مساعدة في شراء كرسي الاسكندرية

**a7madramadan** · 04-09-2011 05:18 PM

انا باشتري كرسي لغرفتي فالبيت محتاج كرسي مريح و متحرك و متين

انا هاقعد عليه كثييير قوي للمذاكرة و للكمبيوتر .. و أنا مش من اصحاب الأوزان الكبيرة انا وزني حوالي 70 كيلو تقريبا

بس المشكلة اني مش عارف انزل اشتريه منين ... كل ما اسأل حد يقولي كل الكراسي فالسوق مضروبة و أسأل طيب اشتري منين ما يعرفوش ... و ما اعرفش غير مولات الكمبيوتر الي بتبيع انواع كلها غريبة شوية و مش متينة او يمكن دي وجهة نظر متسرعة شوية و انا غلطان ...

انا مش بادور على كرسي كبير بتاع مكاتب المديرين انا عاوز كرسي صغير للبيت بس يكون صناعته محترمة ويعيش

هل في مكان معين او ماركة معينة ادور عليها وانا باشتري .. وعاوز اعرف متوسط الأسعار حوالي كام..

في انتظار ردودكم الكريمة و نصائحكم ولكم جزيل الشكر

**a7madramadan** · 05-09-2011 06:10 AM

طيب نقولوا للرفع ... و دمتم ســـالمين

**misoalex** · 05-09-2011 06:38 AM

بص كرسى ماركه يعنى اظن مش اقل من 700 جنيه اذا كان الكرسى الصينى ب 180 جنيه

بص فيه ورشه فى المنشيه فى شارع كمال سعد بتاع الورق بعد محل كمال سعد بشويه فى شارع ضيق شويه جنب بتوع اللعب

ده عنده كراسى عاديه وكراسى كمبيوتر وكراسى مكتب هو بيقفلهم وبيبيعهم للمحلات وكده

روح اتفرج عنده وشوف اللى يعجبك عنده انواع خامتها كويسه جدا وفيه منها القاعده حديد بتاعه العجل عشان البلاستك فيه منه بيتكسر
وفيه عنده قاعده بلاستك بس بيستحمل

شوف ومش حتخسر حاجه اصل انا لفيت اسكندريه مره على قاعده كرسى كمبيوتر وملقتهاش غير عنده

**a7madramadan** · 05-09-2011 01:31 PM

أشكرك شكر جزيل على ردك الكريم و هأنزل النهاردة أشوفه كده ... ويـــارب ألاقي حاجة كويسة و ربنا يجعل نصيحتك ليا في ميزان حسناتك :)

**a7madramadan** · 07-09-2011 06:57 PM

الراجل ده حاجته حلوة اشتريت منه KIT كرسي نظيف جدا لسه مركبه و قاعد عليه وانا باكتب المشاركة دي :)

الشكر لله ثم ليك يــا misoalex :)

**misoalex** · 07-09-2011 08:22 PM

العفو يا باشا الحمد لله انى قدرت افيدك

اصلى دوخت فتره فى موضوع الكرسى برضه

الف مبروك يا باشا على الكرسى ربنا يباركلكك فيه :)

الموضوع: مساعدة في شراء كرسي الاسكندرية

LinkBack

أدوات الموضوع

عرض

مساعدة في شراء كرسي الاسكندرية - انشر الموضوع فى :

-

-

-

-

-

المواضيع المتشابهه

مساعدة من مالكي 128 في الاسكندرية

شراء كرسي كمبيوتر

لحبايبنا .....اهل الاسكندرية...مساعدة

مساعدة من اهل الاسكندرية

طلب مساعدة ضرورى من اهل الاسكندرية

الكلمات الدلالية لهذا الموضوع

المفضلات

المفضلات

ضوابط المشاركة