الموضوع: حد جرب الكاسترول

المشاركة الأصلية كتبت بواسطة mony10

ارجو توضيح الفرق بين ايدج سبورت والفالفولين من حيث الخصائص والسعر وهل فيه فرق في السعر بين الكاسترول الـ 10000 كم والموبيل 1 ولا الفرق فقط في الجوده

انا لسه ما جربتش الفالفولين بس عموما دي شويه معلومات عن خصائص الزيوت عموما

واللي بيفرق زيت عن التاني اولا اللزوجه وثانيا وده الاهم مراعاه المصنع لضميرة في وضع المكونات السليمه اللي تحافظ على الزيت اظول وقت ممكن

للتوضيح والتفرقه بين انواع الزيوت وافضليتها

ايه معنى 10w40 او 5w50 او 10w60 وهكذا

بالبلدي كده الرقم القليل كل ما صغر كان افضل (في درجات الحرارة المنخفضه) والرقم الكبير كل ما كبر كان افضل (في درجات الحرارة العاليه)

لتوضيح اكتر الرقم الكبير والصغير بيوضحو لزوجه الزيت وكل ما الرقم بقى قليل معني كده ان اللزوجه قليله لحد ما نوصل للصفر اللي هو بيبقى الزيت فيه خفيييييييييييييييييييف جدا وكل ما الرقم كبر يعني لزوجه الزيت بتزيد لحد ما يوصل لاتقل حالاته على حسب الرقم 40 او 50 او 60

وده معناه ان الزيت ليه لزوجتين لزوجه وهو بارد ولزوجه وهو سخن

وكل ما رقم لزوجته في حاله البروده بقى قليل كان احسن عشان اول ما بندور العربيه وهي بارده الزيت يمشي ويدخل اجزاء الموتور اسرع بكتير من اللي لزوجته اعلى على البارد وده بيقلل وقت تسخين العربيه الصبح

وكل ما رقم اللزوجه في حاله التشغيل السخن زادت كان احسن عشان لزوجه الزيت تزيد وتمنع الاحتكاك الجامد في حاله عدد لفات الموتور العاليه

علشان كده العربيات الاسبور ذات المواتير الرساضيه بينصحو فيها بالزيوت دات اللزوجه الاعليه على السخن عشان قسوة التشغيل

يعني ببساطه كده بالنسبه لعربياتنا العاديه في الصيف يستحسن نحط فيها زيت لزوجته 10w60
وفي الشتاء 5w50 ويا جماله لو فيه 0w50 او 0w40

ارجو اكون وضحت شويه معلومات ولو انا على خطا في حاجه صححوا لي

على فكرة انا حاطط في عربيتي حاليا كاسترول ايدج سبورت 10w60