الموضوع: ارجو المساعدة ( سحب التمبرا )

بسم الله الرحمن الرحيم

انا معايا تمبرا 91 ..... المهم من فترة قريبة العربية كانت علي الثاني ( rpm 1000 ) بتقطع خفيف ولازم ادوس بنزين جامد عشان تمشي كويس ( بس العربية بعد اول ما توصل ل 2000 بتسحب عادي جدا )
رحت للميكانيكي قالي نظف الكربراتير فعملت كده ومفيش حاجة اتعدلت
المهم بالصدفة غيرت البوجيهات العربية اتعدلت وبقت بتسحب بسلاسة من غير ما اضغط جامد علي البنزين وفضلت كويسة لحوالي شهرين وشوية ...... ودلوقتي العربية رجعت اسوأ من الاول وبقت بتقطع علي كل الغيارات لو نقلت بدري شوية .... والصراحة المشكلة دي بتضايقني جداا وانا نازل من المطب لأن ببقي جايب التاني ولو ما ضغطتش علي البنزين جامد بلاقي العربية بتترج كأن فيها عفريت فبضطر اجيب الاول .......... وعشان اعرف امشي بالعربية بقيت بنقل علي rpm 3 علي كل الغيارات والا العربية بترج لغاية ما الrpm يزيد


تفتكروا العيب يكون في ايه المرة دي ( ممكن تكون البوجيهات تاني ولا ايه بالضبط ؟؟؟؟ )
اتمني اكون عرفت اوصفلكم اللي بيحصل وبانتظار مساعدتكم

وليا استفسار تاني :
عندي شوية لمبات مش شغالة في التابلوه الديجيتال (اللمبات بتاعت الابواب مغلقة ام مفتوحة وحاجات تانية بسيطة ) والكهربائي جنبي قالي مبفهمش فيها وتعايشت مع الموضوع بقالي سنين ..... ممكن تدلوني علي مكان يعرفوا يشتغلوا في الموضوع ده لأن نفسي ارجع العربية لوضعها الاصلي

المشاركة الأصلية كتبت بواسطة amaboubakr

طيب انا شايف ان حضرتك عندك fsv ليه ماتحكيلناش عن تجربتك مع العربية دي

لأن ال fsv بكل بساطة تحت تصرف اخي ..........
انا اسوقها احيانا والعربية جميلة فعلا ........ وهي حتي الان مفهاش اي مشاكل والحمد لله...( لما كانت جديدة بس كان سحبها ضعيف واتحسن مع الوقت ) ....وبقالي فترة طويلة مش بسوقها بس بركب جنب اخويا والعربية محترمة فعلا
انما التمبرا هي اللي معايا دلوقتي ( والصراحة عربية جبارة وخصوصا بعد السنين دي كلها )