تقييم الواجا 2010 بعد 5000 كم

**tutankhamoun** · 16-09-2011 05:34 AM

نقطة أحب أضغط عليها
الموتور الكامبروا مع الأوتوماتيك ...... خنيق شوية في السرعات القليلة و دي الناس كلها قالت عليها
مش باينة في المانوال

و تم تحسين الموضوع أو الأنتهاء منه تماما مع النظام الجديد iafm

**hesham_soaida** · 16-09-2011 12:31 PM

صباح الخير لاجمد بروتوناوية

فيه عدة نقاط حبيت اوضحهم

الواجا لا يوجد بها فلتر ال iafm

بالنسبة لاستهلاك البنزين انا لاحظت تحسن كبير جدا بعد تنظيف فلتر الهوا, وطبعا الكيك داون بيزود الاستهلاك بطريقة ملحوظة

بالنسبة للسرعة القصوة, مكتوب في المانوال 180 بالنسبة للاتوماتيك, والمفروض السرعة توصل 160 بسهولة

**eng.m7md.ali** · 16-09-2011 12:52 PM

المشاركة الأصلية كتبت بواسطة hesham_soaida

صباح الخير لاجمد بروتوناوية

فيه عدة نقاط حبيت اوضحهم

الواجا لا يوجد بها فلتر ال iafm

بالنسبة لاستهلاك البنزين انا لاحظت تحسن كبير جدا بعد تنظيف فلتر الهوا, وطبعا الكيك داون بيزود الاستهلاك بطريقة ملحوظة

بالنسبة للسرعة القصوة, مكتوب في المانوال 180 بالنسبة للاتوماتيك, والمفروض السرعة توصل 160 بسهولة

على حسب كلام البيرشور وده بيقول ان فيها الفلتر ده
بس اللي انا ملاحظه انه فعلا مفيهاش
زي ماقولنا غش تجاري وبتاع

**tutankhamoun** · 16-09-2011 01:02 PM

على فكرة أول ما الشكل الجديد نزل في 2009
المعلومات اللي عرفتها من التوكيل نفسه أن الموتور هو هو القديم بدون iafm
ده التوكيل كان بيقول كدا

هو حضرتك يا أستاذ فيلكس عرفت معلومة الموتور منين ؟

**eng.m7md.ali** · 16-09-2011 01:23 PM

المشاركة الأصلية كتبت بواسطة tutankhamoun

على فكرة أول ما الشكل الجديد نزل في 2009
المعلومات اللي عرفتها من التوكيل نفسه أن الموتور هو هو القديم بدون iafm
ده التوكيل كان بيقول كدا

هو حضرتك يا أستاذ فيلكس عرفت معلومة الموتور منين ؟

ده لينك لبروتون ايجيبت

Proton Egypt - Waja

لو حضرتك دخلت على اللينك ونزلت تحت هتلاقي ان الفلتر ده بالفعل موجود في الواجا

كمان قاريت في اعلان في جريدة عن جين2 وبيرسونا وواجا وكلهم بنفس الموتور والفلتر

بس انا ملاحظ اختلاف في السحب بين الجين2 الجديدة والواجا بتاعتي

**aaaaaee** · 17-09-2011 03:23 PM

والله يا اخوانا انا شايف انكم متجنيين عليها انا العربية معايا عاملة 10000 ك وبسم الله ما شاء الله زى الفل والتكييف ما بياسرش على السحب ولا حاجه مع ان العربية اتوماتيك وموديل 2009 والصوتيات زى الفل والتكييف والله العظيم ممتاز والعفشة زى الفل انا شايف انكم متجنيين على العربية واستخدامكم لها مش كويس
ودى شهادة حق

**tutankhamoun** · 18-09-2011 12:55 AM

المشاركة الأصلية كتبت بواسطة eng f3lix

ده لينك لبروتون ايجيبت

proton egypt - waja

الرابط مش شغال

لو حضرتك دخلت على اللينك ونزلت تحت هتلاقي ان الفلتر ده بالفعل موجود في الواجا

كمان قاريت في اعلان في جريدة عن جين2 وبيرسونا وواجا وكلهم بنفس الموتور والفلتر

بس انا ملاحظ اختلاف في السحب بين الجين2 الجديدة والواجا بتاعتي

هما نفس الموتور
الفرق في نظام سحب الهوا ...... ووحدة التحكم الألكترونية و لازم هاتلاقي فرق خصوصا لو أنت أوتوماتيك

**mido_295** · 18-09-2011 02:04 AM

انا يا شباب معايا العربيه موديل 2009 أوتوماتيك بس شاريها السنه دى وأعتقد كان منكم افاضل كتير عايشين معايا حدوته العربيه
انا دلوقتى عامل بالعربيه تقريبا 5700 كم وتقيمى للعربيه كما يلى :
أولا المزايا :

تقفيل داخلى جيد وخامات جيده - وممكن التقيم ده يختلف حسب الفئه لأنى اللى عرفته انى راكب البريميم وهى أعلى فئه فى الواجا - معلومه مش مؤكده ولكن على السمع
ثبات ممتاز على الطريق على السرعات العاليه وفى الملفات وعن تجربه أخدت وانا راجع من التوكيل ملف ناشف أوى على سراعه 110 وحقيقى توقعت ان العربيه هتقلب بيا ولك الحمد لله حسيت ان العربيه حاضنه الأرض وانا بلف
تقل وثبات على الطرق السريعه حتى وانن ماشى بالعربيه فاضيه أنا جيبت بالعربيه 155 كم لوحدى وماحسيتش ان فى اى إهتزاز وبصراحه خوفت أجرى عن كده
الباور تقيل شويه ودى بالنسبالى ميزة كويسه أوى لأنى مش من هواة المناورات عموما ، وبيتقل أكتر على الطرق السريعه لدرجه بحس ان الباور فصل وده بيخلينى بشد بيها حقيقى من غير ما أخاف
مريحه وواسعه بشهاده كل اللى ركب معايا
-----
العيوب

1. إستهلاك بنزين عالى من وجهه نظرى لأنى أفضل معدل عملته بالعربيه هو 9.5 كم فى اللتر
2. الشكل الأمامى للعربيه مش جميل ولأنى مش بيفرق معايا الشكل الخارجى فمهتمتش بالنقطه دى أوى
3. السحب بيتأثر كتير مع التكيف وخصوصا فى فترة التلين بتبقى مكتومه العربيه أوى
4. مشكله مش فى العربيه بس التوكيل بصراحه تعبنى جدا المرتين اللى روحتهم بس هما للأمانه ناس محترمه ومش بتوع إشتغالات
5. دواسات البنزين خفيفه أوى وانا مكنتش واخد على كده بس أتعودت عليها خلاص

---
تقيمى العام للسيارة

راضى جدا عنها وعن توفيق الله عز وجل فى أنه رزقنى بالعربيه دى لأنى بجد لما بقارنها مع عربيات فى نفس الفئنه من حيث القوة والكماليات بحس انى دفعت فلوس فى عربيه تستاهل

.... ملحوظه مهمه بس ياشباب
الأراء بتبقى على حسب وجهات النظر والمقارنه بعربيات سابقه
يعنى مثلا لو حد كان ساق باسات مثلا وركب الواجا هيحس انها خفيفه أوى وعربيه على قد حالها
إنما لو حد كان راكب فيرنا مثلا وركب الواجا هيحس انه راكب بى ام مش عربيه ماليزى
أسف على الأطاله ولكن دى تجربتى البسيطه مع الواجا

**eng.m7md.ali** · 19-09-2011 04:49 PM

المشاركة الأصلية كتبت بواسطة tutankhamoun

هما نفس الموتور
الفرق في نظام سحب الهوا ...... ووحدة التحكم الألكترونية و لازم هاتلاقي فرق خصوصا لو أنت أوتوماتيك

Proton Egypt - Waja
ده الرابط مرة تانية يااستاذ توت

**yaseenmohamed** · 23-09-2011 04:42 PM

معلش تسمحلي اعلق علي نقطه واحده بس :
- التسارع بييجى عند من التانى للتالت او التالت للرابع وعند 2000 أر بى أم ويقف وتحس ان الموتور فقد عزمه ودى بحلها بالكيك داون.....

الموضوع ده واضح أوي معايا برضو ( عربيتي ساجا أوتو) فعند ار بي ام 2000 , سرعه تقريبا 60كم/ساعه بحس ان الموتور فقد عزمه تماما.... وكنت فاكر ان دي مشكله عندي بس

الموضوع: تقييم الواجا 2010 بعد 5000 كم

LinkBack

أدوات الموضوع

عرض

-

-

-

-

-

-

-

المواضيع المتشابهه

تقييم التيجو بعد صيانة 5000

تقييم ومقارنة بين البيرسونا Vs الواجا 2009

اريد تقييم سعر سيارتى الواجا

IslamGen2 تقييم ال 5000 كم

تقييم صيانة ال 5000 كم للسيراتو

الكلمات الدلالية لهذا الموضوع

المفضلات

المفضلات

ضوابط المشاركة