الموضوع: أمتى بتقول دى كانت غلطة عمرى ؟

المشاركة الأصلية كتبت بواسطة shaddadfalcon1

الزوج ملزوم بجميع نفقات البيت ومراته طبعا ولو ميقدرش علي ده يبقي ملوش جواز

بس ايه تعريف المصروف الشهري ده؟ يعني يبقي الزوج بياخد 1000 جنيه ومطلوب انه ييها مصروفها 1000 جنييه في الشهر برده؟ وياتري هتعمل ايه بالفلوس دي؟ هتديها لمامتها ولا هتعمل بيها حاجات لنفسها؟

وهل الشرع بيلزم الزوج بالمصروف ده ويكون زي المرتب؟

طيب هو اصلا الطبيعي ان الست تشتغل ولا دي قاعده شاذه للي محتاجه زي الأرمله والمطلقه؟

بص انا مش قصدى فلسفة ولا حاجة انا بسأل بجد دلوقتى وانا قاعدة فى بيت اهلى لو مش بشتغل زى ايام الجامعة مثلا اكيد باخد مصروف غير طبعا انى عايشة فى بيت بيصرف عليه رب الاسرة .... لو اتخرجت واشتغلت وحوشت فلوس شوية وبعدين قعدت فى البيت حتى لو لفترة اللى بيحصل انى برضه قاعدة فى بيت رب الاسرة هو اللى بيصرف عليه لكن لو احتجت لاى حاجة من اول كيس الشيبسى لشراء ملابس او اين كان لو معايا فلوس حصرف منها لكن لو ممعيش اما حطلب مصروف شهرى او كل ما اعوز حاجة حطلب فلوسها ... وبصراحة الوضعين مش ظراف حتى لو رب الاسرة مستريح ماديا لكن هى بتبقى عملية نفسية فى المقام الاول ووقتها حيبقى الواحد بيفكر دايما الحاجة دى ضرورية ولا لأ طيب هل الوضع يسمح ولا مفيش داعى وهكذا ... غير خالص لما الواحد يبقى معاه فلوس وهو اللى يحكم نفسه

انا بتكلم بشكل عام ... فالواحد بيفكر لو البيت بعد الزواج محتاج الست تقعد فى البيت طيب هل فى قاعدة معينة للتعامل مع الزوجة فى النقطة دى تحديدا

المشاركة الأصلية كتبت بواسطة husseinsalah

فوائد تعدد الزوجات..
1- اولا بتساعد على حل مشاكل العنوسة
2- الاولى ممكن تقلب الدنيا لكن لو عندها شوية عقل ودين بجد هترضى بالامر الواقع وهتختفى معظم مشاكلها
3- التنافس الشديد فى محاولة استرضاء الزوج لان لو واحدة اتعوجت التانية هتستغل الموقف لصالحها
5- انسى بقى المشاكل اياها مهما كانت لان كل واحدة التانية بالنسبة ليها مشكلة، وانت الفايز
6- كلامك هيتسمع بدون مناقشة لاى واحدة علشان ماتكنش هى النكدية
7- احساس جميل انك بتنوع مش كل يوم نفس الاكل
8-مش هتجرء واحد فيهم تعمل تعبانة (شغل البيت ، ضهرى بيوجعنى، العيال....الخ) لانك باختصار عند البديل

هو دة, خصوصا اخر نقطتين: )))
طيب بالنسبة لرد فعلها بقي لما تفاتحها في الموضوع بيبقي اية

المشاركة الأصلية كتبت بواسطة shaddadfalcon1

ماهو عشان انتي كسرتي القاعده واشتغلتي وانتي مش محتاجه للشغل ده فبقي عتدك فلوسك الخاصه ومش محتاجه لحد وبالتالي شايفه انه مش عادي وعيب انك تتطلبي فلوس مثلا من جوزك لما تبقي محتاجه حاجه بالرغم من ان ده الطبيعي

والموضوع بيختلف من بيت للتاني في ستات بتاخد مصروف البيت يوم بيوم وفي اسبوع واسبوع وفي شهر كله علي حسب الست والراجل يعني الست للي بتبقي مبذره اكيد حوزها مش هيدها مصروف الشهر كله عشان هيخلص في كام يوم وهكذا

لكن شيء طبيعي ان اي حاجه الست تحتاجها وتطلبها طالما ضروريه او مش ضروريه وفي امكانيه انها تجيبها يبقي مفيش مشاكل انها تطلب من جوزها امال يعني هتطلب من مين

فكرتيني ببرنامج كانو جايبين فيه احد الستات اللي بينادو باستقلال المراه فعماله ترغي وتقول هو انا ازاي اقبل علي نفسي ان جوزي يصرف عليا واقعد اربي في عياله طيب مايجيب خدامه احسن
قامت ست بنت بلد كده ردت عليها وقالتلها وانتي لما تنزلي تشتغلي وتبقي مستقله بذاتك وتصرفي علي نفسك يبقي ماتقعدي في بيتك ابوك احسن

انا مش بقول ان مش طبيعى انى اطلب من جوزى انا بقول ان عموما الواحد بيبقى عنده حرية اكبر طول ما هو بيصرف من ماله الخاص سواء فى بيت الزوج او بيت الاب

بس حقول لحضرتك انا متهيقلى شغل البنت جى من حاجة -مش على الاطلاق بس فى الغالب اعتقد- ان فى الوقت الحالى وقت الزواج بقى مداه اكبر من الاول بكتير تقدر تقولى حتقعد فى البيت تعمل ايه 10 سنين مثلا والله اعلم .... ومنقدرش ننكر ان ده واقع .... وقدامى امثلة لبنات قعدوا فى البيت بعض النظر عن الاسباب وبيقابلوا بان ده عدم وجود طموح او اطلاع او معرفة بالتعامل مع الناس او خبرة فى الحياة وكلام كتير من ده

الخلاصة فى وجهة نظرى ان كل طريق ليه مميزاته وعيوبة والمفروض ان كل عاقل يقدر يقيم ان لكل مقام مقال ... يعنى قبل الجواز ممكن يكون مناسب حاجة وبعده ممكن يون مناسب حاجة تانية ....

على فكرة لو حصل وجالى واحد يشترط عليا الشغل بعد الجواز اكيد مش حقبل ... لو حضرتك فاهمنى ان بتكلم بس فى ان الخيارات تبقى متاحة وان لكل وقت اختياراته المناسبة