احب اشترك معاكم فى الحديث رغم انى مش معروف فى المنتدى لأنى جديد خالص فى عالم السيارات
انا قبل ما اركب عربيه اهتميت جدا انى ادخل على موقع المرور و اشوف التعليمات و المخالفات و الاداب و كده
مش مجرد انى اسوق
http://www.nilemotors.net/Nile/24238...post3873764739
اقوللكم على الحاجات اللى بحب اعملها و الحاجات اللى تعتبر عيب فيا
الحاجات الحلوه
- لما بشوف شخص ماشى على رجليه و مش عارف يعدى سواء كان راجل او ست بهدى العربيه بالراحه يعنى مش مره واحده ادى انتظار و احاول اعطل الطريق لثوانى بسيطه مش تعطيل من اللى هو يعنى لا ده بيكون حوالى 3 ثوانى بدل ما اللى واقف يتلطع لحد ما يطلع حد عنده دم و يعديه دى بقى اتعلمتها من واحد كنت ماشى انا وولادى و مراتى و مش عارفين نعدى الشارع ييجى اكتر من 10 دقايق و بعدين جه واحد و ادى انتظار ووقف الطريق و انا ما كنتش فاهم هو بيعمل كده لدرجه انى ما كنتش فاهم انى مفروض اعدى لحد ما شاورلى بإيده إستغربت جدا بصراحه ان فى حد كده و قررت اعمل زيه طالما حالة الطريق تسمح.
http://www.nilemotors.net/Nile/23494...post3873680644
- لما بشوف حد ورايا بيحاول يعدى من يمينى او شمالى بوسعله علشان يعدى بسهوله و بكده ابقى ما اديتش فرصه انه يعمل عليا غرزه
http://www.nilemotors.net/Nile/23920...post3873729258
- لو انا على ملف و عايز ادخل فى نهر الطريق ما برميش نفسى فى نص الشارع و اوقف الدنيا
http://www.nilemotors.net/Nile/23395...post3873668353
- بكره جدا الدخول مخالف و لو كانت المسافه اللى همشيها مخالف مترين اسلم لى اعدى 100 متر فى العدل ولا انى اخش مخالف
http://www.nilemotors.net/Nile/23092...post3873631012
- بهتم جدا بالكلاكسات بالنهار و الانوار بالليل للتنبيه على المفارقات علشان اللى جاى من التقاطع يعرف ان فى عربيه بتعدى
http://www.nilemotors.net/Nile/23432...post3873673040
---------------------------------------------------------------------------------------------------------------------
العيوب بقى :
- بسوق من غير رخصه ده لأنى مقدم عليها من شهر 4 و امتحنونى فى 27 / 8 و سقطت فى المارشدير مع انى بمشى مارشدير كويس
- ساعات باخد غرز مع انى مش عارف دى تعتبر غرز وللا انا اللى فاكر انها غرز يعنى لو فى مسافه كويسه 6 متر بين عربيتين على سرعة 60 مثلا بعدى بينهم علشان ادخل حارة تانيه انا بعتبرها غرزه , يعنى بحاول اشوف قدرتى فى السواقه
http://www.nilemotors.net/Nile/23618...post3873695189
- اول امبارح ماشى بالعربيه بين العماير مش فى طريق عمومى كنا بالنهار و داخل على تقاطع اديت كلاكسات ماحدش رد عليا رحت مزود بنزين لاقيت عربيه دى ماكس ربع نقل لبست فيا و الحمد لله اتلمت فى الحرفيين ب 200 جنيه سمكره
بس كده.......
و اقعدوا بالعافيه