مش لوحدك على فكرة
بس انا بحاول اتغلب على الموضوع دة باية
بشغال قرأن بشغال اغانى بحاول حاجة تونسينى طول ما اناماشى
عرض للطباعة
مش لوحدك على فكرة
بس انا بحاول اتغلب على الموضوع دة باية
بشغال قرأن بشغال اغانى بحاول حاجة تونسينى طول ما اناماشى
للأسف مش حضرتك بس اللي بتعاني من الموضوع ده
كتيير بيعانوا لكن مش لأنهم مثلا عملوا حادثة او اي مشكلة حصلتلهم
لكن بسبب الناس و اغلب الوقت الحادثة ساعات بتكون بسبب خطأ الاخرين مش شرط ماشية انا العربية عندي اتخبطت و هي واقفة نزلت لقيت الباب مبتسم في وشي لجوة :)
لكن عامة حاولي قبل ما تسوقي تكوني نايمة كويس متسوقيش و حضرتك مرهقة و عايزة تنامي
و سمي و توكلي ع الله قبل ما تطلعي بالعربية و عينك تكون في راسك و تسوقي واحدة واحدة و خاصة الملفات و التقاطعات
و اعتبري ان اي شخص قدامك مش بيعرف يسوق و اتعاملي ع الاساس ده و متعانديش مع حد و حاولي تتجنبي السواقين السوبر مان اللي عندنا ( نقل بانواعه - ميكروباصات خاصة الترامكو - تاكسيات - تكاتيك )
و مع الوقت هتلاقي ان الموضوع بقي عادي و الرهبة ديه هتروح ان شاء الله
و انا عن نفسي عامل مبادرة يمكن العربيات تخف شوية و الشوارع تتعدل شوية :)
http://www.nilemotors.net/Nile/243347-a.html
هنزل اخد لفة بقي بالعجلة :)
ربنا يحسنلك الاحوال... شغلي قرآن كريم و سمي و قولي دعاء الركوب أبل ما تطلعي و ربنا الستار.
هههههههههههه
اهم حاجه الإنتظار ما يكونش طويل علشان بيجيلي فوبيا قبل ما ادخل للدكتور
انا كمان كان عندي فوبيا من الكوبري علشان خبطت العربيه عليه اول ما جيبتها
بس الحمد لله بعدها بسنه رجعت امشي عليه
والله انا بحاول بأيدي وسناني والحمدلله بدأت انسي شوية وتقل عندي التخيلات والأحلام
بس الي زاد الطين بلة بعد اسبوع من حادثتي حصلت حادثة مروعة تحت الشغل عندي وكان فيها مصابين واسعاف وشرطة وجيش وخناقة ومولد
بس انشاء الله ماتوصلش لدكتور احنا احسن من غيرنا والحمدلله علي كل حال ولو جت في الفلوس طز :stink[1]:
المهم الواحد بخير
والله المستعان
،
،
اهم حاجه فى الموضوع ده انك تستعينى بربنا علشان يساعدك
و تخليكى عارفه كويس جدا ان كل امورنا بتسير بقدر من الله عز و جل
انتى تاخدى بالاسباب و تسوقى عربيتك بشكل سليم و هادئ و تشيلى موضوع الخوف ده من دماغك خالص
و دائما تذكرى قول الله ( قل لن يصيبنا الا ما كتب الله لنا ) صدق الله العظيم
و اخيرا انصحك انك قبل ما تخرجى من بيتك تصلى ركعتين قضاء حاجه و ان شاء الله هتلاقى نفسك هاديه مطمئنه و ابقى طمنينا عليكى ان شاء الله
انا العكس يا دونزي
مش بآمن اني اركب مع حد خصوصا على طرق سريعة
ضروري اكون انا اللي سايق
الفكرة كلها تتلخص في شيء واحد
الاصرار على انك توصلي لنفسك انك الافضل -بس مش بغرور طبعا -
يعني مثلا مثال بسيط
انا كنت ماشي في السواح تقريبا وبعدي عربية باجيرو من على الشمال -على 50 تقريبا- تفاجأت بعجوز بتعدي الشارع فرملت وقلت افاديها يمين -على يميني الباجيرو- اتاري انا تحتيا ميا العربية زحلقت ولفت ببوزها يمين وبقا في وشي الباجيرو وهخبطه خلاص قمت كاسر الدروكسيون كله الناحية التانية مع فرملة كاملة الحمد لله اكصدامي حط في الباب الخلفي بتاعه من تحت طبعا
نزلنا وسلمنا على بعض وبتاع
منكرش اني بعد ما سبته ومشيت انا كانت رجليا مش ثابتة على الدواسات ودا بطبيعة الموقف نفسه
بس عادي انا مكملتش 5 كيلو غير ورجعت هادي تاني جدا وكملت الطريق ولا كأن حاجة حصلت وجريت بالعربية عادي جدا
في رايي انك تتخذي من الهدوء حل ليكي
وتمشي بالراحة
90/100
السرعة دي اقصى درجات الامان ولو حصل اي حاجة تقدري تفاديها بكل سهولة باذن الله
ومتنسيش انك بتسوقي بقالك فترة فمتجيش تضيعي مجهود وخبرة الفترة دي بسهولة كدة
فيه ناس كتيرة بتتعب على ما بتقدر تعد على دروكسيون عربية لوحدها
مش من النوع الخواف للدرجة دي انا فامعتقدش ان الموضوع فيه حاجة تانية و انعكست على السواقة و الله اعلم برضو كل شىء جايز
انا هاكتب كل الادعية دي و هاخليها معايا في العربية و كل ما اركب هاقراهم ان شاء الله
و فعلا لما بيكون في حد معايا في العربية و بتكلم معاه او بيجيلي تليفون و اقعد ارغي و انا سايقة الوقت بيعدي اسرع و اريح كتير ما اكون لوحدي بس اكيد مش هافضل كل ما اجي اركب العربية اتصل باي حد عشان اقعد ارغي او اجيب مرافق معايا
لازم انا اللي اتغلب عالموضوع دا بنفسي ان شاء الله
يا دكتور انا مش ناسية ولا حاجة انا معرفش المعلومة دي اساسا بس والله معلومة كويسة دا احنا كدا هانستغل حضرتك جامد جدا في حالات كتير مش في عقد السواقة بس
ما هو انا خايفة اعمل الموضوع دا و يجي بالعكس فا انا هاحاول مع نفسي شوية الاول كدا و مفيش مانع من استشارة الطبيب النفسي لانه اكيد هايفيدني و ان ماكنش في السواقة يبقى في حاجات تانية اكيد :grin21::grin21::grin21:
هييييييييييييييه انا معايا الاستيكر :tumb:
ايه دا بس انا مش هاجي بالعربية اصلا عشان حضرتك تشوف الاستيكر ..... نفرض جيت ركنت تحت الكوبري و الكوبري وقع عليا ؟؟؟
خلاص نخليها بيضة و رغيف و امري لله
أنا الاحساس ده بيجيلي بعد ما بعمل حادثه او اشوف حادثه جامده بس شويه وبرجع تاني