الموضوع: الحمـــــــــــد لله كريستـــــــــــــــالـــ ــتي تمــــــــت الـ 200 الف كم انهارده

المشاركة الأصلية كتبت بواسطة husseinsalah

الف مبروك ياباشا على 200 الف
ومن غير ما حد يضرب انا عربيتى عاملة 380 الف كيلو وكنت شاريها 350 الف وصاحبها قالى لو عاوز تغير موتور غيرة لانى عامل كيلوهات كتير وهو صاحبى بالمناسبة وهو اول يد ليها فلما كنت بغيرلها سير الكاتينة سألت الميكانيكى على حالة الماتور واية رأيك لو غيرتة قالى مالة يااستاذ ماهو زى الفل اهو وبقالة معايا سنة ونص والحمد لله مافهوش مشكلة ومشوارى 105 كم فى اليوم (عربيتى كرستالة 99)

الله يبارك فيك يا حسين
وماشاء الله ربنا يباركلك في عربيتك

المشاركة الأصلية كتبت بواسطة bonanza

كل 100 الف و هي طيبة يا جرجاوي :)

وانت طيب يا اسامة
وعقبال عربيتك لما تتم ال 400 الف زي حسين :)

" بسم الله الرحمن الرحيم "

الحمد لله تم عمل صيانة للعربية انهاردة وتم تغيير الآتي :-
فلتر هواء ياباني 49 ج
تيل امامي ياباني 48 ج
تيل خلفي ماليزي 48 ج
فلتر بنزين ياباني مش فاكر كنت جايبوا من زمان وكذا واحد بس اعتقد كان ب 8 ج الواحد
طقم بوجيهات كنت جايبهم من السعودية بتوع تويوتا الاصلي بس الميكانيكي قاللي دول مش بتوع العربية فشلتهم وركبت اقدام تاني ودي نقطة عايز اسال فيه في بوجيه رفيع في بوجيه تخين سنه انهي واحد يركب عندنا في الكريستالة
تم تنظيف الكربراتير وطلع كمية هباب كتير جدا مش عارف ليه مع اني بستعمل 92 على طوووول
تم تظبيط التاكيهات

النتيجة والكلام اللي جي دا للاخ العضو Prisonar والاخ العضو momo 44
عايزكوا تنزلوا على سوق العبور تشتروا كل المانجا ههههههههههه
الحمد لله وبفضل الله العربية هتظبطكوا ان شاء الله

بالنسبة للأسعار أنا أخويا كان شغال في مجال قطع الغيار ويعرف مستورد يجيب منوا بأسعار جمله والحاجة دي بطلع بإسم شركة اخويا وانا روحتلهم انهاردة واشتريت الحاجات المذكورة وحاجات كله روعة ومحفور عليها made in japan وليس استيكرات ولو حد عايز اي حاجة يا ريت نجمعها كلنا مع بعض كل اسبوع ونتقابل في مكان ما ونشتريها وأنا تحت أمركوا لو في اي استفسارات
وطبعا دي اسعار نهائية بيطلع بيها فاتورة ولا يوجد ارتجاع او استبدال
وأخيرا لا يوجد فصال

مبروك يا كبير
ايوة كده ظبط بقي خلينا ناكل مانجا ههههه

بس ايه الاسعار دي يا ريس
مش كنت تقولي كنت اشتريت معاك

انا لسة امبارح بردو جايب
فلتر هواء كوري 45
فلتر بنزين كوري 20
بوجيهات NGK ياباني من شركة التوفيق بـ 50 جنيه
تيل امامي تركي 60 جنية اللي هو ده






انا كده بقي هابقي محتاج تيل خلفي يا جرجاوي
اعمل حسابي بقي في طلبية الاسبوع الجاي

سؤال رفيع بقي و اعذروني انا جاهل اوي في موضوع التاكيهات دي

التاكيهات دي بتعمل ايه اصلا
و لما يحصل ايه في العربية المفروض اني اعرف ان دي التكيهات و اروح اظبطها

ياريت تجاوبوني عشان انا من زمان نفسي اتعرف علي اي تكيهات و اظبطها هههههههههه

المشاركة الأصلية كتبت بواسطة bonanza

مبروك يا كبير
ايوة كده ظبط بقي خلينا ناكل مانجا ههههه

بس ايه الاسعار دي يا ريس
مش كنت تقولي كنت اشتريت معاك

انا لسة امبارح بردو جايب
فلتر هواء كوري 45
فلتر بنزين كوري 20
بوجيهات ngk ياباني من شركة التوفيق بـ 50 جنيه
تيل امامي تركي 60 جنية اللي هو ده






انا كده بقي هابقي محتاج تيل خلفي يا جرجاوي
اعمل حسابي بقي في طلبية الاسبوع الجاي

انا والله ما كنت اعرف انا كنت نازل التوفيقية عند اولاد البنا عشان الناس دي انا بشتري حاجتي من عندهم على طول وكنت بدردش مع اخويا قبل الصلاة بقولوا تعالى معايا نجيب شوية حاجات عشان هعمل صيانة قاللي هتجيب ايه قولتلوا كذا وكذا راح مكلم واحد شغال عند المستورد وانا روحتلوا وخدت الحاجة وقولتلوا لو احتجت حاجة تانية قاللي عنيا ليك فالموضوع جه صدفة وعنيا ليك يا اسامة وكمان عندهم تيل امامي تايواني ب 37 ج بس شكلوا كان تحفة بردوا بس انا جبت الياباني زي القديم اللي كان راكب وبقالوا معايا سنتين ونص و 50 الف كم الحمدلله عشان كدا جبتوا

المشاركة الأصلية كتبت بواسطة Bonanza

سؤال رفيع بقي و اعذروني انا جاهل اوي في موضوع التاكيهات دي

التاكيهات دي بتعمل ايه اصلا
و لما يحصل ايه في العربية المفروض اني اعرف ان دي التكيهات و اروح اظبطها

ياريت تجاوبوني عشان انا من زمان نفسي اتعرف علي اي تكيهات و اظبطها هههههههههه

لو صوت الموتور عندك فيه تكتكة عالية شوية عن الطبيعي لان موتور الكريستالة من انعم المواتير اللي نزلت المفروض انك تقف جنب العربية متحسش انها دايرة هي دي التاكيهات وبتظبط استهلاك البنزين بطريقة ملحوظة وأي خدمة