فكرة كده واحد بعتهالي قالي إيه رأيك فيها وعجبتني وقلت أقولهالكم
كل واحد يكتب عربيته نوعها إيه
ومعدل عليها إيه حتى و مغير فلتر بس
وفرقة معاه ولا لأ
وكلفت كام لو يحب عشان تبقى مرجع لأي حد عاوز يعدل عربيته:tumb:
عرض للطباعة
فكرة كده واحد بعتهالي قالي إيه رأيك فيها وعجبتني وقلت أقولهالكم
كل واحد يكتب عربيته نوعها إيه
ومعدل عليها إيه حتى و مغير فلتر بس
وفرقة معاه ولا لأ
وكلفت كام لو يحب عشان تبقى مرجع لأي حد عاوز يعدل عربيته:tumb:
منتظر .....
يعني اللي مش معدل عربيته ميتكلمشي ؟؟!!
"نوع العربية فيات بونتو 2008 8v 1.2"
(كنت) مركب جنوط 16 بدل ال14 بتاعة العربية, مع كاوتش 195/45 , كان فارق فى الشكل جدا بس كان فاشل تماما فى شوارع مصر و إتأكدت ان البونتو أخرها جنوط 15 مع كاوتش 195/50
ركبت يايات كونى, بتوطى العربية 4 سنتى و زودت الثبات بنسبة 30% و العربية بقى شكلها جميل جدا, المشكلة انها بتقلل الراحة بنفس النسبة و دمرت مساعدين العربية بعد 6 شهور و الحل تغييرهم بمساعدين مونرو heavy duty
ركبت طقمين زينون فى العالى و الواطى, فرق إضائة شاسع بس المشكلة انه مش عملى علشان مؤذى لعين السائقين التانيين , و كنت هعدل الفانوس و أركب عدسات للنور الواطى و 4 رينجات
ركبت فلتر هواء K&N مخروطى بماسورة بلاستيك عمولة و خليت مكانه قدام ورا الإكصدام , الفلتر فرق جدا فى صوت الموتور (صوته بيعلى مع الRPM العالى) و كأداء فرق بسيط بعد ال100
ركبت كاسيت بايونيير 4350 مع سماعات سونى componnent فى الأبواب 260 وات و سماعات JVC 500W على رف خشب عمولة و كنت هركب معاهم Amplifier 4way
لو تعديلات يبقى ممكن أكلمكم عن التيبو.. بس ديه محتاجه كلام كتير.
لما أرجع من الشغل هكتب كل اللي أتعمل فيها و النتائج ان شاء الله.
مصطفى
بوجيهات بلاتنيوم.. تسارع افضل للعربية
عربيتي 131
جنوط 14 مع كوتش عريض 185/65
مدي ثبات للعربيه اكتر من جنوط المتوسكل الي كانو راكبين فيها
بسم الله الرحمن الرحيم
الاساس :- تيبو 1.4 كربراتير - 4 باب - زجاج كهرباء للأمام فقط
الشكل النهائي:-
1. محرك 2.0 - 5 سلندرات - حوالي 165 حصان بعد التعديل.( شكمان Jazma , فلتر هواء مخروطي و برمجة كنترول )
2. الفرامل :- ديسكات أمامية 284 - ديسكات خلفية 240 + ABS
3. سوست و مساعدين ماريا 2.0 أستيشن
4. تابلوه كامل و عدادات ماريا 2.0 و طاره مليتي ( كاسيت )
5. جنوط ألفا روميو 15" - كاوتش 195/50
النتيجة :-
1. تسارع ممتاز - جربت مع عربيات كتير و الاداء فوق الممتاز - أسرع حتي ال 190 من SIR, ABF in Golf 2
2. الثبات :- يعني .. لحاد ال 210 كم مكنش عندي مشاكل
3. الفرامل :- فوق الممتاز
و للأسف حبيبتي الاولى تم تفكيك معظمها للحصول على تمويل كافي للغرام الحالي :)
فيات كوبيه - 2.0 - 5 سلندرات تربو ( غير معدلة نهائيا )
مصطفى شريف
ما شاء الله فيه ناس هنا ما شاء الله
وفيه ناس خايفة تكتب عشان الحسد
أنا تعديلاتي اليتيمه لحد دلوقتي
فلتر سبور
وديسكات سبور ebc وتيول جريين ستف
موضوع Fiat Rules مشكلته ان مفيش حد في الوقت الحالي يثبت ده...
في الDaily Drive العربيات الفيات ممتازة و فوق الممتازة كمان .. و فيه منها أقوي من المتوسط بكتير ..
بس لما تيجي للشد و التعديلات .. مفيش حد معروف انه معاه عربية فيات جامدة.. حتي أقوي العربيات الفيات الجديدة في مصر لاترقي للسيارات المعدلة.
بسم الله ماشاء
تعديلات ممتازة وده اكتر ميزة شفتها فالعربيات الفيات انها منفضه على بعضها من اول موديل التيبو لحد البرافا والماريا
طبعا ربنا يباركلك فالكوبية ويحفظهاللك علشان العربية ديه فعلا من العربيات اللى لا غبار عليها والشباب فشرق اوروبا يكاد مخلينها طياره
بس ليا كام سوال لاقيت الكوبية فين ديه اكيد مش موجوده فمصر
وازاى ركبت موتور 2.0 20 valve على التيبو انا عارف ان الشاسية واحد بس هل لاقيت حد محترف يركب الماكينه ديه لان مراكز الصيانة هنا فمصر اعتقد انهم يفتقدوا خبر الفيات تماما وانت عارف الموتور ده معقد مش سهل لانى بفكر اركبة عندى فالبرافا
انا بس كمان غندى كام سوال
لاقيت الموتور هنا فمصر ولا جبتة من بره ؟؟
معدل استهلاك الموتور للبنزين ؟؟
ايه النصائح لو هركب الموتور ده على البرافا وهل ممكن اركب التيربو ولا صعب ؟
مركب فلتر هواء صينى
صوت ممتاز فرق واضح السحب زاد بعد rpm 3000 قبل كده السحب قل عن الاول
زينون فالواطى وعمل فرق واضح جدا فالاضاءة خصوصا ان فوانيس البراف رخمة
مساعدين وسوست وبطاحات امامية بتاعت المارية ادائهم انعم بس انا حاسس انهم على العربية من قدام
طب ينفع انا اتكلم هنا ولا بلاش عشان ببيع العربيه :):):)
لا بجد انا الصراحه شاريها كده بس جربت ال 147 العادي ولاحظت عدة فروقات
المهم اتكلم لما ارجع من الشغل ولا ايه ؟؟
في انتظار ردودكو (تشويق واثاره)
طيب مش هانقول حاجة غير ان في واحد حبيبي معاه t-jet متعدله طلع من ال mivec ال 2400:dontudear:
و الميني كوبر اس بكل سهوله هي و ال بي ام ال 330 الجديدة بردو بيسيبه و يمشي.
و انت لو فكرت تعدل تعديلات بسيطة علي الكوبية ما حدش هايعرف يسد معاك بسهوله.
و كان في عربية زمان بتاعة واحد بس مش معرفة اوي كانت تيبو 4*4 فيها الكوبية التربو كانت وهم.
هي بس مش كل الناس بتحب الفيات بس لما بتفكر في التعديلات بتبقي حاجة قوية.:B4_048:
الموتور ده مشكلته في السعر ان محدش يعرفه .. فأساسا محدش بيجيبو ..
هو انا كنت بدور علي الخمسة التربو و مكنتش لاقيه .. و وصيت كذا واحد لو لاقوه يكلموني ..
و في يوم كلمني يحي البنهاوي و قالي انه لقى نص ماريا ويكاند خمسه تربو .. رحت جريت عشان أشوف النص و أشتريه .. :tumb: .. طلع نص ممتاز بس مش تربو :bigeyes02:
و أخدته منه ب 7000 جنيه و ديه صوره ...
نص أمامي كامل من غير فوانيس و مكن زجاج و مفتاح نور .. كل حاجة بعد كده كانت موجودة..
http://i589.photobucket.com/albums/s...r/DSC01617.jpg
http://i589.photobucket.com/albums/s...r/DSC01615.jpg
أما أستهلاك البنزين .. كان فوق الخيال لو مفيش جري.. وزن العربية خفيف قوي على العزم بتاع الموتور ... حوالي 250 في الصفيحة ... لو جري طول الليل و النهار بيبقي 140 كم في الصفيحة. :tumb:
أنا نقلت كل حاجة في النص الماريا .. حتا شاسيه التابلوه و التكيف و كنترل الأيرباج .. ده غير الدواسات عشان الدبرياج باكم مش سلك
http://i589.photobucket.com/albums/s...r/DSC01681.jpg
http://i589.photobucket.com/albums/s...r/DSC03071.jpg
مصطفى شريف
1. لاقيت الكوبيه عند واحد منزلها جمرك من الخليج. بس مش عايز اقلك لقتها صدفة أزاي. أنا أساسا كنت بدور علي تيبو كوبيه بقالي 4 سنين و سبحان الله لقيت الكوبيه. الحمد لله.
2. تركيب الموتور محتاج حاجتين أساسيين , أولا ميكانيكي بيفهم و مش بينشف دماغه على اللي ميعرفهوش , ثانيا تفك كل حاجة في عربيتك و ترجع تجمع من النص التاني ( راجع الصور :grin21: )
3. ممكن تركب التربو عادي خالص لو لقيت نص كامل.. مشكلتك الوحيدة فر الرفارف الامامية - لازم تتنفخ عشان الكوبيه أعرض عند الرفارف.. بس مش أكتر ..
مصطفى شريف
البنهاوى دة اللى فى الوكالة؟ بعد ما خدت النص دة ب7000, بعتله اللى مش محتاجه منه تانى؟
انا استعملت كل حاجة في النص .. :)
ولا يهمك :).
فعلا المواتير دى لما بتتربن بتبقى حاجة تانية, بس بتصرف صرف. الموضوع كلة بيعتمد على الفلوس اللى هتتدفع :).
ده الموتور ال gsr اللي كنت بقلكم عليه . صح ؟؟
بس هوا مش mivec ... بس ممتاز .. و يطلع من أي فيات أعرفها في مصر :)
طب أيه ؟؟ أول مرجع من السفر أكلمك ؟؟
مصطفى
معنديش اى مانع, بس فى حتة فاضية تماما و واسعة.
انا مش بتحجج :)....انا حاليا التربو شغال low boost بس بكررها تاني انا دايس بس فى مكان فاضى تماما و واسع و الحمد الله انا معنديش حتة عربيتى احسن حاجة فى العالم, بالنسبة لى دى تجربة عشان اعرف انا فين.
ايه ياعم ده احنا طلعنا غلابه اوي
انا اخري امشي وراكو واصور :)
ما تخلوا الموضوع ده فى الايام اللى فيها معرض اوتوماك علشان نتفرج كلنا
ايه رايكم ؟