نظام جديد في مركز صيانة سكودا!

**Chicco** · 13-05-2008 04:25 AM

الحاجة الوحيدة اللي ما كنتش عجباني في الفليشيا كان التوكيل ....و اديه لسه بيعك أهو
شكرا يا نادر باشا على تنبيه الناس

**Ahmed Samy** · 13-05-2008 04:29 AM

حاجة غير محترمة بالمرة
هوا أنا في طابور عيش ؟؟؟؟؟
اروح ويقوللي جبرنا !!!!!!!!!!!!!!!!!!!!!!!

**hesham70** · 16-05-2008 10:44 AM

هل ممكن اعرف فين في القطاميه .....لو وصلتلك معلومه

**amir** · 17-05-2008 10:42 PM

يا جماعه انا كنت روحت التوكيل ده اول ما جبت العربيه حوالي مرتين او تلاته و صدقوني كرهت العربيه و حاولت ابيعها نظرا لأن التوكيل سيء للغايه, يعني لما ييجي واحد منهم ينصحني و انا هناك و يقولي سنه 2003 (اول ما جبتها) و هي موديل 1998 لو مش حاطط ميه خضرا هيقولولك الموتور معرفش ايه و هباب ايه و بعدين الكاسيت اللي انتي مركبه ده تشيلو علشان لوحه الالكتروني ( كانت مشكلتي ساعتها ان لوحه الالكتروني باظت و روحت جيبت غيرها و جيت اركبها عند كهربائي و ميكانيكي نص كم في التوفيق راحت مدخنه و طلعت ريحه شياط فقولت مفيش غير التوكيل يصلحلي و اريح دماغي) المهم بصتلو بقرف و قولتلو اني شاريها علي كده و بعدين يعني ماركبش كاست ولا انذار او اي حاجه علشان احافظ علي العربيه تتحرق العربيه علي الاسكودا دي تبقي تلبيسه مش عربيه, و في مره اخري كنت هناك هصل التالي عربيه فابيا حمرا كانت عل الونش و طبعا راحت واقعه و الونش علنازله بتاعت المدخل , و ساعتها غلبت كتير لغايت ما لاقيت ميكانيكي بيفهم و كويس و انا كاتب عنه في قسم الاسكودا و هو شغال في الفيليشيا و الاوكتافيا و عربيات كتير زي اللانوس و النوبيرا و غيره و ده انا بعمل الصيانه و الاصلاح عنده و في كهربائي كويس جدا جدا (صلحلي السنتر الاصلي بتاع العربيه بعد ما البهوات في التوكيل قالولي 1500 جنيه علشان ده باظ و لازم يتغير و اوعي من المكن اللي ب 200 جنيه في السوق!!!!!! ) و الكهربائي ده بتابع عنده اي مشكله من ساعتها و برضو كاتب عنوانه في موضوع للافاده و ربنا يباركلي فيهم علشان بعد توكيل الهباب ده والله العظيم كنت مش طايق الفيليشيا بتاعتي لكن بعد كده قدرت العربيه
فا التوكيل ده عباره عن زباله في زباله و منصحش حد يدخل عندهم علشان دول شغالين فتي و نصب بمبدء مافيش غيرنا و انت جي جي

**amir** · 17-05-2008 11:00 PM

المشاركة الأصلية كتبت بواسطة NaderNabil

أؤكدلك يا أستاذ أمير مافيش في التوكيل الكلام ده خالص....احنا بقالنا سنة و نص بنتعامل معاهم.. و شغلهم زي الفل و أسعارهم متناسبة مع السيارة...و المعاملة هناك ممتازة...و عمرهم ما طلبوا تغير حاجة في غير معادها

يكفي انه في صيانة ال 30000 طلبنا تغيير التيل...المهندس بعد ما كشف عليه قالنا ماتغيرهوش دلوقتي لسه فاضل فيه شوية حلوين...

مممم بص يا نادر انا قولت اللي حصل بالظبت و الله اعلم يمكن الموضوع اتغير او هما بيعاملو الزبائن حسب نوع العربيه بس اللي انا قولت اللي حصل بالظبت و ده كان في التوكيل اللي في دير الملاك

**amir** · 17-05-2008 11:29 PM

المشاركة الأصلية كتبت بواسطة NaderNabil

ممكن جدا يكون الادارة اتغيرت في الفترة اللي فاتت...و ممكن الموقف اللي حصل كان من اشخاص بعينها و مشيوا دلوقتي....علي العموم جرب تروح تاني يمكن تلاقي الدنيا اتظبطت

كتر خيرك يا نادر اكيد ممكن طبعا و انا مقدر اهتمامك لاكن انا مبسوط مع الناس اللي بتعامل معاهم و مش محتاج التوكيل و شكرا مره تانيه علي اهتمامك الصادق

**rania2000m** · 17-09-2008 01:00 AM

وفي توكيل معتمد في زهراء المعادي
مركز الأقصى للسيارات
زهراء المعادي - المنطقة الصناعية - الشطر الخامس - قطعة 62/ع
بجوار بيتشو اميريكان سيتي
ت:60/59/58 / 57/29178356
موبيل:61/0100053860
المواعيد : كل أيام الأسبوع من الساعه 9 ص إلى الساعه
5 ونصف مساءاً
وطريقه سهل جدا من الدائري أو من الاوتوستوراد أو من عند كارفور