استفسار صغير عن الجين 2

**a7mednour** · 11-09-2011 02:48 PM

السلام عليكم ...
انا شاري العربية من تلات شهور مستعملة وكانت عاملة 92000 كيلو وهي حاليا عاملة 96000 الف.. المشكلة اني اول ما اشتريتها كانت شغالة مية مية ... دلوقتي لما ابطل العربية المروحة بتفضل دايرة حوالي ربع ساعة ... مش عارف ليه ... على العلم اني ما اغيرتش الزيت لان اللي كنت شاريها منه بيقوللي مغيرلها زيت 10000 ... هل لازم اغيرلها الزيت دلوقتي؟؟؟
و هل في حاجة تانية تتغير ... في ناس بيقولوا فلتر الزيت كل 2000 كيلو وناس تانية فلتر البنزين ... انا في حيرة بصراحة ...
وهل لو هغير الزيت اجيب زيت ايه ...كاسترول اللي الاخوة بيقولوا عليه ... ولا مبيل وان وخلاص
افيدوني افادكم الله ... وشكرا ...

**Tarek Gen 2** · 11-09-2011 03:50 PM

ده 99 % الثرموستات باظت و محتاجة تتغير عاملة فى حدود 120 و بتتجاب من التوكيل

**a7mednour** · 11-09-2011 04:01 PM

طيب دي ايه اللي بوظها ... وهل السكوت عليها مشكلة في العربية مع العلم ان العربية ماشية معايا كويس وسحبها حلو ومفيش فيها اي حاجة ...
طيب بخصوص الزيت هل اغيره دلوقته هوة والفلتر ولا اصبر عليه شوية
شكرا لرد حضرتك

**Al-Farooq** · 11-09-2011 05:00 PM

حضرتك لازم تروح التوكيل تقول لهم المشكلة ، المفروض المروحة تفصل اول ما تطفي العربية ، غير كدة ممكن يسبب لك مشاكل كثير .

**Tarek Gen 2** · 12-09-2011 02:36 AM

المشاركة الأصلية كتبت بواسطة a7mednour

طيب دي ايه اللي بوظها ... وهل السكوت عليها مشكلة في العربية مع العلم ان العربية ماشية معايا كويس وسحبها حلو ومفيش فيها اي حاجة ...
طيب بخصوص الزيت هل اغيره دلوقته هوة والفلتر ولا اصبر عليه شوية
شكرا لرد حضرتك

الزيت لازم تسال اللى غيره غيره امتى و تغيره فى معاده
فلتر الزيت كل 10000 مع الزيت
فلتر البنزين كل 20000 او اما يتسد خالص

الطبيعى انك لو جى من مشوار جامد جدا جدا مع تكييف فى عز الشمس المروحة تشتغل دقيقة او اتنين فى الحدود دى بعد ما تبطل

انما كدة غالبا ثرموستات و ده بيبوظ لوحده و السكوت عليه مش مشكلة اوى ولا حاجة بس وجود افضل وده اللى بينظم عملية دخول المية عشان تبريد الماتور

العربية اما بتيجى تسخنها الصبح اول ما تركب بتاخد اد ايه عشان توصل ل 90 المفروض 30 او 40 ثانية المؤشر يقرب عليها لو بتتاخر عن كدة شوية يبقى ثرموستات

و لو بتمشى على طريق صحراوى بليل فى وش الهوا هتلاقى الحرارة بقت 75 مثلا

ممكن تروح مركز عصام صفا يبصلك عليها و يقولك محتاجة ايه

و كلنا تحت امرك

**a7mednour** · 12-09-2011 01:00 PM

جزاكم الله كل الخير وانا ان شاء الله هروح افحصها واجيب تقرير بيها

**Raul_7** · 12-09-2011 04:50 PM

Thermostat

**ahmedessa_23** · 12-09-2011 05:10 PM

اخى الحبيب ممكن تقولى انت جبت العربية بكام ومن امتى لان نفسى اشترى واحدة مستعملة وانا معايا اكسيل وخايف من المستعمل فى البروتون سبب الصيانة واسف لاطالة

**a7mednour** · 22-09-2011 06:34 AM

المشاركة الأصلية كتبت بواسطة ahmedessa_23

اخى الحبيب ممكن تقولى انت جبت العربية بكام ومن امتى لان نفسى اشترى واحدة مستعملة وانا معايا اكسيل وخايف من المستعمل فى البروتون سبب الصيانة واسف لاطالة

انا جايبها بقالي حوالي اربع شهر من شهر مايو اللي فات وكانت ب 65000 جنيه بس انا شاريها من ابن عمي وكنت عارف حالتها كويس لاني كنت متابعها باستمرار ... العربية ما شاء الله محترمة وحمالة اسية .... بس عموما انا بنصح حضرتك تبعد عن المستعمل بشكل عام مفيش افضل من الزيرو ... ولو الظروف مش سامحة حاول تفحص العربية كويس لان المستعمل فيه لغط كتير ... وبرده صلي استخارة وربنا يوفقك للخير ...