الموضوع: أرجو ممن يشتكون من مشكلة الحرارة من الدواسات المشاركة

المشاركة الأصلية كتبت بواسطة akerima

طب ما كده يبقي حل المشكلة سهل - متحطش ايدك عليها - انا رايي انك مكبر الموضوع زياده عن اللزوم الماسورتين اللي حضرتك بتتكلم عنهم دول في كل العربيات بس بس بتختلف درجة عزل كل نوع عن الاخر عشان كده ممكن تحس بيهم وممكن ماتحسش بيهم وعموما انت ممكن تستغني عن الماسورتين دول بس حتستغني معاهم عن الدفاية

وبامانة انا كان عندي فعلا موضوع السخنية دا انا شاري في 6 2010 وركبت العازل وبعدها محستش بالموضوع دا تماما وبعد مابتشغل التكييف حتي لو انت حاطط حاجة في الكونصول بيبقي متلج

لا الموضوع مش كبير زيادة عن اللزوم ، و الأستاذ سيد صاحب الموضوع عنده حق

و بعدين السخونة مش بس موجوده عند دواسة البنزين لا ديه كمان الكونسولة نفسها بتسخن و خاصةً عند الجزء السفلي منها اللي هو المكان المفروض أنك تحط فيه مج أو كانز بيبسي ممكن تجربوا و تقولنا ده بيحصل عندكوا ولا مشاكل فردية

و أفرض أنا مش هشغل التكييف ، لازم أعيش بالسخونه ديه يعني

و بعدين دورة التبريد ديه أيه اللي يدخلها عند الكونسولة مش مفروض ديه تبقى عند الماتور؟

أستاذ سيد أنا مع حضرتك بس يا ريت تقولي أيه الخطوات ؟ و هل لازم الأول نحاول أكتر من مره مع التوكيل و نخليهم يثبتوا كلامنا الأول ولا مش فارق؟ أنا آخر مره رحت فيها التوكيل قولتلهم عليها و بالفعل مكتوبة في أمر الشغل اللي معايا الصورة الحمرا منه

المشاركة الأصلية كتبت بواسطة akerima

طب ما كده يبقي حل المشكلة سهل - متحطش ايدك عليها - انا رايي انك مكبر الموضوع زياده عن اللزوم الماسورتين اللي حضرتك بتتكلم عنهم دول في كل العربيات بس بس بتختلف درجة عزل كل نوع عن الاخر عشان كده ممكن تحس بيهم وممكن ماتحسش بيهم وعموما انت ممكن تستغني عن الماسورتين دول بس حتستغني معاهم عن الدفاية

وبامانة انا كان عندي فعلا موضوع السخنية دا انا شاري في 6 2010 وركبت العازل وبعدها محستش بالموضوع دا تماما وبعد مابتشغل التكييف حتي لو انت حاطط حاجة في الكونصول بيبقي متلج

هى بتبقى واضحة لو حضرتك مش مشغل التكييف وبحس بيها اكتر لو الدنيا حر ولو السرعة مش بطيئة يعنى التالت فيما فوق

لا دول ياجماعة بتوع التكيف فية ماسورة ساقع و ماسورة سخن دول عندى فى الاوبل بردة بس عندى بحس بنفس الحرارة دى ايام ما كان عندى مشكلة فى حرارة الموتور غير كدة مش بحس ب حاجة شوفو بقا هاتو عازل يكون نوعة كويس

المشاركة الأصلية كتبت بواسطة heshamxp

لا دول ياجماعة بتوع التكيف فية ماسورة ساقع و ماسورة سخن دول عندى فى الاوبل بردة بس عندى بحس بنفس الحرارة دى ايام ما كان عندى مشكلة فى حرارة الموتور غير كدة مش بحس ب حاجة شوفو بقا هاتو عازل يكون نوعة كويس

مشكور يا أستاذ هشام على مداخلتك

بس لما هما بتوع التكييف و واحده للساقع و واحده للسخن أيه اللي يخليها تجيب سخونه طالما ما شغلناش التكييف سخن؟

و حضرتك كنت بتلاقي سخونه في الكونسولة برضه ؟ و لا عند الدواسات بس؟

و بعدين ما فيش عندنا مشكلة في حرارة الماتور

على فكرة هم عارفين انى دى مشكلة والدليل انهم تلافوها فى العربيات الاحدث على حسب كلام الملاك الجدد -على ما قريت تعليقاتهم فى المنتدى-

وفى كمان مشكلتين اللى فاهم فهم عارف انهم موجودين فى العربية وهم زنة موجودة فى دواسة البنزين والمقصود بالزنة احساس مش صوت وبتبان مع 3 ار بى ام وطالع ..... وكمان موضوع انتظار الثانيتين او انك تجيب غيار قبل المارشدير علشان يعشق من اول مرة

عربيتي موديل 2011 و المشكلة موجوده فيها

المشاركة الأصلية كتبت بواسطة hragheb007

لا الموضوع مش كبير زيادة عن اللزوم ، و الأستاذ سيد صاحب الموضوع عنده حق

و بعدين السخونة مش بس موجوده عند دواسة البنزين لا ديه كمان الكونسولة نفسها بتسخن و خاصةً عند الجزء السفلي منها اللي هو المكان المفروض أنك تحط فيه مج أو كانز بيبسي ممكن تجربوا و تقولنا ده بيحصل عندكوا ولا مشاكل فردية

و أفرض أنا مش هشغل التكييف ، لازم أعيش بالسخونه ديه يعني

و بعدين دورة التبريد ديه أيه اللي يدخلها عند الكونسولة مش مفروض ديه تبقى عند الماتور؟

أستاذ سيد أنا مع حضرتك بس يا ريت تقولي أيه الخطوات ؟ و هل لازم الأول نحاول أكتر من مره مع التوكيل و نخليهم يثبتوا كلامنا الأول ولا مش فارق؟ أنا آخر مره رحت فيها التوكيل قولتلهم عليها و بالفعل مكتوبة في أمر الشغل اللي معايا الصورة الحمرا منه

أستاذ راغب أحب أشكرك وباقي اﻷعضاء الكرام اللي تفاعلوا مع المشكلة بشكل إيجابي، الخطوات ببساطة، ما دمت كلمت التوكيل عن المشكلة قبل كدة، هتروح لموقع جهاز حماية المستهلك وهتبعت شكوى من على الرابط السابق، وما تنساش تحتفظ برقم الشكوى. وهم بعد يوم او اتنين هيتصلوا بيك يطلبوا منك ارسال وثائق بالفاكس، زي رخصة العربية وعقدها او اي حاجة تانية، لو ما اتصلوش ممكن تبعت فاكس مباشرة على رقم فاكس الجهاز فيه صور المستندات اللي عندك ونص الشكوى. بس الاضافة اللي لازم تضيفها في الشكوى إنك تقول إن فيه ناس غيرك بيشتكو من الموضوع ده ويا ريت تشجع غيرك لارسال شكوى.
انا فهمت من اعضاء لجنة المناقشة إنهم محتاجين عدد شكاوى اكبر بخصوص الموضوع، علشان يجبروا الشركة تعديل التصميم، ﻷن الاستاذ عمرو ابوالفتوح فهمهم إن ده مجرد احساس شخصي مني قدي يختلف فيه البعض وإن الموضوع موش محل شكوى اساسا وان تصميم العربية كدة! حتى علشان كدة اللجنة ما فحصتشي العربية ﻷن كلا الطرفين اعترفوا بالحالة القائمة في العربية.

وجود شكاوى متعددة، هيثبت لهم إنها مشكلة حقيقية، وخطورتها كمان إنها بتأثر في ال Passive Safety للعربية ﻷن ده شيء مزعج يشتت انتباهك وخطر ﻷنه ممكن يحرق قدمك او يسبب لها مشاكل صحية.

علشان تعرف المشكلة دي موجودة ولا لاء، ببساطة شديدة، بص على الماسورتين اللي في الصورة:

وهتلاقيهم جنب دواسة اﻷكسيلراتير، المسهم وخلي بالك، إذا لاقيتهم بيلسعوا ايدك تبقى المشكلة موجودة، ﻷن بالعقل والمنطق الحرارة دي هتروح فين غير عليك في الصالون. اضيف برضه إن عربيتي موديل 2011

المشاركة الأصلية كتبت بواسطة saidbakr

أستاذ راغب أحب أشكرك وباقي اﻷعضاء الكرام اللي تفاعلوا مع المشكلة بشكل إيجابي، الخطوات ببساطة، ما دمت كلمت التوكيل عن المشكلة قبل كدة، هتروح لموقع جهاز حماية المستهلك وهتبعت شكوى من على الرابط السابق، وما تنساش تحتفظ برقم الشكوى. وهم بعد يوم او اتنين هيتصلوا بيك يطلبوا منك ارسال وثائق بالفاكس، زي رخصة العربية وعقدها او اي حاجة تانية، لو ما اتصلوش ممكن تبعت فاكس مباشرة على رقم فاكس الجهاز فيه صور المستندات اللي عندك ونص الشكوى

أستاذ سيد شكراً لذوق حضرتك ، أنا هعمل الخطوات ديه بعد أما أتاكد من الصورة اللي حضرتك حاطيتها عن طريق لمس الماسورة السفلى

بس الاضافة اللي لازم تضيفها في الشكوى إنك تقول إن فيه ناس غيرك بيشتكو من الموضوع ده ويا ريت تشجع غيرك لارسال شكوى.

أكيد كمان ممكن أكتب رقم الشكوى بتاعتك عشان تبقى reference لنفس الموضوع

انا فهمت من اعضاء لجنة المناقشة إنهم محتاجين عدد شكاوى اكبر بخصوص الموضوع، علشان يجبروا الشركة تعديل التصميم،

يعني أيه مش فاهم ، يعني لو أنا عندي مشكلة و لو نفترض فردية ما يحلوهاش ؟

ﻷن الاستاذ عمرو ابوالفتوح فهمهم إن ده مجرد احساس شخصي مني قدي يختلف فيه البعض وإن الموضوع موش محل شكوى اساسا وان تصميم العربية كدة!

طيب ماشي مش الكلام ده ليه مقاييس ؟ يعني المفروض نسبة السخونه ما توصلش لدرجة معينة

حتى علشان كدة اللجنة ما فحصتشي العربية ﻷن كلا الطرفين اعترفوا بالحالة القائمة في العربية.

طيب هو حضرتك ليه مصممتش أنهم يفحصوا العربية ؟

وجود شكاوى متعددة، هيثبت لهم إنها مشكلة حقيقية، وخطورتها كمان إنها بتأثر في ال Passive Safety للعربية ﻷن ده شيء مزعج يشتت انتباهك وخطر ﻷنه ممكن يحرق قدمك او يسبب لها مشاكل صحية.

بص يا باشا أنا هختلف معاك هنا لأن الموضوع برضه مش مقلق للدرجة ديه ، هو ممكن يكون مزعج شوية موضوع السخونه ، لكن اللوجان لوجان برضه بباقي مميزاتها ما شاء الله ربنا يباركلنا فيها

و بعدين أحنا ممكن نبعت ميل برضه لرينو فرنسا نحكي المشكلة ديه ، أنا شايف في الأستطلاع اللي حضرتك عامله أن في 10 أشخاص عندهم نفس المشكلة يا ريت يشاركونا الرأي