عاوز اشتري ال frv بس محتار ياريت تساعدوني

**ahmedagrody** · 12-09-2011 01:52 AM

انا بقالي فتره بفاضل بين اكتر من عربية في رانج ال 70000 و استقريت علي ال frv cross بس في ناس كتير حذرتني من الموتور ال 1500 الجديد و بيقولوا ان سحبه ضعيف و فيه مشاكل ياريت اللي عاندوا العربية دي او يعرف حد عنده ياريت يساعدني بجد عشاان انا في حيرة كبيرة و الصراحة العربية عجباني و نفسي اجيبها وشكرا

**ahmedagrody** · 12-09-2011 04:05 PM

ايه يا جماعة الناس فييييييين

**ahmedagrody** · 12-09-2011 09:19 PM

يا جدعان حد يعبرني

**amaboubakr** · 12-09-2011 09:35 PM

بص يا سيدي
ماتسمعش اي كلام غير من اصحاب العربية ده اولا
ثانيا مواتير 1500 تعتبر من المواتير الحديثة لانها مبنية على موضوع الاقتصاد في البنزين
ثالثا حكاية السحب معروف ان مواتير1500 بتكون سحبها ضعيف بنسبة بسيطة جدا في البداية لكن بعد كده بتكون وحش خاصة بعد ما الار بي ام بيعدي 3000
والله اعلم

**ahmedagrody** · 13-09-2011 03:09 AM

ما انا مستني حد من اصحاب العربية يقوللي الكلام ده صح ولا لأ

**zemanovaxxx** · 13-09-2011 10:28 AM

المواتير اللي ف البريليانس ال frv , fsv عامة المانيوال موتورها 1500 dohc 16v vvt والأوتوماتيك sohc-4, والميزة في محركات dohc اللي هو 2 كامة توفير العزم على سرعات الماكينة المتوسطة و العالية و السبب هو صغر حجم عامود الكردان مما يوفر لها سرعات دوران عالية تصل الى 8000 rpm او أكثر بقليل.
والعكس صحيح في محركات sohc اللي هو كامة واحدة توفير العزم على سرعات منخفضة و المتوسطة و غالبا ما تجد محركات sohc ذات دوران محدود لانها تحمل أعمدة كردان ضخمة.

لذالك ال dohc يعطى اقوى قوة للموتور على قراءة rpm عالية و يكون التسارع أسرع فى السرعات العالية بينما فى ال sohc يعطى قوة الموتور على ال rpm المنخفض و يكون عزم الموتور على السرعات المنخفضة لذلك يكون التسارع أسرع فى السرعات المنخفضة و من الثبات عشان كده أحسن داخل المدن المزدحمة.

**zemanovaxxx** · 13-09-2011 10:35 AM

أنا اللي معايا المانيوال 1500 وبصراحة مش باشتكي منها ف حاجة, وبالذات لما باكون مشغل التكييف. يعني التكييف ممكن يكون شغال علي 3 مثلا والسحب هو هو بدون تغيير ,ويا سلام بقي لو معدي جنب لوجان مثلا قافل إزازه ومشغل التكييف برضه أو ف مطلع مثلا (بتحس إنك معدي جنب بطة بلدي).

بس فعلا باحس بالكلام اللي قولتهولك فوق عن المواتير ال 2 كامة. يعني مثلا ع الخامس باحس السحب خانقني من 80 ل 100 كم/ساعة, بس بعد ال 100 باحس العربية عايزه تطير وتنط ع العربيات اللي قدامها

يارب أكون أفدتك

**ahmed_oth** · 13-09-2011 11:40 AM

شكر يا باشا على معلوماتك القيمه ديه
انا ليا كام سؤال عن fsv
انا بفكر اشتريها لما تنزل المعرض ان شاء الله فا كنت عايز منك تطمنى وتدينى تقرير عنها وعن مركز الصيانه واسعار قطع الغيار,,وايه اخبارها فى الاستقرار على الارض فى السرعات العاليه وعزل الصوت لما بتقفل الشبابيك,,,,الفئه gl هل فيها 2 اير باج ؟
سمعت برده ان قطع غيارها مش موجوده فى السوق؟؟؟

**zemanovaxxx** · 13-09-2011 12:12 PM

المشاركة الأصلية كتبت بواسطة ahmed_oth

شكر يا باشا على معلوماتك القيمه ديه
انا ليا كام سؤال عن fsv
انا بفكر اشتريها لما تنزل المعرض ان شاء الله فا كنت عايز منك تطمنى وتدينى تقرير عنها وعن مركز الصيانه واسعار قطع الغيار,,وايه اخبارها فى الاستقرار على الارض فى السرعات العاليه وعزل الصوت لما بتقفل الشبابيك,,,,الفئه gl هل فيها 2 اير باج ؟
سمعت برده ان قطع غيارها مش موجوده فى السوق؟؟؟

http://www.nilemotors.net/Nile/208762-fsv.html
بص الموضوع ده كنت عملته أول م اشتريت العربية مش عارف ممكن تستفيد منه حاجه ولا لأ, بس بص بصه عليه. وهاجاوبك برضه علي أسئلتك في السريع:

مركز الصيانة "البافارية", غني عن التعريف وناس في منتهي الإحترام والزوق ومريحين جدا في التعامل. وكفاية تعرف إنهم نفس وكيل BMW. يعني تبقي بتعمل صيانتك وجنبك مستني ال BMW528i الجديدة وفي الورشة اللي جنبك.

أسعار قطع الغيار مش غالية طحن ومش رخيصة, بس الأكيد إن الوكيل محتكر قطع غيارها بالكامل وفي عدد قليل جدا من المحلات بره هو اللي فيه بعض قطع الغيار زي تيل فرامل مثلا أو فلتر زيت أو الحاجات اللي هي مش غالية أوي بس ممكن تلاقيها بنص سعر الوكيل أو أزيد حاجة بسيطة. وبالنسبة بأه لأجزاء البودي بتاع العربية زي الرفرف أو الإزاز أو الإكصدامات مثلا ف دي بأه مستحيل تلاقيها بره التوكيل, وهتلاقي ف القسم بتاع البريليانس أسعار قطع الغيار دي في موضوع قديم عن ال FRV

الثبات علي السرعات العالية ممتاز لحد سرعة 140 مثلا, وبعد كده معرفش عشان انا بصراحة بخاف علي عربيتي.

الفئة ال GL فيها 2 إيرباج بالفعل, والعزل جوه العربية بعد م تقفل الإزاز كإنك قاعد جوه تابووووت.

بجد العربية دي - ومش عشان هي عربيتي - تستاهل كل قرش يندفع فيها. وكفاية إنها مش متجمعة هنا بل جاية من الصين بنفس حالتها ومواصفتها اللي انت بتشتريها بيها, مش زي باقي الصيني الملعوب فيه بدون داعي لذكر موديل أو شركة بعينها.

**ahmed_oth** · 13-09-2011 01:37 PM

المشاركة الأصلية كتبت بواسطة zemanovaxxx

http://www.nilemotors.net/nile/208762-fsv.html
بص الموضوع ده كنت عملته أول م اشتريت العربية مش عارف ممكن تستفيد منه حاجه ولا لأ, بس بص بصه عليه. وهاجاوبك برضه علي أسئلتك في السريع:

مركز الصيانة "البافارية", غني عن التعريف وناس في منتهي الإحترام والزوق ومريحين جدا في التعامل. وكفاية تعرف إنهم نفس وكيل bmw. يعني تبقي بتعمل صيانتك وجنبك مستني ال bmw528i الجديدة وفي الورشة اللي جنبك.

أسعار قطع الغيار مش غالية طحن ومش رخيصة, بس الأكيد إن الوكيل محتكر قطع غيارها بالكامل وفي عدد قليل جدا من المحلات بره هو اللي فيه بعض قطع الغيار زي تيل فرامل مثلا أو فلتر زيت أو الحاجات اللي هي مش غالية أوي بس ممكن تلاقيها بنص سعر الوكيل أو أزيد حاجة بسيطة. وبالنسبة بأه لأجزاء البودي بتاع العربية زي الرفرف أو الإزاز أو الإكصدامات مثلا ف دي بأه مستحيل تلاقيها بره التوكيل, وهتلاقي ف القسم بتاع البريليانس أسعار قطع الغيار دي في موضوع قديم عن ال frv

الثبات علي السرعات العالية ممتاز لحد سرعة 140 مثلا, وبعد كده معرفش عشان انا بصراحة بخاف علي عربيتي.

الفئة ال gl فيها 2 إيرباج بالفعل, والعزل جوه العربية بعد م تقفل الإزاز كإنك قاعد جوه تابووووت.

بجد العربية دي - ومش عشان هي عربيتي - تستاهل كل قرش يندفع فيها. وكفاية إنها مش متجمعة هنا بل جاية من الصين بنفس حالتها ومواصفتها اللي انت بتشتريها بيها, مش زي باقي الصيني الملعوب فيه بدون داعي لذكر موديل أو شركة بعينها.

الف شكر يا غالى ,,,,
حاجه اخيره عامله معاك ايه فى مطبات الشوراع بتحك فيها ولا هى عاليه؟
هل هى فى نفس طول الجالينا ولا الاوبترا ولا اللوجان ؟ واكيد ركنتها بتعملك مشكله بس عادى زى كل السيدان