مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )

**Amr Axel** · 06-09-2011 05:04 PM

المشاركة الأصلية كتبت بواسطة mohkhattab

الموضوع جميل و شيق و مفيد فى عدة جوانب : منها رياضة ، منها تقلل التلوث اللى فى الجو ، منها تقلل الزحام و توفر فى البنزين ، بس المشكلة يا باشا فى ثقافة الشعب المصرى الا و هى ان مفيش طرق مخصصة للعجل زى اوروبا ، بمعنى ان فى طريق مخصص للناس اللى راكبة عجل و ممنوع العربيات تمشى فيه . لكن فى مصر ممكن تلاقى حد خبطتك ، حد شالك الله اعلم ربنا يستر علينا .
دى وجهة نظرى

+1111111
و عشان كده هو ده المقصود من المبادرة ان الناس يبقي عندها وعي اكتر
و ان شاء الله لما الناس تبتدي تتجه للعجل شوية و ممكن نطلب من الحكومة انها تظبط بعض الشوارع العامة و الكبييرة و تعمل متر و لا مترين ع جنب يبقي للعجل
و الناس تفهم ان اللي هيركن فيها سحب رخص عالطول
بس الناس تفهم الأول و بعدين موضوع الشوارع المخصصة يجي
بس هي البداية اللي محتاجينها الخطوة اللي هنبتدي بيها الألف ميل ان شاء الله ههههه
و ده دورنا كشباب اننا نوعي الناس
و لا انا غلطان ؟؟ :)

**Amr Axel** · 06-09-2011 05:10 PM

المشاركة الأصلية كتبت بواسطة ahmedfd

موضوع رائع... شكراً ليك.
أنا نفسي أعمله جداً و ناوي لما أنقل مدينة الشروق بإذن الله يكون عندي عجلة لإن الدنيا هناك فاضية عن القاهرة. و رغم أن هناك مفيش مشكلة زحمة و السواقة ممتعة هناك لكن أنا ببص للموضوع من ناحية الصحة العامة.
تعليق بسيط .. معلوماتي مفيش عجل دلوقتي بـ 200 جنيه ولا حتى 600 جنيه.. أعتقد أقل عجلة كويسة للكبار مش هتقل عن 1000 و إنت طالع و فيه حاجات بتوصل لـ 3 و 4 ألاف.

تمام يا ريس فعلا الشوارع هناك فاضية اساسا و تقدر تمشي و تلعب بالعجل كمان

بس بالنسبة الاسعار ديه الاسعار اللي شوفتها بعيني في وسط البلد من كام شهر و في المحلات كمان اللي في الشوارع القريبة مني
و الالافات ديه مش موجودة هههههههه ده الموتسيكلات هي اللي بالسعر ده :)

**Amr Axel** · 06-09-2011 05:41 PM

المشاركة الأصلية كتبت بواسطة elbeheri

يا جماعة انتوا نسيتوا حاجة مهم جدا :
دلوقت ما بقاش فى عجلاتيه .. طيب هتصينوا العجل وتضبطوا الكاوتش فين
دا انا ساعات بأحن اجر عجلة زى زمان مش لاقى

لا متقلقش انا شوفت المحلات لحد دلوقتي فاتحين في نفس الاماكن بس الفرق اننا زمان كنا بنبص عليهم عشان عجلنا انما دلوقتي بنبص لبتوع العربيات فهما راحوا في الوسط و راحوا من بالنا
و بالنسبة الصيانة مفيش اسهل من صيانة العجل اساسا
يوم ما نقول هتعمل حاجة تقيل هي انك تفك الكاوتش و تركب داخلي او تلحمه و ده بسيطة جدااا انا حتي في العجلة زمان كنت اجيب دينامو و مركبوه و كشافات و طول مانا ماشي بليل كان الدينامو يولد كهربا للكشافات ببقي ماشي منور ههههههههه

و نفخ العجل مش محتاج اي بتاع عجل او حتي تجيب منفاخ الكبيير او المحمول الصغير اللي كله 30-40 سم و انفخ يا ريس

شكلك بقي بتحن بس مكسل هههههه يلا اتشجع و انضم لينا
ده انا كنت بفكر اننا ممكن كلنا بعد ان نظبط الدينا و نجيب العجل و كله تمام نتفق نتقابل كلنا في مكان زي مصر الجديدة وننزل كلنا بالعجل و الناس تبتدي تشوفنا بقي و الموضوع هيبقي زي الموضة و ينتشر هنا بيقلدوا اي حاجة هههههههه

**Amr Axel** · 06-09-2011 05:44 PM

المشاركة الأصلية كتبت بواسطة mailo

أنا عن نفسي معترض على فكرة العجل وال موتسكلات
وأصلا مش مقتنع بإني اتحدى جميع قوانين الفيزيا وال توازن اركب عجلة بعجلتين

لو فيه سنادات ممكن

هههههه يا باشا بسيطة مقدرش ركب سندات عادي و ع عجلة كبييرة و محدش ليه حاجة عندك مفيش حد اتولد عارف كل حاجة صح ول ا انا غلطان

عايزين نبطل موضوع قالوا و قولنا و الناس و شم الناس ده و الله من ضمن الاسباب اللي مودينا ورا اننا بنهتم بالناس و بصاتهم او كلامهم

**Amr Axel** · 06-09-2011 05:48 PM

المشاركة الأصلية كتبت بواسطة saadelden

كدا اطلع العجله البيجو الي عندي بقى :d
بس ممكن تبقى صغيره عليا

تمام يا ريس هو ده الكلام ايوة كده يا جماعة
و متقلقش مقاس 27-29 هو المقاس المناسب للشباب
اومال لو شوفت بقي العجل بي ام اكس اللي بيلعبوا بيه ع الحيطان و السلالم
العيل اللي عمره 14 سنة ميعرفش يركبوا هههههه

**Amr Axel** · 06-09-2011 06:00 PM

المشاركة الأصلية كتبت بواسطة ashraf_ashraf

انا مقتنع جدا جدا بالفكره من الاول وكان نفسى استخدمها فى كل المسافات القصيره وكمان كرياضه
واشتريت فعلا عجله وبقيت استخدمها
لكن للاسف الشديد الشوارع تقرف بجد غير ان العربيات ممكن تخبطك عادى جدا ويعمل انه مش شايفك واللى يبص لك من جوه العربيه بمنتهى القرف انك معطله والبيه مستعجل فطبعا قل استخدمها جدا
دلوقتى بحطها فى العربيه واروح اركن عند الميرلاند واركبها وافضل الف حواليها وخلاص
للاسف المنظره الفارغه وعدم الاحترام وسوء حاله الشوارع هيقللوا استخدام العجل جدا
لكن انا برضوا معاك وياريت نعمل زى مقابلات كده للى عندهم عجل ونخرج بيها اكيد هيبقى تعارف ورياضه ونشر للموضوع

ده اللي كنت بفكر فيه فعلا
اننا بعد ما نجيب عجل و الموضوع ينتشر بينا نتفق نتقابل في حتة زي مصر الجديدة بالعجل يعني مش شرط نيجي بالعجل من البيت ههههه لا في العربية و نركن و ننزل بالعجل و نمشي في الشارع و نبقي وسط الناس كمان عشان الناس تاخد ع كده و يبتدي الموضوع ينتشر لأن بطبيعة الحال لما الناس هتبتدي تشوف العجل انتشر و الشباب بقي يركب العجل
كله هيجي في دماغه التوفير و الناس زي ما قالت شوفوا الشباب جايبين موتسيكلات للتوفير و الزحمة هيقولوا برده جايبين عجل عشان يسلك و يوفر و هتبقي موضة كمان هههههه كله هيقلد و يلجأ للعجل و الموضوع ينتشر و يسيبوا العربيات شوية
و اللي يسالنا او كده نفهمه احنا بنعمل كده ليه و المفروض ايه اللي يحصل توعية يعني

**Amr Axel** · 06-09-2011 06:08 PM

المشاركة الأصلية كتبت بواسطة lord.adel

لول
عجل
وتجيب فيها كماليات بقا وتمام
بس نجبها رياضيه كاوتش عريض علشان غرز ونقل اتوماتك بس مش فرامل رجل
مع انها هتكون اقوي ((: والله ايام حلوة كنت بضبط بيها الدنيا وكنت بروح مشاوير بيها كتير
بس ايام شباب بقا وكنت رفيع شويا مش دولقتى بقا ههههههه مينفعش معايا يعنى انا فى فيصل
وحلوة لي جداا بس اعبال ما اخرج ع فيصل اكون جبت جاز من نفس هههههه بس فكرة حلوة
بايع...عجلتك ههههه

يا ريس بش الاحباط ده ,عقدتني هههههههههههه
بس كنت افضل اجيبها مانيوال 5 نقلات غير المارشدير و يكون فيها اي بي اس و نعملها زي تاندة و نركبلها سندات , اقولك احسن نجيب توك توك عالطول هههههههههه
و زي ما انت قولت هتفيد في الزحمة خاصة في فيصل و للمشاوير القصير و في نفس الوقت رياضة
يلا بقي انضم و لا يا ريس دايما مش منضم كده ولا فكرة و لا في مقابلة ( فاكر و لا افكرك ) ههههههههههه

-

الموضوع: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )

LinkBack

أدوات الموضوع

عرض

-

-

-

-

-

-

-

المواضيع المتشابهه

ارجو ابداء الرأي الفني في هذه المشكلة

سؤال مهم جدا ارجو من الجميع الدخول

حاير بين عربيتين ارجو الدخول من الجميع

ارجو ابداء الرأي من مالكي الميجان..

ارجو من الزملأ الدخول لقراءة ذلك الموضوع و ابداء الرأى فيه

الكلمات الدلالية لهذا الموضوع

المفضلات

المفضلات

ضوابط المشاركة