجديد وزي ما بيقولوا الضربة الي ماتكسرش الضهر بتقويه
بمعني ان في دروس مستفادة من الحادثة والواحد لازم يتعلم من اخطائة
انا مثلا خدت درس اني مش هجري تاني بعربيتي مهما حصل وان في ميعاد لازم هوصل فيه حتي لو خدتها مشي علي رجلي
انتي كمان لازم تطلعي بدروس مستفادة من الحادثة بتاعتك
انا حتي يومنا هذا بحلم وبتخيل كتير موضوع الحادثة بتاعتي
بس دة مامنعنيش عن السواقة ومش هبطل سواقة انشاء الله لأني لا يمكن أأمن لحد عليا او علي اسرتي انا مش بثق غير في سواقتي وبس
والله المستعان
،
،