كل واحد يقول معدل في عربيته إيه

**mohmdomar** · 06-09-2011 08:38 PM

المشاركة الأصلية كتبت بواسطة mostafa_sherif

بسم الله الرحمن الرحيم

الاساس :- تيبو 1.4 كربراتير - 4 باب - زجاج كهرباء للأمام فقط
الشكل النهائي:-
1. محرك 2.0 - 5 سلندرات - حوالي 165 حصان بعد التعديل.( شكمان jazma , فلتر هواء مخروطي و برمجة كنترول )
2. الفرامل :- ديسكات أمامية 284 - ديسكات خلفية 240 + abs
3. سوست و مساعدين ماريا 2.0 أستيشن
4. تابلوه كامل و عدادات ماريا 2.0 و طاره مليتي ( كاسيت )
5. جنوط ألفا روميو 15" - كاوتش 195/50

النتيجة :-
1. تسارع ممتاز - جربت مع عربيات كتير و الاداء فوق الممتاز - أسرع حتي ال 190 من sir, abf in golf 2
2. الثبات :- يعني .. لحاد ال 210 كم مكنش عندي مشاكل
3. الفرامل :- فوق الممتاز

و للأسف حبيبتي الاولى تم تفكيك معظمها للحصول على تمويل كافي للغرام الحالي :)
فيات كوبيه - 2.0 - 5 سلندرات تربو ( غير معدلة نهائيا )

مصطفى شريف

الماتور دا بيعمله كم يا باشا واخبار استهلاك البنزين ايه؟

**MNabeih** · 06-09-2011 09:47 PM

المشاركة الأصلية كتبت بواسطة 1.8tee

مش عاوز تجرب يا باشا.

طيب ما تقولنا علي التعديلات اللي عاملها في عربيتك الاول عشان نعرف نتكلم.
و يا ريت بالتفصيل الممل عشان نتناقش و يا ريت بردو تجاربك مع العربيات التانية.

**Mostafa_Sherif** · 07-09-2011 11:47 PM

المشاركة الأصلية كتبت بواسطة 1.8tee

مش عاوز تجرب يا باشا.

بالتأكيد - معاك أيه ؟؟؟
أنا عموما ستوك .. بس الحمد لله العربية مظبوطة.

مصطفى

**Mostafa_Sherif** · 07-09-2011 11:49 PM

المشاركة الأصلية كتبت بواسطة mnabeih

ما شاء الله لا قوة الا بالله صحيح يا ولاد fiat rules
هو الموتور اللي في التيبو بتاع الكوبية؟؟
بالنسبة بقي للكوبية اية اخبار الاداء و مش ناوي تعمل remaping؟؟؟

الاداء ,, انا شايفه ممتاز .. بس انا مجربتش مع حد عشان أعرف أسرع من أيه...

**Mostafa_Sherif** · 08-09-2011 03:23 PM

المشاركة الأصلية كتبت بواسطة mohmdomar

الماتور دا بيعمله كم يا باشا واخبار استهلاك البنزين ايه؟

الموتور ده مشكلته في السعر ان محدش يعرفه .. فأساسا محدش بيجيبو ..
هو انا كنت بدور علي الخمسة التربو و مكنتش لاقيه .. و وصيت كذا واحد لو لاقوه يكلموني ..
و في يوم كلمني يحي البنهاوي و قالي انه لقى نص ماريا ويكاند خمسه تربو .. رحت جريت عشان أشوف النص و أشتريه ..

.. طلع نص ممتاز بس مش تربو

و أخدته منه ب 7000 جنيه و ديه صوره ...
نص أمامي كامل من غير فوانيس و مكن زجاج و مفتاح نور .. كل حاجة بعد كده كانت موجودة..

أما أستهلاك البنزين .. كان فوق الخيال لو مفيش جري.. وزن العربية خفيف قوي على العزم بتاع الموتور ... حوالي 250 في الصفيحة ... لو جري طول الليل و النهار بيبقي 140 كم في الصفيحة.

أنا نقلت كل حاجة في النص الماريا .. حتا شاسيه التابلوه و التكيف و كنترل الأيرباج .. ده غير الدواسات عشان الدبرياج باكم مش سلك

مصطفى شريف

**Mostafa_Sherif** · 08-09-2011 04:35 PM

المشاركة الأصلية كتبت بواسطة mnabeih

طيب مش هانقول حاجة غير ان في واحد حبيبي معاه t-jet متعدله طلع من ال mivec ال 2400

و الميني كوبر اس بكل سهوله هي و ال بي ام ال 330 الجديدة بردو بيسيبه و يمشي.
و انت لو فكرت تعدل تعديلات بسيطة علي الكوبية ما حدش هايعرف يسد معاك بسهوله.

و كان في عربية زمان بتاعة واحد بس مش معرفة اوي كانت تيبو 4*4 فيها الكوبية التربو كانت وهم.
هي بس مش كل الناس بتحب الفيات بس لما بتفكر في التعديلات بتبقي حاجة قوية.:b4_048:

على كده احب أجرب معاه

بس بردك الكوبر و ال330 عربيات ستوك .. وزن تقيل و مواتير مش متعدله.
يعني من الاخر مفيش عربيه فيات في مصر انا أعرفها تطلع من m3 e36 ستوك . ولا لأيه رأياك ؟؟؟

مصطفى شريف

**Mostafa_Sherif** · 08-09-2011 05:54 PM

المشاركة الأصلية كتبت بواسطة mr_hamed_s

بسم الله ماشاء
تعديلات ممتازة وده اكتر ميزة شفتها فالعربيات الفيات انها منفضه على بعضها من اول موديل التيبو لحد البرافا والماريا
طبعا ربنا يباركلك فالكوبية ويحفظهاللك علشان العربية ديه فعلا من العربيات اللى لا غبار عليها والشباب فشرق اوروبا يكاد مخلينها طياره
بس ليا كام سوال لاقيت الكوبية فين ديه اكيد مش موجوده فمصر
وازاى ركبت موتور 2.0 20 valve على التيبو انا عارف ان الشاسية واحد بس هل لاقيت حد محترف يركب الماكينه ديه لان مراكز الصيانة هنا فمصر اعتقد انهم يفتقدوا خبر الفيات تماما وانت عارف الموتور ده معقد مش سهل لانى بفكر اركبة عندى فالبرافا

انا بس كمان غندى كام سوال
لاقيت الموتور هنا فمصر ولا جبتة من بره ؟؟
معدل استهلاك الموتور للبنزين ؟؟
ايه النصائح لو هركب الموتور ده على البرافا وهل ممكن اركب التيربو ولا صعب ؟

1. لاقيت الكوبيه عند واحد منزلها جمرك من الخليج. بس مش عايز اقلك لقتها صدفة أزاي. أنا أساسا كنت بدور علي تيبو كوبيه بقالي 4 سنين و سبحان الله لقيت الكوبيه. الحمد لله.
2. تركيب الموتور محتاج حاجتين أساسيين , أولا ميكانيكي بيفهم و مش بينشف دماغه على اللي ميعرفهوش , ثانيا تفك كل حاجة في عربيتك و ترجع تجمع من النص التاني ( راجع الصور

)
3. ممكن تركب التربو عادي خالص لو لقيت نص كامل.. مشكلتك الوحيدة فر الرفارف الامامية - لازم تتنفخ عشان الكوبيه أعرض عند الرفارف.. بس مش أكتر ..

مصطفى شريف

**Moe86** · 08-09-2011 06:47 PM

البنهاوى دة اللى فى الوكالة؟ بعد ما خدت النص دة ب7000, بعتله اللى مش محتاجه منه تانى؟

**Mostafa_Sherif** · 08-09-2011 08:59 PM

انا استعملت كل حاجة في النص .. :)

**1.8Tee** · 09-09-2011 10:31 AM

المشاركة الأصلية كتبت بواسطة mnabeih

طيب ما تقولنا علي التعديلات اللي عاملها في عربيتك الاول عشان نعرف نتكلم.
و يا ريت بالتفصيل الممل عشان نتناقش و يا ريت بردو تجاربك مع العربيات التانية.

انا عربيتى ميتسوبيشى مش فيات :).

مغير الموتور ال 1.3 ب 1.8 تربو قدرتة ستوك حوالى 202 حصان و 275 ن.م عزم .

المشاركة الأصلية كتبت بواسطة mostafa_sherif

بالتأكيد - معاك أيه ؟؟؟
أنا عموما ستوك .. بس الحمد لله العربية مظبوطة.

مصطفى

كريستالة gsr بس امامى, و هى تقريبا لسة ستوك برضة :).

الموضوع: كل واحد يقول معدل في عربيته إيه

LinkBack

أدوات الموضوع

عرض

-

-

المواضيع المتشابهه

كل واحد مظبط عربيته!!!!!!!

تحذير لكل واحد بيلعب في عربيته زيي

كل واحد ينزل يحرق عربيته

كل واحد يقول ايه العيوب اللي شايفها في عربيته

لكل واحد عايز يعدل عربيته ......

الكلمات الدلالية لهذا الموضوع

المفضلات

المفضلات

ضوابط المشاركة