الموضوع: التقييم الثاني: تيجو العمر سنة و20 ألف كيلو

المشاركة الأصلية كتبت بواسطة king516

شكرا لحضرتك وعندك حق فى كل كلمه

وانا عايز احكى كده موقف صغير عشان اوريلك قد ايه ثقافه السيارات عندنا صفر

وهو ان فى 2008 اشترى واحد صاحبى اسبرانزا m11 وكانت لسه نازله ومحدش عارفها خااااااااااالص
المهم قولتله تعالى نروح بيها عند اصحابنا فى كافيه فى العجوزه وكان كل واحد فيهم راكب سيراتوا وبنتو وسوباروا وكانوا بيكرهوا حاجه اسمها صينى فى كل حاجه
فقولتله نشتغلهم شويه عدينا على محل كماليات جبت منه علامتين اودى الألمانيه الواحده كانت ب20 ج وبعد كده شلتله علامتين الأسبرانزا ورا وقدام وركبت علامات الأودى ودخلنا بيها عليهم واول ماشافوها اتوهموا وكل واحد كان هيتجنن ويركبها ويقول جبتها منين وبكام ارد عليه واقوله جبناها ب175 الف ج يقولك لالالالالالالالالا قليل على الأودى وسابتهم انا وصاحبى لحد ماخلصنا القعده وبعد كده صدمتهم ومشيت
ههههههههههههههههههههههههه ه

اكيد قالوا بعد كده حرام عليك تدفع الفلوس دى فى عربية صينى

المشاركة الأصلية كتبت بواسطة esam722

اكيد قالوا بعد كده حرام عليك تدفع الفلوس دى فى عربية صينى

يا جماعة سؤال مين فينا ما بيستخدمش الحاجات الصيني، اللاب توب اللي بتشتغل عليه صيني، الهدوم اللي بنلبسها "ماركات عالمية كتير بتصنع هناك، وبتتباع في مصر في اكبر التوكيلات" التلفزيونات، الموبيلات ... الخ.

يبقي ليه مستبعدين ان في عربيات كويسة صيني، مش هقول في جودة الاوربي بس بجودة منافسة

هيقولك اصل دول فيهم كوالتي كنترول، هقولوا حد راح مصنع من المصانع ديه وشاف، العيب مش عندهم العيب عندنا

المشاركة الأصلية كتبت بواسطة firstknight_eg

يا جماعة سؤال مين فينا ما بيستخدمش الحاجات الصيني، اللاب توب اللي بتشتغل عليه صيني، الهدوم اللي بنلبسها "ماركات عالمية كتير بتصنع هناك، وبتتباع في مصر في اكبر التوكيلات" التلفزيونات، الموبيلات ... الخ.

يبقي ليه مستبعدين ان في عربيات كويسة صيني، مش هقول في جودة الاوربي بس بجودة منافسة

هيقولك اصل دول فيهم كوالتي كنترول، هقولوا حد راح مصنع من المصانع ديه وشاف، العيب مش عندهم العيب عندنا

برضة مش هايقتنعوا

فاكرين العربيات الصينى بتتباع فى محلات 2.5

ياراجل الواحد من كتر مابيسمع الاراء السطحية دى قرب يتنقط