استفسار عن تغيير الجير الى اوتوماتيك

**omaroof** · 11-09-2011 03:46 PM

اخواتى الاعزاء
عندى سؤال بس عاوز اجابه ضرورى عليه
هل احد من الاخوه الاعضاء يعرف حاجه عن تغيير الجير العادى فى الماروتى الى اوتوماتيك؟
وهل راى احد منكم ماروتى اوتوماتيك او يعرف الجير الاوتوماتيك اشتريه منين مع العلم انى من الاسكندريه
وعلى فكره اعرف الفرق جيد بين الاوتوماتيك والمانوال وان العربيه 800 سى سى
لكنى عاوز اعرف هل ليها جير اوتوماتيك ممكن الاقيه فين او اى جير ممكن يتركب عليها
الرجاء الرد فى اقرب فرصه وشكرا

**Amr Axel** · 11-09-2011 04:36 PM

بص يا ريس موضوع التحويل ده قصة و شغلانة سودا يعني من الاخر هتفتح ع نفسك فتحة مش هتخلص منها و النتيجة كمان غير مضمونة يعني يا اشتغل يا مشتغلش لأنك بتجيبه استيراد دهلو لقيت يعني فتيس يركب

بالنسبة عشان تغير من فتيس مانيوال لواحد اوتوماتيك لازم تجيب الاوتوماتيك بتاع نفس العربية و الموديل مش بتاع عربية تانية و طبعا الماروتي مفيهاش اوتوماتيك
يعني مثلا للانوس بتنزل اوتوماتيك و مانيوال فلو عايزين نغير المانيوال لوتوماتيك ناخد الوتوماتيك بتاع الفئة التانية بتاعت اللانوس انما مش هناخد بتاع الفيرنا مثلا

التكلفة هتكون عالية و زي مقولت النتيجة غير مضمونة
الاوتوماتيك مشاكله كتيير غير صرفه فتخيل لما تركبه يعني خليك في المانيوال احسن و ممكن تبقي تجيب عربية الاوتوماتيك فيها فبريكة
و من غير حاجة طبعا الاوتوماتيك بيخلي العربية سحبها اضعف

و حضرتك حر برده عايز تخوض التجربة براحتك
بس نصيحة اخوية متفكرش في الموضوع ده من اساسه

و بالتوفيق ان شاء الله

**dr.hazem** · 11-09-2011 08:25 PM

كان في واحد هنا محولها اوتوماتيك
بس كان مسقطلها جير دايهاتسو شاريد اوتوماتيك وده بيركب من غير تعديلات كتير
لكن معنديش تفاصيل عن الموضوع

تحياتي

**dr.hazem** · 11-09-2011 08:27 PM

http://www.nilemotors.net/Nile/75180-a.html

تحياتي

**dr.hazem** · 11-09-2011 08:34 PM

للمعلومه في صور مرفقه للعربية دي في نفس الموضوع اللي حطيتلك لنكه لكن مش في الصفحه الاولى
وفي صوره واضح فيها الجير الاوتوماتيك

بس اعتقد انها شغلانه ووجع دماغ

تحياتي

**Amr Axel** · 11-09-2011 09:39 PM

المشاركة الأصلية كتبت بواسطة omaroof

شكرا اخى اكسل على الرد بس الماروتى ليها جير اوتوماتيك فى الهند وبتنزل اوتو ومانوال فى الهند

ده كمان غير انها بتنزل بتكييف تخيل

بس انا بسأل هل ممكن يكون موجود فى مصر ولا لا وكمان عاوز اعرف اجيبه منين لو موجود ومين يركبه

لا يا ريس الماروتي اللي بتقول عليها ديه مش اللي هي الماروتي بتاعتنا هم هناك بيقولوا ع الالتو و السيلاريو ماروتي باختلاف الموديل يعني ماروتي-اي ستار و ماروتي-التو
زي كده لانسر كريستالة و بومة و شارك
هما دول اللي فيهم اوتوماتيك و تكييف
بالاضافة ان الماروتي بتاعتنا مش بتنزل مجهزة للتكييف الموديلات اللي بعدها هي اللي مجهزة للتكيف زي الالتو و السيلاريو اللي هي الالتو برده هههه و منها اوتوماتيك

ده اللي اعرفه

و زي مقولت ممكن يتولف فتيس عربية تانية يركب بس المشاكل بقي
و حضرتك حر برده

و الناس اللي ممكن يكون عندهم اللي هم بيبعوا استيراد او تقطيع عربيات
و اللي بيركبه واحد بتاع تكييفات سيارات

و بالتوفيق ان شاء الله

**Amr Axel** · 12-09-2011 02:01 PM

المشاركة الأصلية كتبت بواسطة axel

لا يا ريس الماروتي اللي بتقول عليها ديه مش اللي هي الماروتي بتاعتنا هم هناك بيقولوا ع الالتو و السيلاريو ماروتي باختلاف الموديل يعني ماروتي-اي ستار و ماروتي-التو
زي كده لانسر كريستالة و بومة و شارك
هما دول اللي فيهم اوتوماتيك و تكييف
بالاضافة ان الماروتي بتاعتنا مش بتنزل مجهزة للتكييف الموديلات اللي بعدها هي اللي مجهزة للتكيف زي الالتو و السيلاريو اللي هي الالتو برده هههه و منها اوتوماتيك :n_no[1]:
ده اللي اعرفه

و زي مقولت ممكن يتولف فتيس عربية تانية يركب بس المشاكل بقي
و حضرتك حر برده

و الناس اللي ممكن يكون عندهم اللي هم بيبعوا استيراد او تقطيع عربيات
و اللي بيركبه واحد بتاع تكييفات سيارات

و بالتوفيق ان شاء الله

اعتذر عن الخطأ التكييف عند بتاع تكييفات طبعا ههههه
الفتيس ميكانيكي بيركبوا

-

-

-

الموضوع: استفسار عن تغيير الجير الى اوتوماتيك

LinkBack

أدوات الموضوع

عرض

استفسار عن تغيير الجير الى اوتوماتيك - انشر الموضوع فى :

-

-

-

-

-

-

المواضيع المتشابهه

استفسار بخصوص الجير بوكس

استفسار عن تيريوس اوتوماتيك 99 ؟

تغيير فلتر زيت فتيس لانسر 1600 اوتوماتيك

استفسار في اوبتر اوتوماتيك

رجالة خلاص رايح احجز بس اية افيو اوتوماتيك :او نيو اكسنت اوتوماتيك:او فيرنا اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة