السلام عليكم يا جماعة انا متابع الموقع من فترة كبيره اوى اوى سنين يعنى

وكنت قبل ما اشترى عربيه كنت بتابع قطع الغيار واعلم نفسى فى العربيات لحد ما ربنا كرمنى وجبت عربية وقعدت سنه


المهم انا كنت بفكر فى الموضوع ده من فتره عايز اعمل مشروع وكان فى دماغى كذا فكرة بس انا قلت ادخل فى حاجه شيقة وفى التقيل عدل وجبت ورقة وقلم وعملت دراسه على خفيف كده


أ،نا عايز نصيحتكم معايا وخصوصا لو حد اشتغل فى المجال ده سواء استيراد او بيع او جملة

انا وواحد صحبى من فتره..... صحوبيه عمر يعنى , المهم اقترحت عليه نفتح محل صغير كده لتوزيع وبيع اكسسوارات والى هى فرش برا وجوة جاهز - فاميه واستيكرات - اجهزة سي دي وديفيدى و سماعات - اجهزة انذار - معطرات واسبريهات - لعب وعلاقات - انوار وهالوجينات - وشغل التاكسيات انوار السقف وانوار المشاريع بتاعة الصالونات - فلاشات واجهزة تشغيل صينى


المهم راس المال = 30.000 ثلاثون الف جنيه مصرى - ناوى ادور على محل ايجار جديد من 700 الى 1000 فى الشهر منطقه شعبيه مثلا فيكتوريا الساعه - غبريال - العصافرة المندره سيدى بشر


عايز رايكم وهل المشروع مجدى ؟؟؟