ياريت يا باشا تتأكد من المعلومة كاملةً عشان محدش يدبس وهو مش عارف......المشكلة مش إن إحنا نلاقي معارض بتقسط مباشر...لأ...الشروط الغير شرعية الي تخلي العملية تقلب لقرض ربوي بدل بيع حلال
وجزاكم الله خيراً على إهتمامك
انا كمان مش فاهم يا عمرو انت تقصد ايه
البند اللي عند عبد اللطيف جميل صريح بعدم نقل الملكية لغاية انتهاء الاقساط يعني ممكن ييجي يقول لحضرتك و انت بتسدد وكلو تمام معلش عايزين العربية يومين في مشوار كدا ما هيا اصلا بتاعتهم
البند بتاع كونتاكت مكتوب فيه رهن المبيع مع انتقال الملكية يعني العربية بتاعتك بس مينفعش تبيعها
في نقطة مهمة واضح ان محدش خد باله منها
الشيخ وضح لكونتاكت النقاط الغير شرعية الللي كانت في العقود القديمة بس هو مكتبش صيغة العقود الجديدة هما اللي عملوا الصياغة دي بمعرفتهم
الشيخ علي بيبقى موجود في مسجد بلال في العشاء و الفجر كل يوم تقريبا و رقم تليفونه موجود في الموضوع فلو عايز تراجعه يا عمرو راجعه و شوف بس انا شايف اللي انا كتبته في اخر مشاركة ليا في الموضوع
الشيخ على شخصية محترمة .....وأتمنى لو أستاذ محمد عيسى يتصل بيه بشكل مباشر فى مقابلة بس قبلها يروح فرع البنك المذكور فى مدينة نصر أو السيدة زينب ويستوضح كل النقاط وبعدين يورح ويقعد مع الشيخ ويكلمه ....
يعنى موضوع كتابة عقد المرابحة أمتى وموضوع غرامة التأخير
وموضوع غرامة التأخير فالبنك بيحسبها للعميل الملئ فقط لعدم التغرير ولمبدأ لاضرر ولا ضرار ومش نسبة فى المبلغ ثابتة ولكل عميل يتأخر ....ولكن بعد دراسة ظروفة
وللعلم القانون يمنع على البنك اللجوء لمقاضاة العميل المتأخر قبل 6 شهور من ميعاد سداده للقسط المطلوب ومع توافر شروط كتير ....ده غير أن القضاء حباله طويله وموت يحمار ......فهنا بيحسب البنك الغرامة على العميل الملئ.....
أستاذ محمد عيسى أنت فى الموضوع ده من الاول ممكن سيادتك نحدد ميعاد ونروح البنك سواء الفرع الاول أو الثانى ونسأل كل اللى محيرنا وبعدين تأخد نتيجة الاسئلة كلها وعلى الشيخ على السالوس ........
وده عشان الموضوع فعلا طول جدا بدون حل يعنى نبدأ نعمل خطوة عملية ونكمل محاولة أستاذ عمرو ....وبعدها نعرض الكلام على الشيخ على السالوس ويقلنا رأيه .....أيه رائيكم ؟ّ!!!!
مانا قلت اني ما دمت مقتنع بان الشيخ علي شيخ ثقة يبقى مش هدور وراه و اقعد اراجعه واقوله دي ليه و دي ليه
طب ممكن أختلف معاك فى جزء من النقطة ديه،،،:iagree:
أنت شوفت كونتاكت :devil2: دلسوا أزاى على الشيخ و مكانشى يعرف موضوع التوكيل ده لما كلمته و قولتله و لما عرف جزاه الله خيراً لم يجز المعامله،،،
أحنا مش هاندور وراء الشيخ احنا هاندور وراء المصدر و نقول للشيخ علشان نضمن أنهم بينوا كل شىء للشيخ،،،
و أديك شوفت عمرو راح سأل واحد فى بنك فيصل و الرد كان أزاى؟؟؟؟؟:blink:
يا جماعه ماله تاكسي العاصمه
بلاها عربيات
على الاقل انت مش شايل حما وهم قانون المرور
صحيح هو بقى بدايه العداد كام فى تاكسى العاصمه والكيلو بعدها بكام ؟؟
انا كنت خلاص رايحة اشترى من عبد اللطف جميل بس شفت الموضوع ده وا بآلى 3 ايام باقرأ فى الموضوع ده، ماشاء الله المشاركات كتير. و لاحظت ان حد اقترح اننا نبعت لشركة عبد اللطيف جميل نناقشه فى المخالفات اللى فى عقده، بس ما لقيتش اى متابعة للموضوع ده. انا شايفة انه يستحق المحاولة لانه اقرب شركة للشرع لانه فعلاً يملك السيارة. ولا عندكو راى تانى.