صني ex saloon مانيوال ABS

**citadeldeath** · 11-09-2011 04:13 PM

الأصدقاء الأعزاء،

أريد شراء السيارة صني ex saloon فول أوبشن مانيول مزوّدة بـ ABS، وبطبيعة الحال جديدة، ولكن نيسان إيجيبت كما تعرفون تُجري تحسينات على مصنعها على ما يبدو، فأوقفت إنتاج صني حتى منتصف شهر أكتوبر المقبل، على حد قولهم. كما تكلمت مع السبع موتورز وقال ليّ يوجد سيارة واحدة فقط عنده، بل وفي إحدى فروعه بالمنصورة، لذا سيرسل في استدعائها من هناك إذا ما أردت أن آخذها، مع زيادة 3 آلاف جنيه عن السعر المعتاد لها لأنها ليست موجودة. أنا رفضت بسبب اللون والسعر المغالي فيه، وأريد منكم مساعدتي لشراء السيارة بالمواصفات السابقة، فهل تعرفون مركز خدمة آخر معتمد عنده السيارة؟ ولو لم ينفع هذا الاقتراح، هل تقترحون عليّ شراء السيارة من مركز خدمة غير معتمد، وما هي الأضرار التي ستنعكس عليّ وقتها؟ مثلاً، السبع قال ليّ إذا لم تشتر السيارة من عندي فلن أقم بصيانتها لك وأشياء من هذا القبيل!

أريد مساعدتكم بشدة لأني أحتاج سيارة بشدة، ولا أريد أن أشتري سيارة أخرى.

آسف للإطالة

**Ahmed.TV** · 11-09-2011 06:52 PM

معلش مع احترامى للمندوب اللى قالك الكلام ده .. غلط
انت لو اشتريت اى نيسان صنى مع اى معرض غير معتمد ومن اى مكان ومع العربية دفتر الضمان بتعها .. بتعمل صياناتك فى اتخن مركز خدمة تابع لنيسان
ومحدش يقولك رايح فين ولا جى منين

ولو اشتريت من السبع تروح وتعمل صيانات فى مودرن .. ولوا شتريت من مودرن تروح تعمل صيانات فى السبع وهكذا

ولو جبت من معرض خاص تروح اى مكان وتعمل صيانات عادى

وبخصوص اضرار لو اشتريت من اى معرض خاص
فى موضوع عن نصائح استلام العربية فىا لقسم اقرائه وحيفيدك ..

واحنا بنفضل ان العربية تستلمها من موزع معتمد افضل طبعا .. مش مش بيركن عربياته كتير ومش عنده نظام التسقيع .. ان يركن العربية فى المخزن عشان لما يحصل نقص فى السوق يبتدى يلعب فى الاسعار .. وطبعا العربية لما بتقعد كتير فى المخازن غلط عليها عشان التراب والسوائل والزيوت اللى فيها .ز لو اتركنت مدة .. وده اللى بيعمله المعارض الخاصة .. عشان كدا بنحظر منه .. لكن الموزع بيجيب من المصنع .. ولو عنده استوك .. مش بيكون كتير

عندك اتو ايجيبت .. تقريبا بيبعوا بزيداة 2000 جنيه بس ناس محترمين فى تسليمهم جدا .. وحتاخد كفر مرايات اشارات وسنسور ركن مع ال2000 اللى حتدفعهم .. ولو حضرتك عايز ابقا قولى

تحياتى ليك وبالتوفيق

**aly_hosny** · 11-09-2011 08:40 PM

في واحد معرفه بيدور على العربية و مش لاقيها خالص
هو في منها في معرض دلوقتي ؟

**Ahmed.TV** · 11-09-2011 09:38 PM

الضغط بقا جامد على العربية .. وبقا دلوقتى الموزعين المعتمدين مش بيبعوا بالسعر الرسمى ولا هما ولا المعارض الخاصة .. وبصراحة نيسان نفسها مش قادرة تتحكم فى السوق دلوقتى .. لان الموزعين المعتمدين اشتكوا .. ان هامش الربح فى العربية قليل جدا .. فعايزين يكسبوا هما كمان

**Sehsss** · 13-09-2011 12:12 AM

المشاركة الأصلية كتبت بواسطة citadeldeath

الأصدقاء الأعزاء،

أريد شراء السيارة صني ex saloon فول أوبشن مانيول مزوّدة بـ ABS، وبطبيعة الحال جديدة، ولكن نيسان إيجيبت كما تعرفون تُجري تحسينات على مصنعها على ما يبدو، فأوقفت إنتاج صني حتى منتصف شهر أكتوبر المقبل، على حد قولهم. كما تكلمت مع السبع موتورز وقال ليّ يوجد سيارة واحدة فقط عنده، بل وفي إحدى فروعه بالمنصورة، لذا سيرسل في استدعائها من هناك إذا ما أردت أن آخذها، مع زيادة 3 آلاف جنيه عن السعر المعتاد لها لأنها ليست موجودة. أنا رفضت بسبب اللون والسعر المغالي فيه، وأريد منكم مساعدتي لشراء السيارة بالمواصفات السابقة، فهل تعرفون مركز خدمة آخر معتمد عنده السيارة؟ ولو لم ينفع هذا الاقتراح، هل تقترحون عليّ شراء السيارة من مركز خدمة غير معتمد، وما هي الأضرار التي ستنعكس عليّ وقتها؟ مثلاً، السبع قال ليّ إذا لم تشتر السيارة من عندي فلن أقم بصيانتها لك وأشياء من هذا القبيل!

أريد مساعدتكم بشدة لأني أحتاج سيارة بشدة، ولا أريد أن أشتري سيارة أخرى.

آسف للإطالة

كلام غير صحيح بالمرة، أنا شاري عربيتي شهر 4 نيسان صني مانيوال بدون a b s من معرض شهير في مصطفة النحاس بمدينة نصر وبعمل صيانة في مودرن عادي جدا، ولو حبيت أروح السبع برضه هاروح، وأي مركز خدمة فيهم لو اشتريت العربية من معرض غصب عنه هايعملك الصيانة ........ ولو ما لقيتش في أوتو إيجبت وتحب ابقى اسألك في المعرض تحت أمرك

**Sehsss** · 13-09-2011 09:57 PM

المشاركة الأصلية كتبت بواسطة citadeldeath

الأخ العزيز،

نعم هذا كلام غير صحيح وأنا اتأكدت منه لما كلمتهم تاني مرة، وقالولي على سعر العربية من غير الثلاثة آلاف الزيادة وكذا موضوع الصيانة، والحقيقة أنا كلمت نيسان إيجيبت علشان أتأكد أكتر قالولي الكلام ده غير صحيح بالمرة، وياريت تقولي على إللي قالك الكلام ده من السبع موتورز وأنا هشتكيه حالاً، لأنه ممنوع الموزعين المعتمدين يزودوا مليم واحد على سعر العربية إللي نيسان إيجيبت محدداه، ممكن يرخصوا عن السعر ده بش مش ممكن يزودوا، والحقيقة الرجل أصر إني أقدم شكوى بس أنا رفضت، وقلت خلاص مش إشكال، خصوصاً بعد ما كلمت السبع زي ما ذكرت وواحد تاني إللي رد عليا وقالي الكلام نفسه بتاع نيسان إيجيبت وإن سعر العربية 90000 مش 93000، وطبعاً كمان موضوع الصيانة ده كمان غير صحيح.

الحقيقة أنا متشكر لكل التعليقات المميّزة على الموضوع ده، أنا كلمت فعلاً أوتو إيجيبت وهو الوحيد إللي قالي إنك تدفع 1000 جنيه مقدم، وبعد كدة خلال أسبوعين الاستلام لموديل 2012 مش 2011. السبع مش عنده العربية ده دلوقتي خالص، وأكلمه بعد اسبوع أتابع معاه الموقف، وكمان شحنة العربيات القادمة ليه موديل 2011 مش 2012، مش عارف إزاي؟!

واحب هنا أشكر الأخ الكريم أحمد مصطفى إللي الحقيقة تعب معايا وكلم أوتو إيجيبت ووصاهم عليّ، وكل الأخوة إللي علقوا على الموضوع وأبدوا استعداداتهم للمساعدة.

وشكراً

طيب الحمد لله انك لاقيتها وأصبر شوية لإن العربية تستاهل انك تصبر بدل ما تجيب حاجة مش راضي عنها، ولا شكر على واجب ياباشا

**SonaSteel** · 14-09-2011 01:11 AM

سبحان الله العظيم
ربنا ييسرلك الخير يارب
انا كل ما افتكر ان العربية ديه لما جيت اشتريها وسالت عليها و كانت مش بالانتشار ده وقلت مش مشكلة اهيه من ريحة الياباني والناس عارفها بس كل مشكلتهم التقفيل المصري
سبحان الله مكنتش متخيل اليوم اللي هايجي وتبقي الصني بالحجز :))
قدر الله وماشاء فعل وربنا ييسر الخير لملاكها وملاكها المستقبليين ان شاء الله
اقعدوا بالعافية :))