اللي عايز تقسيط غير ربوي يروح المعرض ده( خلاصه الكلام)

**mhoss** · 03-07-2008 04:04 PM

المشاركة الأصلية كتبت بواسطة hashour

السلام عليكم
على فكرة أنا رحت تاني ل الشيخ عاطف بتاع مسجد الليبي وشاف العقد ورأي الشيخ علي السالوس وراي الشيخ حسين شحاتة وكان ردوا إن هو مع راي الشيخ علي وإن العقد غير شرعي فعلاً علشان بند الملكية دا

و لذلك لزم التنويه
هذا والله تعالى أعلى وأعلم

جزاك الله خيراً و هى ديه الأمانة و عدم الأنتصار للذات و ربنا يجعله فى ميزان حساناتك و ييسرنا أمر التقسيط الشرعى

**mhoss** · 03-07-2008 04:08 PM

المشاركة الأصلية كتبت بواسطة hashour

السلام عليكم
أنا سمعت إن معرض قبنوري في مدينة نصر عندو تقسيط إسلامي مع المعرض مباشرةً وواحد تاني مع مصرف أبو ظبي الاسلامي
اللي مع المعرض مباشرةً نظم كالتالي
١- ٣٠ ٪ مقدم
٢- ٤ سنوات
٣- حظر بيع
٤- تأمين ممكن يكون إختياري (بس دا بالاتفاق معهم) وبيزود في قيمة القسط
٥- مفش ضامن
٦- مفيش عقد بس بد لك إيصال بالمبلغ (المقدم)
٧- نسبة الربح عالية شوية (مبن ١٠٪ و-٢٠ ٪)

انا سمعت عنهم بس الربح بتاعهم عالى شويه و ده بيخلى الناس متروحش تقسط عندهم بس مش مهم المهم يكون شرعى و أظن ليهم فرع فى المهندسين كلمتهم قبل كده و قالولى ماينعفشى فى التليفون لازم تشرفنا بس مروحتش لو حد جنبهم ربنا يجزيه خيرا و يروح يجيب الخبر اليقين:embarrassed2:

**ows212** · 04-07-2008 03:31 AM

المشاركة الأصلية كتبت بواسطة mhoss

الله يكرمك و للعلم انا نفسى اجيب عربية جديدة بالتقسيط و مش لاقى مكان حتى الأن تنطبق علية الشروط الشرعية و دلوقتى بفكر أجيب حته مستعملة 128 و خلاص مع إن الناس بيتقولى ديه هاتعقدك فى العربيات و السواقة و على فكرة انا عاجبانى اوى الديهاتسو السيريون و شوفت واحدة امبارح و رجعت من الشارع تانى علشان ابص عليها بسم الله ما شاء الله تحفة و واسعة من جوة جداً

ان شاء الله ربنا يكرمك بعربية هايلة

**ows212** · 04-07-2008 03:32 AM

احنا بنلف فى دايرة

**Dr.A.Nabil** · 04-07-2008 02:51 PM

احنا فعلا بنلف في دايره

**sweetheart_** · 04-07-2008 06:18 PM

يا جماعه انا قريت انهارده فى ملحق السيارات ان مدير شركة كونتكت التنفيذى بيقول انهم غيروا فى بنود العقد عشان يبقى شرعى وانهم فتحوا التامين وبقى اختيارى وانهم مش بيخدوا نسخة مفتاح وكمان مش بيحصلوا غرامه على التاخير فى الدفع

**hashour** · 04-07-2008 10:24 PM

السلآم عليكم
أنا رحت النهاردة معرض قبنوري وجبت نظامهم في التقسيط اللي مع مصرف أبو ؟بي الآسلامي
ياريت لو حد يقدر يخللي الشيخ علي يشوفو و يدينا رأيه
1- مفردات مرتب و ايصال كهرباء وصورة بطاقة
2- مقدم 25% و 5 سنين حد أقصى بنسبة ربح 8.5 %
3- تأمين ممكن يشيله بس بيزود حوالي 2000 جنيه على الثمن
4- يتم دفع 125 مصاريف استعلام
5-يتم دفع جزء من المقدم (1000 مثلا) ك جدية تعاقد ويأخذ ايصال بالمبلغ
6- يقوم البنك بسداد كامل ثمن السيارة للبنك من خلال المعاملات الحسابيه بينهما
7- يقوم العميل بسداد باقي المقدم ويأخذ ايصال بزلك
8- يقوم العميل بتوقيع شيكات بنكيه بباقي الثمن
9- بقوم العميل بالتوقيع على ايصال باستلام السياره بساعته وتاريخه
10-استلام السياره من مندوب البنك الوجود بالمعرض
11- يوجد حظر بيع على الرخصه لصالح البنك

ور بنا يكرم ان شاء الله

هيثم عاشور

**mhoss** · 04-07-2008 10:51 PM

المشاركة الأصلية كتبت بواسطة sweetheart_

يا جماعه انا قريت انهارده فى ملحق السيارات ان مدير شركة كونتكت التنفيذى بيقول انهم غيروا فى بنود العقد عشان يبقى شرعى وانهم فتحوا التامين وبقى اختيارى وانهم مش بيخدوا نسخة مفتاح وكمان مش بيحصلوا غرامه على التاخير فى الدفع

لو الكلام ده صح ميه فى الميه يبقى كونتاكت هى الحل الشرعى بإذن الله لان مشكلتهم الوحيدة كانت التأمين الأجبارى و معندهمشى غرامات تاخير لو هاتكتب شيكات:embarrassed2:

**Moh.Fahmy** · 05-07-2008 04:05 AM

يا جماعة الخير
حقيقة انا قعدت ساعتين كاملتين عشان اتابع الموضوع من اوله لاخره و فعلا حاجة عظيمة و خير كبير ان احنا مهتمين جدا بشكل معاملاتنا انه يكون في اطار الشرع
و لكن بعد 198 مشاركة اتضح لي ان المشكلة تكمن في الاتي:-
- اولا التأمين لان جمهور العلماء اجمع علي تحريمه
ثانيا مسألة الملكية و حظر البيع
ثالثا القرض لان كل قرض جر نفعا فهو ربا و القرض هو ان تأخذ مال في يدك لتشتري به سيارة
معني كده ان لو فيه نظام يتجنب كل هذه المشاكل سيكون الاقرب للحلال
الشركة عندي بتعمل نظام اعتقد هو الاقرب للحلال لانه اشترك في وضعه زميل نحسبه علي الله و لا نزكيه علي احد و هذا النظام يتلخص في الاتي
الشركة متعاقدة مع بنك بي ان بي باريبا
يذهب الموظف لاي معرض هو يريده و يأتي بعرض اسعار و يقدمه للشركة
تمنح الشركة الموظف خطاب موجه للبنك باصدار شيك بالمبلغ المطلوب باسم صاحب التوكيل او صاحب المعرض
يتم اصدار الشيك من البنك مع ارسال مندوب من البنك للمعرض و ابلاغ الموظف لاستلام سيارته
لايوجد حظر بيع و حظر ملكية بل تخرج السيارة باسم الموظف و جميع اوراقها باسم الموظف و تكون مملوكة له ملكية مطلقة و له حق البيع و كل شيء
لا يوجد تأمين اجباري و لكن اذا اراد الموظف فسيتم ذلك بأرادته و بنفسه
يتم ذلك النظام بنسبة ربح 5.5%
اخيرا تم سؤال العلماء في موقع اسلام اون لاين علي هذا النظام و اكدوا علي شرعيته
هذا ما شجع معظم الزملاء علي اتباع هذا النظام حيث انه لاتوجد شيكات و لا شيء من هذا القبيل و لكن الشركة تخصم الاقساط و ترسلها للبنك شهريا حيث ان الشركة تعتبر هي الضامن في هذه الحالة

محمد فهمي

**hashour** · 05-07-2008 10:06 AM

السلام عليكم
أستاذ محمد فهمي.. ممكن تقولنا اسم الشركة ايه ولو عندك صوره من العقد ترفعهلنا علشان نستفتي فيه

بالنسبه لشركة كونتاكت, أنا قرأت الخبر فعلا في الأهرام.... بس احنا عايزين تفاصيل اكتر و عايزين صوره من العقد... في بردو حاجه تانيه في شركة كونتاكت ... وهو توكيل بالسيارة لصالح كونتاكت وأنا مش عارف دا حلال ولا لأ.... يريت حد يسأل

وياريت بردو حد يرد في موضوع مصرف أبو ؟بي الآسلامي اللي مع معرض قبنوري

هيثم عاشور