أمتى بتقول دى كانت غلطة عمرى ؟

**MNabeih** · 08-09-2011 11:40 AM

اني بثق في الناس بسهولة اوي, و بتعامل معاهم كأني عارفهم من سنين.
و مش عاوز اقولكم علي كمية المشاكل اللي بتجيلي من الموضوع دة و المشكلة اني مش عارف مابقاش كدة, مش عارف لية؟؟؟؟!!!!

**MNabeih** · 08-09-2011 11:48 AM

المشاركة الأصلية كتبت بواسطة husseinsalah

للى مستغرب من ان غلطة عمرة الجواز هوضح باختصار لية غلطة...

1- بما انك الراجل وعقلك ارجح منها فدايما بتيجى على نفسك.... ومش عاجب
2- الكلام الحلو وبعض الهدايا وحسن العشرة (ولو علشان ماتنكدش على نفسك)... وبرضة مش عاجب
3 بتهتم بأهلها جدا وبتخاف على مشاعرهم لو اخطأت فى فيها... وبرضة مش عاجب
4- بتجيب كل طلبات البيت وبتساعد بجزء كبير فى شغل البيت وبطنش اهم حقوقك... وبرضة مش عاجب
5- بتسامح لما تغلط كتيييير اوى وتفوت عدم اهتمامها باهلك على الاقل زي اهتمامك بأهلها.... وبرضة مش عاجب
6- المشاكل دايما بتبدأ من عندها (لانك مش غاوى مشاكل) وتحاول انت تلطف الجو.....وبرضة مش عاجب
7-زوجتك متدينة وحافظة قرآن وما بتفوتش فرض ومع ذلك انت اخر حاجة تفكر فيها (رغم انك انت اول مدخل ليها لرضا ربنا عليها) وتصبر على كدة ......وبرضة مش عاجب
8-بيبقى ادمها نماذج سيئة جدا لازواج قرايب ليها بسبب مشاكل هايفة ولما تحاول تلفت نظرها انها احسن حال بكتير لو حصلت مشكلة .... برضة مش عاجب
10 -اى خطأ بتعملة تفضل شغالة انتقاض ليك ولو عملت زية بالظبط او اسوأ بيبقى عادى جدا.....وبرضة مش عاجب

اخيرا اسوأ احساس انك تحس ان مهما عملت مفيش فايدة فى التغيير

كفاية بقى كدة لانى تعب ممكن حد (متجوز) يكمل......

النقطة السابعة دي واضح انها عندنا كلنا(المتجوزين) ...........
و عشان كدة يا جماعة لازم نشوف حل جذري و فعال للحكاية دي, مش معقول دة جواووووووز.
دة الواحد ناقص يصوم بقي, الواحد يقول اية بس.

**Ahmed A Rahman** · 08-09-2011 11:50 AM

المشاركة الأصلية كتبت بواسطة MNabeih

اني بثق في الناس بسهولة اوي, و بتعامل معاهم كأني عارفهم من سنين.
و مش عاوز اقولكم علي كمية المشاكل اللي بتجيلي من الموضوع دة و المشكلة اني مش عارف مابقاش كدة, مش عارف لية؟؟؟؟!!!!

ايه ده احنا رجعنا للموضوع الاصلي ثاني

يعني اعمل معاك ايه ؟؟؟

انت مش شايف الناس قاعدة بتتعذب ازاي ؟؟؟ وبتهون بلاويها على بعض

ثقة ايه اللي بتتكلم عليها

بهزر معاك

انا نفسي كنت نسيت الموضوع الاساسي

وحدوا الله يا جماعة ربنا خلق الصبر, لو مكانش الصبر موجود كان حيبقى نص البلد مطلقات أو ارامل !!!

**shaddadfalcon1** · 08-09-2011 11:54 AM

المشاركة الأصلية كتبت بواسطة mnabeih

النقطة السابعة دي واضح انها عندنا كلنا(المتجوزين) ...........
و عشان كدة يا جماعة لازم نشوف حل جذري و فعال للحكاية دي, مش معقول دة جواووووووز.
دة الواحد ناقص يصوم بقي, الواحد يقول اية بس.

الحل في ندوات توعيه للزوجين وخصوصا الزوجات واللي يديها راجل - كفايه قوي علي الستات كده

**shaddadfalcon1** · 08-09-2011 11:59 AM

المشاركة الأصلية كتبت بواسطة amatoallah

انت الصراحه صدمتني :)

دا انا طلعت حكيمة زماني علي كده و طلعت جملتي المأثورة ان 99,9% من الاسر من بره هلا هلا و من جوه يعلم الله

صدقيني انا مش بحاول اتكلم علي اي مشاكل وانسي وخلاص عشان حتي محدش يتعقد وخصوصا لما كتبت علي مشكله حصلت في رمضان ولقيت معظم الناس بتهاجمني او مطلعاني غلطان فقلت جايز انا اللي غلطان بس بعدها حصل موقف اكدلي اني مش غلطان ودلوقتي بما ان المشكله متكرره مع ناس كتيير يبقي دي اكيد مش غلطتي

انا برده مش ملاك ومقصر في حاجات كتيير اهمها الوقت اللي بقعده معاهم بس علي الأقل ده انا بعمله عشان بشتغل عشان اجيب شقه نستريح فيها

ربنا يهدينا جميعا ويهدي نساء المسلمين اجمعين

يارب ياتهديهم ياتريحنا

**Moe86** · 08-09-2011 12:13 PM

أنا لسة متخرج و خايف من نتيجة القرارات اللى باخدها حاليا
لحد دلوقتى غلطة عمرى انى خليت صاحبى يسوق عربيتى على طريق سريع و دمرها بالكامل فى حادثة (رغم انه سويق عنى)

**MNabeih** · 08-09-2011 12:16 PM

المشاركة الأصلية كتبت بواسطة shaddadfalcon1

الحل في ندوات توعيه للزوجين وخصوصا الزوجات واللي يديها راجل - كفايه قوي علي الستات كده

للاسف, بتبقي زي الاسبرينة, مفعولها بالكتير اوي لو ربنا كرمك اسبوع مش هاقولك اقل من كدة عشان الاحباط.
لأ احنا عاوزين حل جذري, اكشن ناخدة مثلا واللا حاجة بحيث العملية تتظبط.
بس في نفس ذات الوقت لية المشكلة دي متفشية و منتشرة هذا النتشار اللا معقول و الغير مسبوق؟؟؟

**Osama_I** · 08-09-2011 12:25 PM

المشاركة الأصلية كتبت بواسطة megaman

انى دخنت اول سيجاره

**shaddadfalcon1** · 08-09-2011 12:31 PM

المشاركة الأصلية كتبت بواسطة husseinsalah

يا استاذى توعية اية وكأن اول ما الزوجة تسمع كلام التوعية دة هتقول ياااااة دا انا كنت غلطانة بشكل وتقلب معتدلة 180 درجة... زى ما الاخ قال بيسمعوا كتييييييييييييييير جدا وهم ولا هم هنا كانهم من ليبيا مش من بنها ووالله برضة مراتى كانت بتقولى على حاجات المعلمة بتاعتها بتقولها ليهم تفطس من الضحك... ربنا يحفظ الشيخ ابو اسحاق الحوينى لما كان بينتقض ظهور(الاخوات) المعلمات على قناة الحافظ واقنعهم كلهم الا واحدة...

المشاركة الأصلية كتبت بواسطة mnabeih

للاسف, بتبقي زي الاسبرينة, مفعولها بالكتير اوي لو ربنا كرمك اسبوع مش هاقولك اقل من كدة عشان الاحباط.
لأ احنا عاوزين حل جذري, اكشن ناخدة مثلا واللا حاجة بحيث العملية تتظبط.
بس في نفس ذات الوقت لية المشكلة دي متفشية و منتشرة هذا النتشار اللا معقول و الغير مسبوق؟؟؟

يبقي الحل من عند رب العباد

واصبر علي زوجتك ياتبقي كويسه يا ....

-

الموضوع: أمتى بتقول دى كانت غلطة عمرى ؟

LinkBack

أدوات الموضوع

عرض

-

-

-

-

-

المواضيع المتشابهه

أمتى بتقول مش عارف؟؟!!

أمتى بتقول مش ممكن؟!

أمتى بتقول: كانت قرصة جامدة بس أتعلمت منها ؟

مرحبا بالديموقراطية ان كانت علمانية او ليبراليه و سحقا لها ان كانت اسلاميه

الكلمات الدلالية لهذا الموضوع

المفضلات

المفضلات

ضوابط المشاركة