مشكلة فى كبالن السيينا!!!!

**mana9wafaie** · 12-05-2008 04:26 PM

اولا السلام عليكم على احلى منتدى..
ثانيا انا متدايق جدااا وبشييييييييط من جوة
انا كنت شارى الصيف اللى فات عربيتى اللى هى فيات سيينا بصراحة العربية حالتها نضيفة جدا جدا المهم بعد ثلاث او اربع شهور ابتديت اسمع صوت طقطقة فى الملفات بس خفيف اوى وابتدى يزيد مع الوقت رحت للميكانيكى قالى دى كبالن يا ريس قلتلة ازاى دى العربية مكملتش 50 الف كيلو قالى عادى ممكن مع الاستعمال السىء تبوظ قالى ابقى مور وانت بتلف قلتلة منا بمور طبعا المهم غيرها مكملتش شهر وابتديت اسمع الصوت تانى مع انى مش بتحرك بالعربية كتير واستعمالى نضيف جدا دة حتى لو بفرم فيها متلحقش تبوظ بالسرعة دى والله انا متدايق جدا ومش عارف دى مشكلة اية عفشة بقى ولا اية كمان لما باخد مطب وانا نازل بوش العربية بسمع زى صوت خبطة حديد معرفش بقى دة صوت المساعد الطبيعى ولا دة اية على العلم ان الميكانيكى ربطلى على العفشة واخويا معاه النترا ما شاء الله عاملة 64 الف ومفيش مشاكل فى العفشة الحمد لله..
قولولى اعمل اية انا خايف اغيرها تانى وتبوظ بعد شهر ارجوكم ساعدوووووووونى
والف شكر يا رجاله والسلام عليكم

**dr_3eshoo** · 13-05-2008 05:01 PM

اكبر اعداء للكبالن هم
او حاجه تاخد ملف على سرعه و انت مش ممور العربيه
ممكن كاوتش الكوبلن يقطع و احنا مش واخدين بالنا و في نوعيين من كاوتش الكوبلن ناشف و طري لازم يبقى الطري علشان مايتقطع بسهوله الكاوتش يهرب شحم الكوبلن و بيبوظه
كمان الي بيركبوا لازم يكون غاسل اديه كويس بالجاز لان لو ترابايه دخلت الكوبلن هيبوظه
كمان الطقطقه في الملفات دي مش مشكله المهم الطقطقه في الطوالي علشان الكوبلن ما يفرطش
كمان لازم كل شويه وانت بتغير زيت تخلى الراجل ينزل تحت العربيه يقلك اخبار كاوتش الكوبلن ايه علشان تغيره
لازم تعرف ان في 2 كبالن في العربيه خارجي و داخلي المشكله دي في الخارجي مهياش مشكله تغريه لو مضايققك لو عادي زي حلاتي طنشه مفيش منه خطوره
الداخلي طقطقه في الطوالي و دي خطر ممكن الكوبلن يفرط و ساعتها ربنا يستر
لازم تجيب الاصلي علشان الكوبلن يعمر معاك

**Santino** · 13-05-2008 05:08 PM

ممكن يكون النوع اللي إنت جبته مش أصلي , إنت جبتهم منين و بكام و صناعتهم إيه ؟

**mana9wafaie** · 13-05-2008 08:06 PM

ألف شكر يا دكتور عيشو الحقيقة كلامك كلة صح بس ممكن يكون اى حاجة من اللى انت قلتها فعلا بس انا اللى مستغربلو ان القديم اللى كان جاى بيها حصلو كدة بردو وممكن يكون الللى كنت شاريها منو ركبلها كوبلن وبعها انا الصراحة مبقتش عارف بس الف شكر ليك يا معلم على تعبك معايا