معلش ممكن حضرتك تحدد الكلام دة بدا يحصل امتة و بألوه مدة اد اية
لان ممكن حضرتك تكون فولت من بنزينة البنزين فيها كان مخلوط بحاجة او اوخر التنك
رقم العضوية : 6991
تاريخ التسجيل : 06Mar2008
المشاركات : 7
النوع : ذكر
الاقامة : Cairo
السيارة: 128
السيارة[2]: 128
الحالة :
السلام عليكم ورحمة الله
عندي 128 نوفا موديل 98 فيها الآتي :
- فيه ريحة بنزين في العادم.
- فيه صوت بسيط بس غريب بيظهر لما أدوس بنزين في التاني والتالت والرابع (بين صوت موتور الفولكس بيتلز وصوت التصقيف وصوت سوائل بتتحرك). علشان مسمعش الصوت ده لازم زيادة البنزين تبقى أقل ما يمكن، وبالتالي زيادة السرعة بتبقى بمعدل بطيء جداً. بردو بسمع الصوت ده لما بطلع كوبري وميختفيش إلا لما أقلل البنزين جامد فلازم السرعة تقل جداً (أقل من 40).
- بعد أسبوع من المشاوير (حوالي 150 كيلو)، العربية بتقطع وتنتش حتى على التاني. لما بروح للمكانيكي بلاقي كل البوجيهات مسودة، ويغير البوجيهات ويرجع العيب تاني بعد أسبوع.
كل ما أروح لمكانيكي يقوللي العيب في الكربراتير إنه بيرمي بنزين زيادة في الموتور، و بالفعل رحت لاتنين بتوع كربراتير، منهم مركز متخصص في عيوبه، وكل اللي عملوه إنهم نضفوه و قالوا إن مفيش فيه عيب. والمركز قاللي إن عندي مشكلة في التكيهات، ورحت لبتاع تكيهات وغير طبقين بس المشكلة بردو مختفتش.
رحت لمكانيكي قاللي إن فيه مشكلة في السيرفو لأنه لما بيسد فتحة خرطوم الصرف بإيده كانت بتختفي رعشة للموتور وكان فيه دخان أسود بيختفي. رحت لبتاع سيرفو وعمل له صيانة، ورعشة الموتور والدخان الأسود بطلوا والحمد لله. بس بردو ريحة البنزين والصوت الغريب و البوجيهات اللي بتسود لسه زي ما هما.
طبعاً كل زيارة لميكانيكي بيبقى فيها ظبط للكربراتير والكهربا. والاسبيراتير مافيهوش حاجة على حسب كلام الميكانيكية، وغيرت الابلاتين والكوندنسر قريب.
هل حد عنده معلومات عن عيب زي ده؟
جزاكم الله خيراً.
رقم العضوية : 16062
تاريخ التسجيل : 09Aug2008
المشاركات : 112
النوع : ذكر
الاقامة : cairo
السيارة: golf mk II
السيارة[2]: fiat 125p 1973
دراجة بخارية: not safe in egypt
الحالة :
معلش ممكن حضرتك تحدد الكلام دة بدا يحصل امتة و بألوه مدة اد اية
لان ممكن حضرتك تكون فولت من بنزينة البنزين فيها كان مخلوط بحاجة او اوخر التنك
رقم العضوية : 6991
تاريخ التسجيل : 06Mar2008
المشاركات : 7
النوع : ذكر
الاقامة : Cairo
السيارة: 128
السيارة[2]: 128
الحالة :
هو التقطيع بدأ أول مرة فعلاً بعد ما مونت من بنزينة، بس مكنتش عارف هي صدفة ولا لأ. العيب تقريباً موجود من شهرين أو تلاتة، وكنت بمشي أقل بكتير من دلوقتي. مونت بعدها حوالي 4 مرات، بس كل مرة بزود على ربع أو نص التنك و مابفولش. ودايماً بمون 90 أو 92.
رقم العضوية : 37410
تاريخ التسجيل : 06Apr2009
المشاركات : 278
النوع : ذكر
الاقامة : جنب أشارة روكسي
السيارة: أنا قادر عالأقساط؟
السيارة[2]: EMGRAND7 2014
الحالة :
أنزل هات كاربيراتير جديد يوغوسلافي من شارع ذكي في التوفيقية وأوعي تصلح القديم أو تعمله أكس وباب وشغل النصب بتاع الميكانيكيه والخراطين ده
أنا كمان نازل قريب أوي أشتريلي واحد لأني خلااااااااااااااااص
وعلي فكرة أنا عندي نفس الكوارث اللي عندك دي ويمكن أكتر كمان
وكل ماجيب طقم بوجيهات جديد......الكاربيراتير يحرقها ........الله يحرقه البعيد
أنا أنشألله أول ماجيب الكاربيراتير الجديد......أقسم بالله لفجر القديم بحق كل لحظة عذاب ورهاني
رقم العضوية : 6991
تاريخ التسجيل : 06Mar2008
المشاركات : 7
النوع : ذكر
الاقامة : Cairo
السيارة: 128
السيارة[2]: 128
الحالة :
جزاك الله خيراً، ربنا يكون في عونك وتنتهي مشاكل عربيتك على خير. الحمد لله أنا فعلاً مستعد أغير الكربراتير عشان تنتهي المشكلة، بس هل ممكن بعد تغييره يفضل العيب موجود؟ ولا إحتمالية ضعيفة فأتوكل على الله و أغيره؟
المفضلات