انتشار موضوع سرقة الموبايلات

**ayman_83** · 11-09-2011 06:45 PM

ياجماعه خدو بالكم عشان في الايام دي انتشر موضوع سرقه موبايلات وهو كالاتي

وانتو ماشيين في امان الله وفي زحمه مثلا تلاقي واحد خبطلك جامد علي العربيه من ورا المهم انت تبص عليه وتقف طبعا يروح واحد مغفلك من الناحيه التانيه وانت معلق او حاطط الموبايل علي التابلوه ويسرقه ومتخدش بالك

الموضوع ده حصل معايا بس انا الحمد لله اول اما الشخص ده خبطلي قبل اما اقف رحت شايل الموبايل وحطيته بين رجلي وفعلا لاقيت واحد جاي من الناحيه التانيه واللي خبط بقوله في ايه بيقولي انت خبطتني قلتله مشوفتكش طبعا التاني غمزله راح قايلي كل سنه وانت طيب حصل خير .. طبعا لان مفيش فايده

امبارح حصل مع واحد معرفه مع اهله وامه واخواته وتليفونه والله لسه جايبه بالكيس بتاعه علي الشاشه المهم واحد خبطله ورا راح واقف راح التاني قاله ممكن اتنين جنيه راح واحد اخد الموبايل من الناحيه التانيه وجري وطبعا راح وربنا يعوض
بس انا حبيت اقولكم عشان تاخدو بالكم وبلاش تفتحو زجاج السواق او اللي جنبه للاخر عشان ميكونش في فرصه للسرقه وربنا يستر الكل

**koheya** · 11-09-2011 06:57 PM

حصلت مع واحد زميلى من حوالى شهر .كان واقف عند جرين بلازا وواحد حط رجلة على العجلة الورانية يمين وعمل بيربط الجزمة وهز العجلة كام مرة لحد ما زميلى اتشغل فية راح التانى مادد ايدة واخد الموبايل وطار.

**ayman_83** · 11-09-2011 07:09 PM

ياريت ياجماعه اللي يعرف طرق جديده للنصابين والحراميه يقولنا عليها حتي تعم الفائده والحرص منهم

قبل كده حصل معايا موضوع اني واحد وقع في الارض جنبي وكان شايل لوح زجاج مكسور بتاع عربيه وطبعا انا ملمستهوش بس ده نوع سرقه متبع برضه المهم الرجل كبير في السن
وحاطط مكركروم علي راسه وكان مبرشم ووديته المستشفي المهم في الاخر رسيت علي اني اديته خمسين جنيه عشان حق الزجاج اللي مكسور من الاول وكان معاه 3 افراد مترشقين في كذا حته
االمهم راقبتهم ولاقيتهم قسمو الفلوس ورايحين يشترو فلوس ودخلت عليهم عند بتوع البرشام ( حركه جريئه لكن غبيه ) المهم مسكت في الراجل لحد مااخدتي فلوسي ناقصين 12 جنيه مان فرقهم علي التانيين