الموضوع: مــبــادرة يــلا نــركــب عــجــل تــانــي ( ارجو من الجميع الدخول و ابداء الرأي )

انا من محبي العجل وكنت بروح المدرسة لحد الثانوية بعجلة ولي مغامرات بالعجل كتيرة منها كنت عايز اطبق فكرة فيلم اجازة نصف السنة ونروح للإسماعيلية بالعجل بس الفكرة فشلت عند العاشر كنا في اعدادي وكان آخر العمار مدينة السلام ماكانش في العبور ولا الشروق كانت صحراء واول عمار كان العاشر ... كنت بروح بالعجلة اي مكان في القاهرة والجيزة ده غير الاكروبات اللى كنت بعملها بالعجل وكنت بصلحها بإيدي ... إخر علاقة بي مع العجل كانت في 1992 ومن فترة قريبة اخدت عجلة ابن واحد صاحبي في مصيف يدوب ركبتها دقيقتين ولساني دلدل وبقى يلم تراب من الارض واكتشفت ان مافيش لياقة عندي غير لياقة القميص فقط لاغير والعجلة الوحيد اللى اعرف اسوقها حاليا عجلة جودي بنتي الصغيرة

المشاركة الأصلية كتبت بواسطة axel

طب كلام جميل يا ريس مع ان كده يعتبر ليه مصاريف و احنا نقول يبقي من غير مصاريف بس برده
تمام مش هتصرف كتيير :)
عايز بقي اتلوعي تشتغل مع كل اللي تعرفهم جايز الناس تتغير و تبتدي عقليتهم تتفتح دلوقتي

بس تسمحلي استعين بصورة عجلتك ؟

ياباشا العجلة دى عملية جدا لانها بتنفع بردة فى المشاوير البعيدة ياعنى مشيت بيها كتير لمشاوير اكتر من 70كم رايح جاى واستهلاكها للبنزين اللتر بيمشينى 40 كم وبنزين 80 كمان:b4_048:

وسرعتها القصوى من 35 الى 40 كم وماصنتهاش خاااااالص من ساعة ما جبتها غير انى غيرتلها تيل الدبرياج بتيل فرامل عربية عمولة عملتى بنفسى وممكن استخدمها عجلة عادى لو حبيت اعمل شوية رياضة..

وطبعا اسمحلك تستخدم الصورة وعندى صور كمان لو تحب..

انا بالفعل عندي عجلة و بأستخدمها كتير و لكن مش بروح بها الشغل لأن الشغل بعيد عن بيتي 25 كم .
بروح بالباص اللي موفراه الشركة .

بس اللي بيفقع مرارتي
جيراني اللي بيركبوا العربية علشان يروحوا السوق أو المسجد مع أن المسافة لا تتعدة 300 متر
و ألاقي جاري يقولي مستحيل أمشي و العربية موجودة

مش عارف الناس جرالها أيه .
و يتكدسوا ادام الجامع و الطريق بيتقفل كليا
فترة صلاة الجمعة لو حصل حريقة في الجامع أو المنطقة الخلفية له
عربيات المطافي مش هاتعرف تدخل و البهايم اللي سددت الطريق عربياتها هاتولع

أمخاخ حميري و الله العظيم
و أغلب الناس كلها ساكنة في مسافة 300 متر من الجامع و السوق
و لكن تكلم مين .......... شوية بقر على شكل بني آدمين



زمايلي اللي ساكنين جنب الشركة فيه منهم أثنين بيستخدموا العجلة للقدوم للشغل ... برفعلهم القبعة
مع أنهم برضه عملوا شوية حركات غريبة و عايزين يركنوا مكان عربية مع أن العجلة ممكن تتحط في أي مكان نظرا لصغر حجمها و خفة وزنها

مش عارف أحنا في مصر بنفكر أزاي .... بجد تصرفات كتير مش بلاقي وراها أي منطق

المشاركة الأصلية كتبت بواسطة axel

يا ريس بش الاحباط ده ,عقدتني هههههههههههه
بس كنت افضل اجيبها مانيوال 5 نقلات غير المارشدير و يكون فيها اي بي اس و نعملها زي تاندة و نركبلها سندات , اقولك احسن نجيب توك توك عالطول هههههههههه
و زي ما انت قولت هتفيد في الزحمة خاصة في فيصل و للمشاوير القصير و في نفس الوقت رياضة
يلا بقي انضم و لا يا ريس دايما مش منضم كده ولا فكرة و لا في مقابلة ( فاكر و لا افكرك ) ههههههههههه

ههههههههههههههههههههههه
يامتر عيب عليك ينفع كدة تقول لفرد من افراد قوات العمليات الخاصه بردو هههه
منضم معاك هههههههههه وفاكر مش تقلقك وبخصوص مقابله كانت ظروف بقا ياحج انت مش بتنسي ولا ايه هدي بقا علشان ناس تعدي ههههههههههههه
وتوك توك هوا الافضل حاليا بديل للعجل هههههههههههه بس بردو بيقف فى زحمه
يبقى هيا عجله 4*4 وجونط سبوررررر
((: لول