انا مش اسكندراني و عارف يعني ايه شوار
عرض للطباعة
انا مش اسكندراني و عارف يعني ايه شوار
ايه ده ؟ انت بتقرا اللي احنا بنكتبه
انا مش قصدي اجيب سيرتك بحاجة وحشة ، انا كنت بفضفض مع الشعب شوية مفيهاش حاجة
وبعدين ما عاش ولا كان اللي يوقفك غلاسة ، دا انت تنور اسياموتورز ده احنا نخليك مشرف قسم البنجلاديشين يا باشا
احنا حنلاقي احسن منك للمهمة دي
:11_5_14[1]::11_5_14[1]:
مشرف قسم الريكشو
Rickshaw - Wikipedia, the free encyclopedia
دانتا قديم قوي ، ده محطوط في المتاحف في اسيا دلوقتي
على فكرة انا كنت فاكر تايلاند كده ، بلد مطينة وحر وريحة وامراض وركشو ، كل ده بسبب افلام هوليوود بس لما رحت لاقيت توكيل بوجاتي وتوكيل لوتس وتوكيل لامبورجيني جنب بعض في مول ، عرفت ان الامريكان ضاحكين على العالم زي ما الدنيا كلها فاكرين ان مصر صحرا وبنركب جمال
بسم الله ما شاء الله ... ملاحظ ان المواضيع من العينات دى بيلاقى رواج واستحسان من الجميع .
تفتكروا ليــــــــــــه ...! آآآه ليــــــــــه ...؟ :U_thin1[1]:
سؤال بيفرض نفسه ...!
مواضيع شيقة اصلها
طب يا ابو رقية لو جيتلك هتظبطنى فى عروسة ولا ايه؟؟
وهتظبطنى ازاى علشان ماتضحكش عليا :))
دى التوك شو بتاع المنتدى
زى النظام ما كان عامل معانا
فضفض براحتك علشان متنفجرش
انا قصدى هتجيبلى عروسة ولا هتقولى ماليزيا كلها قدامك اختار براحتك بقى :))
طيب نتكلم جد شويه
طول مانت حاطط عيوب الست قدامك عمرك ماهتحبها ولا هتطيقها وهتفضل تكره فيها اكتر واكتر
لازم تبص لربع الكوبايه المليان او حتي شوية التفل اللي بيبقو في القعر دوول وتفضل تبص تبص لحد ماتقوم رامي الكوبايه من ايدك جايبها 100000 حته وتشتري كوبايه جديده
ههههههههههههههههههههههههه ههههههه
بجد فى شويه ردود مهلكانى من الضحك
وبصراحه صاحب احسن تعليق
اللى متجوز روسيه هيدخل المنتدى يعمل ايه
ههههههههههههههههه
موتنى من الضحك
طب يابو رقيه احنا ياما ضربنا شيشه سوى فى المقابلات متنساش اخوك بحته اسيوى هههههههه
ههههههههههههههههههههههههه ههههههههههههههههههه
حرام عليك
مش خسارة الكباية :grin21:
احنا نجيب الموضوع ده عالموضوع بتاع التعدد وندمجهم فى بعض
نطلع بموضوع جديد
اتجوز مصرية واتجوز عليها روسية او ماليزية
جد شوية
مينفعش فعلا ناخد ثقافتنا ونكون ارءنا عن الغرب من خلال الافلام الخايبة
والا منزعلش بقا اننا لينا اسوا صورة فى الغرب بسبب افلامنا الفاشلة مش هقول امثلة كلنا عارفنها :-)
أولاً الكمال لله وحده .
ثانياً بما ان الكمال لله وحده فمفيش بنى أدم كامل سواء راجل أو امرأة .
ثالثاً يبقى لازم تكون المعادلة بعد كدة تاخد أأأيـــــــه فى مقابل أأأيــــــــه علشان تحقق المعادلة اللى انت عاوزها ليك وتكون اقرب للكمال .
رابعاً المهم اننا نقتنع دائماً ان الكمال مهما حاولت ودورت عليه مش هيكتمل ابدااااااااااااا .
خامساً لو فرضنا ان الطوبة جت فى المعطوبة كما يقال فى الأمثال يبقى الأختيار كان خاطئ فى أغلب الظن أو يبقى نوع من التكفير عن حاجات عملتها فى حياتك السابقة وهتتخلص فى جوازتك دى .
سادساً يتبقى لك فى حالة حدوث خامساً السابقة اما ان تصبر وتحتسب (وربنا يكون فى عونك ) يا أما تنفصل وتتحمل نتيجة اخطائك واختيارك وأكيد ان محدش بيتعلم بالساهل .
سابعاً بقى ... دمتم بود وربنا يكون فى عوننا جميعاً .
انا فاهمة النقطة دي وغالبا مش دائما بيكون البوي فريند مكان الزوج
وقصدي من البداية انه اللي هيتجوز واحدة اجنبية يعني 99.99 % كان ليها بوي فريند واحد او غيرته كذا مرة قبل الجواز منها مش مشكلة في نظرة قصاد كل مميزاتها التانية اللي مش موجودة في المصرية كفاية انها نكدية وهو ملاك نازل من السما هو وعيلته لا بيعلي صوته ولا بيتعصب ولا بيشتم زي غالبية الرجالة المصريين ولا امه واخواته البنات مورينها النكد الاصلي والتلاكيك على النفس اللي بتتنفسه زوجة الابن
كل اللي اقدر اقوله ان مفيش ست فيها كل حاجه
مفيش ست حلوه ورشيقه ومهتمه بنفسها وبتدلع جوزها وبيتها ملوش حل ومثقفه ودمها خفيف واهلها ملهومش حل ووووووو
وبرده مفيش راجل فيه ربع اللي اتقال ده
كل واحد بيحب حاجات وبيكره حاجات
وظيفتك انك تنبها للي بتحبه وتحذرها من اللي بتكره وانت كمان تعمل معاه كده في حدود المستطاع
وتحاول معاها بشتي الطرق (كلام - خصام - اهلها - اهلك) اي حاجه بتخليها تقتنع حتي لو كانت واحده زميلتها حتي لو بالفلوس)
اللي اقدر اقوله عن تجربه انك لو شايف حاجه وحشه في مراتك وانت حطيتها في دماغك وفضلت تشتكي منها واقتنعت انها خلاص صدقني علاقتك هتدمر تماما بيها
الراجل ليها القوامه ويقدر يخلي مراته تعمل اللي هو عايزه باي طريقه وانت اكتر واحد ادري بمرااتك وتعرف الطرق اللي تقدر تاثر عليها
ودمتم
مكرر
المشكله ان رجاله كتيير عايزه زوجاتها ملايكه ومش مهم هما عايزين ايه
يعني عايزين دلع وروشنه وهما مش بيقولو كلمه حلوه ليهم طيب ازاي
وده ميملنعش ان في ستات بتبقي عايزه الحرق لان جوزها بيبقي مش حارمها من حاجه وهي في منتهي البخل ومش عايزه حتي تقوله كلمه وللأسف في ستات بتنصح صاحبتها بكده قال يعني من انواع التقل ومتعوديهوش علي كده عشام ميوجعش دماغك وتلاقيها هي مروقه جوزها
غالبا اذا اجتمعت الستات مع بعض او الرجاله مع بعض بيحصل مصايب
خلي دايما في بالك الأم اللي ابنها بيفضل صغير في نظرها وبيبقي احلي ابن طول عمرها
تفتكرو ليه؟ لانها مبصتش لابن واحده تانيه ولا قارنت مابين ابنها وابن الجيران ولا قالت ابني في صفات وحشه دايما تبص للحلو اللي فيه وتحاول تقوم الوحش حتي لو الأبن ده عاق ومش كويس برده بيفضل حلو في نظرها
ليه ميقاش الزوج كده في نظر زوجته والعكس؟
فاهمين حاجه؟
فيه نقطه احب اقولها
الزوجه فى عين زوجها
يعنى الزوجه ممكن تقول حلوه و يشوفها امنا الغولة
ممكن تكون وحشه و يشوفها ميجان فوكس
و ممكن تكون مهمله و يشوفها ست نظيفه
و ممكن تكون محسوكه و يشوفها مهمله
يعنى الموضوع بيرجع للطريقه اللى الزوج بيقدر يشوف بيها
فيه ناس بتقدر تبقى سعيده باقل الاشياء و فيه ناس عينها فارغة:)
زى برضه ممكن تشوف واحد تقول ده ايه ده و هو بالنسبه لمراته احسن حاجه فى الدنيا
زى ما يكون فيه واحد مراته مش مقتنعه بيه فى الوقت ان ستات تانيه ممكن تموت نفسها عليه
تانى - الحياه الزوجيه ليس لها مرجعيه او كاتالوج - كل علاقه ليها خصوصيتها
ممكن نضحك و نقول الستات كلهم كذا و الرجاله كذا بس فعليا لا مافيش الكلام ده
بالظبط كده
الحلاوه حلاوه الروح
روح
اين أشيائي ؟؟
لا الماليزيين علشان اكتر شعب اسيوي احتك بالعرب فبقوا شبهنا في الشكل والتعامل ، فهي هي نبقى عملنا ايه ؟
الفرق الوحيد ان الماليزية لسه بتغسيل رجلين حوزها حتى ولو كانت دكتورة في الجامعة
انما حتى دي بدات تقل بالذات في المتفرنجات
اما موضوع الكياس فاطمني وطمنيها ، انا استحالة اعملها تاني ، لان فتح بيتين ده في نظري الاتي
بدل ما وحد بتصحيني مرتين في الشهر علشان اغير الانبوبة علشان تحمي العيال او تخلص صينية البطاطس ، حصحى اربع مرات
بدل ما يجيلي 15 مكلمة في الشهر فحواها هات معاك عيش وبامبرز وزبادي وانت جاي ، حيبقوا 30
بدل ما وحدة بتقولي كل نهاية اسبوع فسحني ، حيبقوا 8 مرات فسحني
بدل ما بجيب هدايا في عيد الام واعياد ميلاد ولاد اخواتها حاجة بتاعة 36 مناسبة في السنة ، حيبقوا 72 مناسبة في السنة
قيسي على كده كل حاجة بقه
لا يا عم شكرا ، انا مستني السر الالهي واكيد ربنا حيعوضني عن التلاتة اللي متجوزتهومش في الجنة
بس تبقى مصيبة لو خلصت على جهنم
اكتر كلمه بكرها هى البامبرز