ابراهيم بتاع الكاربيراتير ( شبرا )

**tifalol** · 10-09-2011 03:37 AM

يا جماعه هو مكانه فين بظبط انا من مدينة نصر ممكن اجي من كوبري اكتوبر و هل هو كويس فعلا ولا لا
اصل الناس كلها بتشكر فيه هنا
عشان عايز اظبط حاجات بشم ريحة بنزين ني من الشكمان و جوه الكابينه فالناس قالتلي كاربيراتير
مع العلم شيكت على كل الخراطيم و مافيش حاجه ؟

**Eng.Geo** · 10-09-2011 11:38 AM

انا مجربه
ممتاااااااز
هتنزل نزلة شبرا من كوبري أكتوبر
تنزل وتلف تبقي في نفق أحمد بدوي
هتفضل ماشي لغاية ما يقابلك شارع الترعة بالعرض ... هو اتجاهه يمين بس
هتخش يمين وتمسك شمال
هتلاقي خير زمان علي شمالك
هو بقي في الحارة اللي لازقة فيه علي طول
هتخش الحارة تلاقي عربيات راكنة وفاتحة كبوتها
دور علي ركنة بسرعة :)
بس روح بدري عشان هو بالدور
لو رحت 10 هتاخد الكربراتير الساعة 5
حسب الزباين
بس تروح تسيب العربية تبرد شوية وتخلي ميكانيكي يحللك الكربراتير بسرعة
لازم طبعا تقوله في مشكلة عندك ايه بالظبط

**magid1010** · 10-09-2011 03:19 PM

المشاركة الأصلية كتبت بواسطة Eng.Geo

انا مجربه
ممتاااااااز
هتنزل نزلة شبرا من كوبري أكتوبر
تنزل وتلف تبقي في نفق أحمد بدوي
هتفضل ماشي لغاية ما يقابلك شارع الترعة بالعرض ... هو اتجاهه يمين بس
هتخش يمين وتمسك شمال
هتلاقي خير زمان علي شمالك
هو بقي في الحارة اللي لازقة فيه علي طول
هتخش الحارة تلاقي عربيات راكنة وفاتحة كبوتها
دور علي ركنة بسرعة :)
بس روح بدري عشان هو بالدور
لو رحت 10 هتاخد الكربراتير الساعة 5
حسب الزباين
بس تروح تسيب العربية تبرد شوية وتخلي ميكانيكي يحللك الكربراتير بسرعة
لازم طبعا تقوله في مشكلة عندك ايه بالظبط

ممكن تقولنا هوا فين
ط´ط§ط±ط¹ ط§ظ„طھط±ط¹ط© ط§ظ„ط¨ظˆظ„ط§ظ‚ظٹط©

**Eng.Geo** · 10-09-2011 03:54 PM

هنا تقريبا
Wikimapia - Let's describe the whole world!

الخريطة مش موضحة قوي
بس هو في الشارع اللي جنب خير زمان

**sailoreng** · 18-09-2011 08:49 PM

طيب انا كنت عايز اسئل هو بيظبط الكربراتير بعد مبيتفك وبيركبة وبيظبطة فى العربية ولا بيظبطة برا العربية وخلاص وكمان المكيناكى الى بفك الكربراتير جنبة ولا بعيد .

**tifalol** · 19-09-2011 05:03 AM

هو بيتعامل مع ميكانيكي جنبه هيفكلك الكاربيراتير و يدهولك في ايدك
تروح مديه لابراهيم ابراهيم هيخده و يديك معاد 5 او 7 بليل فعمل حسابك هتسب العربيه
تحاسب ابراهيم تاخد الكاربيراتير ياخده منك الميكانيكي يركبه
و يظبط في و هو راكب و تحاسب الميكانيكي لوحده
بس و تروح بقى

**sailoreng** · 19-09-2011 05:45 PM

شكرا ياباشا على الرد طيب الكربراتير اظبط بعد كدة ولا اية وهيا كانت العربية بتعمل معاك اية قبل ماتعمل الكربراتير وابراهيم خد منك كام والميكانيكى خد كام علشان اعمل حسابى وتسلم ياباشا معلش على الاسئلة الكتير اصلى انا زهئت من الكربراتير والصنايعية بتوعة ارفونى.

**tifalol** · 20-09-2011 03:59 AM

هو هيقولك كام انا خد مني 130 و هتجيب الفلوس و انت بتستلم و الميكانيكي 15 جنيه برضه و هو بيركبهلك هتحاسبه
بس هو كويس و هيظبطلك الدنيا ان شاء الله

**aboomar22** · 20-09-2011 01:49 PM

خد الكربراتيور مفكوك وريح دماغك وروح شغلك مثلا وانت راجع عدى عليه خدوا وروح للميكانيكى بتاع يركبه ويظبط الهواء وخلاص انا بعمل كده بس مش معى الحاج ابراهيم احنا فيه واحد عندنا فى فيصل مش وحش وباخد الكربراتير بعد ساعتين وهى مسالة حظوظ على فكرة يعنى ممكن ورشه يبقى فيها ثلاث صنايعية ولا اربعة 2 ممتازين وواحد كويس وواحد على قده انت وحظك مين هيشتغل فيه حتى الاكويس احيانا بيبقى برضه حظوظ انا مره روحت لواحد فى المريوطية وكان المشكله ان اول دوسه بنزين تقيله قالى دى بوابه عايزة تتنظف وهعملك اكس وباب بالمرة هتظبط معاك قوى قلتله ماهو كويس قالى لا دا انت هتشوف وهاخد علشان خاطرك 100 جنيه من بعدها الكاربراتير قرفنى واشتريت واحد بعدها استيراد

**estemalek** · 21-09-2011 12:30 AM

انا لسه جاى من عنده غيرلى باب و فك الكربراتير مسمار مسمار و نضفه كويس بس لسا مجربتش
بس من الواضح ان هما عاملين نفسهم دكاترة و بيفتوا اكنهم هما اللى مخترعين اى كربراتير فى الدنيا
عموما هجرب و اقولكم ايه الاخبار

الموضوع: ابراهيم بتاع الكاربيراتير ( شبرا )

LinkBack

أدوات الموضوع

عرض

ابراهيم بتاع الكاربيراتير ( شبرا ) - انشر الموضوع فى :

-

-

-

-

-

المواضيع المتشابهه

بتاع تكييف كويس و كهربائى كويس فى شبرا

زيت فى عمة الكاربيراتير

ابراهيم بتاع الكربراتير

غزال بتاع الفتيس - شبرا

الكاربيراتير

الكلمات الدلالية لهذا الموضوع

المفضلات

المفضلات

ضوابط المشاركة