الموضوع: بدء الحجز للسيارة g3

السلام عليكم ورحمة الله وبركاته
أنا كنت فى إسكندرية يوم السبت لعمل الصيانة
المهندس المحترم أسامة مبروك أخبرنى أنه لسه وصل له أخبار ببدء الحجز للسيارة g3
المواصفات المكتوبة فى الورقة التى أخذتها منه كالتالى
1- موتور بى واى دى سعة 1500
2- فتحة سقف
3- حساسات ركن خلفية
4- مانيوال
5- السعر 80000 جنيه وخصم خاص لمنتدى نايل موتورز

فى الحقيقة السيارة دى عجبانى جدا لدرجة إنى فعلا بفكر ابيع ال f3 وأشتريها بس فيه حاجتين قلقان منهم
1- الموتور وسعته ال 1500: العربية كشاسيه وصالون أكبر من ال f3 فمش متخيل إزاى الموتور ده ممكن يكفى عربية أكبر من ال f3 فى حين إن ال f3 يكون فيها موتور 1600.. فى رايى الموتور ذو السعة 1800 سى سى يكون مناسب جدا على العربية وياريت يكون فى إختيار للعميل ويختار الموتور اللى هو عايزه.. عن نفسى لا يمكن أجازف وأشتريها بموتور 1500 أو على الأقل أنتظر من يشتريها ويقول لى أداءها عامل إزاى
2- العربية f3 خلاص أتعرف كل حتة فيها وكمان قطع الغيار مفيش أى قلق من ناحيتها ده غير أن وجودها كتاكسى ضمان لتوافر قطع الغيار وبسعر زهيد كمان فأصبحت السيارة فعلا عملية وغير مقلقة تماما لا على المدى القريب ولا البعيد من ناحية قطع الغيار ومن ناحية قلة مراكز الصيانة اللى بنشتكى منها أعتقد إنها هتتحل عاجلا أم أجلا سواء من خلال الشركة أو خارجها.. أما السيارة ال g3 فلا أعرف عن نفسى حتى الآن ما هى عفشتها وهل هى كالتويوتا أو أى ماركة معروفة وذات قطع غيار فى المتناول أم لا؟؟ كما أن إنتشارها المحدود المتوقع مقارنة بال f3 لن يجعل قطع غيارها رخيصة وفى المتناول كما فى ال f3 ...
أعتقد إننا بحاجة إلى مزيد من التفاضيل قبل أن نتخلى عن ال f3 من أجل ال g3
والسلام عليكم