اقتباس المشاركة الأصلية كتبت بواسطة funnyjonson مشاهدة المشاركة
zocor742السلام عليكم

انا قريت كلامك واتشجعت اكتر وربنا يكرمك واكيد لازم يكون فيه بينا شغل انا أحمد من مصطفى كامل طبعا واضحح نقطه القوة عندك هتبقى فين فى تشكيلة البضاعه المتميزه المختلفه عن السوق وده حاجه كويسه وده هتعملك انتشار وهتلاقى ناس تجيلك مخصوص زى مثلا الى يفتح توكيل قطع غيار صينى طبعا هتلاقى ناس تجيلك من اخر الدنيا لان ده حاجه مميزه مثلا
والله يا احمد باشا انا تحت امرك فى اىحاجة انت عايزها وتشرقت بحضرتك وشكلك انسان مجتهد وان شاء الله ربنا يقدم اللى فية الخير

وبالنسبه لعزبة سعد اعتقد بالمنظر ده هتحتاج فلوس كتيرة جدا وكمان المنافسه هتبقى نار يعنى هتلاقى حرق اسعار جنبك عبيط وانتم 3 شركاء والايجار عالى يعنى لو شهر قصر معاكم هتبقى مشكله جامده وده حاجه منصحش بيها فى الاول انك تاخد فى منطقه فيها حرق عالى واساعرها غاليه لان الى يدخل عزبة سعد فى راى يكون رامى بضاعه بحوالى 300.000 ده اقل حاجه ويقولو عليه مبتدئ كمان والى مغطى هناك اكتر قطع الغيار التقيله وجنبها الاكسسوار انت بتلاقى الزحمة اكتر حاجه على قطع الغيار وبتدخل تشترى برضه اكسسوار من محل عنده كل حاجه حتى قطع الغيار الموضوع نفسى والاسماء الكبيره هى الى واكله عزبة سعد زى سعيد نصار كده

هو دة اللى انا خايف منة والله فى ناس حيطان هناك فى الشغلانة دى الله يسهلهم ويزيدهم وفعلا سعات بيحرقوا بضاعة بأسعار عبيطة عشان يعملوا زبون
على فكرة احنا اتنين شركا وصحبنا التالت دة اصلا تاجر وهو دة اللى معتمدين عالية بعد ربنا
المهم انا فى راى تفتح فى منطقه محتاجه وفيها رجل
اعتقد منطقه غبريال كويسه - او فيكتوريا - ملك حفنى - محمد نجيب - لوران - سبورتنج - كامب شيزار - عندك خط الترام كله من اول فيكتوريا لحدد محطه الرمل لو لاقيت اى محل على الترام يبقى فل اوى
وحاول يكون مكان ايجارة مش كبير اوى علشان مترميش كل فلوسك فى الايجار وبس واعتمد على اعلانات الوسيط فى الدعاية هتلاقى ناس من كل مكان جايالك

ان شاء الله شوية كدة ونازل اعدى على اصحابى نقعد نشوف هنعمل اية وناويين ننزل سموحة وشارع بورسعيد وكدا منطقة نتفرج على المحلات اية اسعارها وان كان فى حد عامل النشاط دة كتير فى المنطقة دى ولا على خفيف ولا مفهاش خالص والمنطقة محتاجة حاجة زى كدة يعنى مثلا شارع محمد نجيب عندى بطولة من اول سكة الحديد لحد البحر مفيش غيرعلاء الدين جنب صادق بتاع الجنوط و قبارى اللى جنب مؤمن غير كدة الباقى كام محل قطع غيار ومشغل نفسة بشوية اكسسوار خفيف على الماشى انا بتكلم على نجيب نفسة لان تقاطع نجيب بعبد الناصر مليان النشاط دة فى عبد الناصر نفسة , وفية العسوى بردو شغال اهو الواحد هيسعى وربنا كريم .


المهم كنت عايز اسالك هل تعتقد مبدئيا 30.000 كفاية لمشروع زى ده ولا قليل اوى ؟؟ ثانيا هل الموضوع مربح يعنى لما تتعامل مع تاجر بيكون فرق سعر جامد عن السوق ؟؟؟
كنت عاز اقولك كمان شارع العيسوى بعد دوران جيهان فيه اجانسات عربيات بيع وتاجر كتير دلوقتى ومفيش ولا محل فيه اكسسوارات ولا قطع غيار والمنطفه ده كويسه وايجارها حلو يعنى فيه محلات كبيره بتتاجر ب 1500 هل فكرت تفتح هناك ؟

وربنا يوفقك وان شاء الله تكون فتحه خير

هو مبدئيا مش وحش بس قدام شوية ممكن تزود سيولة تانى ولا هما اخرك بس هو المبلغ دة مخصصة للبضاعة بس ولا شامل الايجار وشوية التظبيطات فى المكان
عموما انت ممكن بردو ترمى بضاعة اجل فى المحل وواحدة واحدة مع التجار على العموم انا نازل النهاردة اقعد مع صحبى بتاع العطاريين هيفهمنى الدنيا ماشية ازاى وهاجيلك بمعلومات مفيدة ان شاء الله .