المشاركة الأصلية كتبت بواسطة m000dy
انا فى دماغى حاجه كان نفسى اعملها من زمان وهى مشابهة لكلامكم
انا كنت بفكر اروح المكان اللى بيتسجل فيه براءات الاختراع وادور على اختراع يكون بسيط فى تكوينه ويكون منتج مش اساسى ولكن بالنظر للمستقبل وانتشاره هايكون اساسى (حد كان يتخيل ان الموبايل ها يضرب الخطوط الارضيه ! )
ممكن اللى هالاقيه يكون محتاج براءة اختراع تانيه تكمله او تديله ميزه عن غيره من الاختراعات المشابهة
يعنى مثلا كانت سونى اخترعت زى ريموت كده يتحط فى ميدالية المفاتيح تعمل على 4 ترددات فيتحكم فى المراوح والتليفزيونات والكاسيتات اللى فى الاماكن العامه او الطائرات وكان تمنه مش رخيص بينما ان فى واحد مصرى قدر يعدل موبايل 3310 يعمل على 12 تردد وبتكلفة تكاد لا تكون اساسا
كل ده جميل بس مالوش لازمه لو ماكانش مصاحب ليه الماركتينج المناسب عشان يوصل للمستهلك المستهدف
من الاخر الموضوع ده عاوز نقعد سوا كده وكل واحد يطلع اللى جوه مخه
وايا كان اللى هانوصل ليه نشارك فيه كلنا عشان لو المشروع ايا كان خسر يبقى ماحدش مننا خسر كتير واهى تجربه ونتعلم منها والتجاره مكسب وخساره ويا اما تنجح واللى ييجى منها نحطه تانى فيها عشان نكبر كلنا وتكون تجربه ناجحه حتى اللى حابب يخرج يخرج كسبان ولو جنيه
ايه رايكم؟