الموضوع: اللي عايز تقسيط غير ربوي يروح المعرض ده( خلاصه الكلام)

أنا أخدت برأيكم وعملت موضوع باستطلاع جديد .. عنوانه:
http://www.nilemotors.net/Nile/showthread.php?t=33807

اسمحولى انى اشترك معاكم فى المناقشات اللى قعدت أطلعها صفحة صفحة ........ممكن ؟!!!

كان ليا تعليقين تلاتة الاول كدا وبعدين ندخل فى الموضوع على طول .......
1) أستاذ Renamr الاية الكريمة بتقول اية فأسلوب الرد على الجهلاء ....وكلمة جهلاء ديت مش سبة فالقران أبدا لم يكن كلام سباب ولا فحش القول لكن كلام منزل من رب العزة تعالى وجل شائنه وتنزه عن كل نواقص المخلوقات فالجهل صفة كل من لا يعلم ....... تصف الاية عباد الرحمن بأنهم من يردوا على من لا يعلم بأن يقولوا سلاما ... سيدى الفاضل أعتقد انك والبعض أيضا من الاخوه فى المنتدى رد بقسوة شديدة وبلهجة لا تتضمن شئ من السلام ....اذا كان القرآن بيذكرنا لما نجادل المخالفين لنا فى الدين بالتى هيا أحسن يبقى هوا ده اسلوبنا فالرد على ابناء عقيدتنا ......بعتذر ل أ.سعداوى عن أى كلام وأى ايحاءات ومش هطلب منه أى اعتذار لانه ببساطة مش عارف .....وبدل منتريق ونرد بشده نعرفه لان ذنبه فرقبتنا كلنا .....وخيركم من تعلم العلم وعلمه ............

2)الاستاذ اللى ذكر أن ماتخدش بفتاوى على جمعه ......وعدد من مايرد عليه .......أولا لا يجوز أن تكون لغة الكلام عن العلماء بالشكل ده ويأخى شوف أصحاب الملل التانية بتعامل علمائها أزى ....مش مطلوب نقدسهم بس نحترمهم شوية ..........
وكمان فى حاجة مهمة لما ننقدهم مننقدش بالبق والكلام الشفاهى ....ربنا أكرمنا وجينا فى عصر أصبح وسائل التوثيق فيه متعدده....قول أفتح الكتاب الفلانى الصفحه الفلانية فيها كذا كذا ......او الحلقة الفلانية فيوم كذا بتاريخ كذا ......او الفتوى رقم كذا لسنة كذا ............ومصدر الفتوى يصدرها وفقا لظروف معينة ولبيئة ووقت معين ولذلك عند القيام بالقياس .....عشان تاخد بفتوى قالها فلان الفلانى فى العصر الفلانى فى حالة فلانية....لازم القائم بالقياس يكون ذو علم وكمان ملم بالبيئة من حوليه ....
وبعد كل ده وبعد ميجتهد بكل جهده للوصول لفتوى عن الموضوع فهنا لو لم يصب ....فمش هيتعلقله المشانق دينا أرحم من كدا.....فهذا لاينتقص من حقه شئ ولا يعنى انه لم يصب فى فتوى او 2 انه غير اهل للفتوى بالمطلق ....بكلم بالعموم مش د.على جمعه......فرفقنا بعلمائنا هما بنى ادمين برضوا....

3) الاخوه اللى مستغربين موضوع وسطنة السلعة ....
أيوه أكيد لو فى وسطنت سلعة يبقى حلال !!!!!!!!!!!
وعلامات التعجب منى ان مستغرب لنكم مستغربين
ماهى المرابحة الشرعية أساسها أصلا وسطنة السلعة بمعنى أن أن محل المبيع سلعة وليس وحدات نقد .....بالبلدى مش بتاخد فلوس بتاخد سلعة ...... وسطنة يعنى وطبعا عشان تتم الوسطنة ديت لازم البنك يشترى من المعرض سلعة ويتملكها * وبعدين يبعها تانى للعميل *.....
*التنين دول هما اسباب 33 صفحة
هى دى معنى كلمت وسطنة سلعة وده شرط أساسى لوجود المرابحة الشرعية ...

نيجى بقى للاجراءت وقصدى الاثنين اللى معلم عليهم دول وقبل مبدء هسئل سؤال ياترى البنك الاسلامى ده بيجيب الفلوس اللى بيجبلك بيها العربية منين ؟!!!
البنك بيمول عمليات المرابحة والمشاركة والمضاربة وحتى فى بيع السلم والاستصناع من أموال المودعين اللى هما حاطين فلوسهم فى البنك من خلال عقد مضاربة بيكون فية المودع هو رب المال والبنك هو المضارب بالمال.......وبالتالى فالبنك والقائمين عليه وكل كبير وصغير مسئول عن الفلوس ديت بأن يتم أستثمارها والمضاربة بيها فى الاوجه الشرعية وبدون تعرضها للضياع والمسئولية ديت قدام رب العزه قبل متكون قدام أصحاب المال ....يعنى تخيل كدا حضرتك حاطط 40000 جنيه فالبنك وبعد 3 شهور جالك كشف حساب لقيتهم كاتبين مثلا ..تم خصم 15000 جنيه نصيبكم فى خسارة عملية مرابحة رقم .... وطبعا عقد المضاربة الشرعيه ينص على تحملك الخسارة.......ساعتها هتعمل أيه ؟!!!!
عشان كدا يجماعة لازم نقدر مجهود الناس اللى فى فيصل ولا أى بنك اسلامى تانى لان الناس بين شقى رحى من ناحية ضمان اموال المودعيين ...أرباب المال ...ومراعة شرع الله فى سبل أستثمارها ومن ناحية أخرى عدم تقييد العملاء والتضييق عليهم ...عملاء المرابحات والمشاركات...وبرضوا مراعاة الشريعة الغراء