العربية بتوطا اول ما اشغل التكيف

**al_manara** · 12-05-2008 07:12 PM

عندي مشكلة وهي ان العربية بتوطا اول ما اشغل التكيف يعني ال Rpm بيبقي علي تاني شرطة 200 يعني والعربية بتترج يا تري دة لية

العربية اكسيل 1500

**eldeplomasy** · 12-05-2008 08:09 PM

وعندي الشاهين نفس الموضوع في حين انها وهي جديده كان بيعلي الاول وبعدين يرجع يتضبط وكان بعد تشغيل المكيف بيبقى على ال10 لكن دلوقتي بيرجع تاني تحت ال10 يعنى قبل وبعد تشغيل المكيف زي ما هو؟؟؟

ياترى ليه؟؟؟

**peranha** · 13-05-2008 01:50 AM

في العربيه سيلينويد المفروض اول متشغل التكييف يرفع قيمة ال Rpm ويعوض القدره المسحوبه بسبب التكييف ويخلي ال Rpm بنفس القيمه قبل ما تشغل التكييف ويبدو انه عطلان

**volcano12** · 13-05-2008 02:06 AM

المشاركة الأصلية كتبت بواسطة al_manara

عندي مشكلة وهي ان العربية بتوطا اول ما اشغل التكيف يعني ال Rpm بيبقي علي تاني شرطة 200 يعني والعربية بتترج يا تري دة لية

العربية اكسيل 1500

أنا عندى نفس المشكله...
اكسيل 1500 برده

**sab3aawy** · 13-05-2008 02:23 AM

المشكلة دى بتكون فى منظومة رفع سرعة التباطاؤ (ألسلانسية) للمحرك ، والتى تعمل فى حالتين، حاله التسخين صباحا حيث تقوم برفع ال Rpmلحد ما السيارة تسخن، وكذلك تعمل بواسطة سولينويد مع التكيف لرفع الrpm

هو مكونة من جزئين اساسيين، السولينويد والذى يفتح او يقف طريق الهواء، والديافرام او الرداخ والذي يقوم بتحريك ذراع الوقود لتزويد ال Rpm

المشكلة دى لما بتحصل بيكون اما ان السولينويد(محبس بسيط يفتح او يقفل باشارة كهربية) بايظ، او ان الرداخ مقطوع او بايظ، او ان مسمار الرداخ عايز يتعلى شوية، او ان المسمار الذى يصل بين الرادخ وذراع الوقود مهوى او مش موجود

بالنسبة للشاهين اقترح عليك تجرب اول حاجة تظبط مسمار الرداخ (الدارخ عبارة عن قطعة من المعدن دائرية بقطر حوالى 4 سم راكبة فى الكاربراتير افقيا على يسار الكاربراتير وفى مركزها مسمار، قم بتشغيل التكييف وضبط هذا المسمار حتى تحصل على ال Rpm المناشبة، لو مفيش استجابة يبقى تراجع السولينويد والخراطيم الخاصة به

(ملحوظة الكلام السابق ينطبق على السيارات بنظام الكاربراتير فقط)

**al_manara** · 13-05-2008 03:28 AM

المشاركة الأصلية كتبت بواسطة sab3aawy

المشكلة دى بتكون فى منظومة رفع سرعة التباطاؤ (ألسلانسية) للمحرك ، والتى تعمل فى حالتين، حاله التسخين صباحا حيث تقوم برفع ال Rpmلحد ما السيارة تسخن، وكذلك تعمل بواسطة سولينويد مع التكيف لرفع الrpm

هو مكونة من جزئين اساسيين، السولينويد والذى يفتح او يقف طريق الهواء، والديافرام او الرداخ والذي يقوم بتحريك ذراع الوقود لتزويد ال Rpm

المشكلة دى لما بتحصل بيكون اما ان السولينويد(محبس بسيط يفتح او يقفل باشارة كهربية) بايظ، او ان الرداخ مقطوع او بايظ، او ان مسمار الرداخ عايز يتعلى شوية، او ان المسمار الذى يصل بين الرادخ وذراع الوقود مهوى او مش موجود

بالنسبة للشاهين اقترح عليك تجرب اول حاجة تظبط مسمار الرداخ (الدارخ عبارة عن قطعة من المعدن دائرية بقطر حوالى 4 سم راكبة فى الكاربراتير افقيا على يسار الكاربراتير وفى مركزها مسمار، قم بتشغيل التكييف وضبط هذا المسمار حتى تحصل على ال Rpm المناشبة، لو مفيش استجابة يبقى تراجع السولينويد والخراطيم الخاصة به

(ملحوظة الكلام السابق ينطبق على السيارات بنظام الكاربراتير فقط)

تقصد نعلي الهوا
مهو لو عليناة ووظبتناة والتكيف شغال اول ما تقفل التكيف العربية هاتعلي اوي

13-05-2008 03:38 AM

لأ ياباشا انت كده بتظبط على RPM معين فى حالة تشغيل التكييف

اما اللى حضرتك تقصده دا....بيكون فى حالة تعلية الموتور من بك الهوا اللى موجود فى الكربراتير

ساعتها بس العربيه هتفضل عليا...بعد الفصل

**eldeplomasy** · 13-05-2008 02:28 PM

طيب الشاهين بتاعتي موديل 2006 يعنى انجكشن اعمل ايه بقى؟؟؟

**menamakram2003** · 13-05-2008 11:56 PM

طيب انا عندى العربية كل اعلى العربية عند الميكانيكى توطا تانى. حوالى 5 6 مرات دلوقتى وبتوصل انها بتطفى منى احيانا وانا ماشى. بس العربية من غير تكييف فهل ده نفس العيب؟؟؟

**al_manara** · 14-05-2008 03:40 AM

المشاركة الأصلية كتبت بواسطة FLYINGPEUGEOT

لأ ياباشا انت كده بتظبط على RPM معين فى حالة تشغيل التكييف

اما اللى حضرتك تقصده دا....بيكون فى حالة تعلية الموتور من بك الهوا اللى موجود فى الكربراتير

ساعتها بس العربيه هتفضل عليا...بعد الفصل

طيب انا لسة ماوصلتش لحل لاني للاسف مش فاهمكم ياريت لو يكون في ايضاح اكتر
وتسلم ايديكم