الموضوع: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )

المشاركة الأصلية كتبت بواسطة axel

انا فعلا عامل اهي الصفحة

‫ظٹظ„ط§ ظ†ط±ظƒط¨ ط¹ط¬ظ„ طھط§ظ†ظٹ | facebook‬

و بالنسبة الحارة فعلا ده اللي عايزه بس مش دلوقتي يعني لما الناس تبتدي تتجه للعجل ساعتها نقدر نطلب من الحكومة تخصيص حارات لينا في الشوارع و الميادين الكبييرة
وتكون الدنيا هديت
انما دلوقتي مينفعش

فى نقطة مهمة جدا ناس كتير هتخاف تستخدم العجل خاصة مع وجودالمتهورين من سائقى الميكروباص اللى ممكن يشوطك من ورا ..او يديك بوسة توديك الاخرة علشان كده عايز نكبر الحملة زنستحوذ على إهتمام الناس ..ونطالب الحكومة بتخصيص مكان للعجل فى شوارع القاهرة .

وعندى إقتراح أننا نقتتطع جزء فى نص الجزيرة اللى بتفصل بين الطريقين يمشى فيها العجل وده مجرد غقتراع علشان ما يقولش اننا هنزود الزحام ..بإقتطاع جزء من الطريق

وانا معاك علشان نكبر الحملة يارييت ننسق سوا

على فكره العجل بيستخدم فى بعض المناطق فى مصر على نطاق واسع جداً مش زى ما كتير مننا فاكرين فمثلا حلوان والمصانع اللى فيها العاملين بتلك المصانع اكترهم العجل بالنسبه ليهم وسيله المواصلات الاساسيه زى مصنع 45 الحربى اللى فى المعصره ومصانع الاسمنت اللى فى طره ومصنع النصر للسيارات اللى فى وادى حوف والمصانع الحربيه اللى فى عين حلوان وغيرهم كتير ولو تصادف ساعة خروج العمال سوف ترى كميه العجل الكثيره المستخدمه وايضا طلبة المدارس فى حدائق حلوان والمعصره ووادى حوف وتقسيم النصر للسيارات وتقسيم فريد زكى وعين حلوان وده كله بصفتى كنت مقيم بمنطقه تقسيم النصر للسيارات بوادى حوف لمده 15 سنه تقريبا فلم يكن هناك منزل عائله يخلوا من عجله على الاقل ويمكن لكل فرد عجله بجانب وجود السيارات واعرف ناس كان عندها عربيات كويسه جدا والعجله حاجه تانيه لاستخدمها فى المشاوير الداخليه وشراء الاحتياجات اليوميه واعرف ناس بتروح بيها لحد المترو وتربطها فى عمود وتركب المترو وهكذا
وشكرا لصاحب الموضوع على الفكره