ليه السياح ده :angelwings:
عرض للطباعة
ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههه
بتجيب لنفسك الكلام يا كمال دايما كده
ههههههههههههههههههههههههه ههههههههه
اللهم اني اسالك زوجة تعينني علي امر ديني ودنياي وأعوذ بك من زوجة تشيبني قبل المشيب
الموضوع دا جامدجدا و التعليقات تحفة بجد و بالذااااااااااااات اللي متجوز روسية هايدخل عالمنتدى يعمل ايه
قريت لحد الصفحة 14 و هاروح اكمل استمروا استمروا ، بس بجد بقى الرجالة صعابنين عليا اوييييييييييي
عاوزين روسيات ................ انطلقوااااااااااااااااااا ا
متهيألي مش موضوع روح رياضية
هي بس مقدرة وحاسة بحالتكم والكبت النفسي اللي عايشينه في الواقع وبتتخلصوا منه باحلام يقظة على صفحات المنتدى
الموضوع ده فكرني بمسلسل بطولة محمود ياسين وفردوس عبد الحميد
قعد طول عمره متجوزها وكاتمه على نفسه وهو عمال يحلم ببنت خالته البت الرشيقة الظريفة اللي طول عمرها تديله إحترامه وتقدره
وفي آخر حلقه قال لمراته أنا عاوز اصارحك بحاجة
قالتله عارفه هتقولي إنك نفسك تتجوز علي ، أقولك مين : بنت خالتك فلانة
وشه اخضر واحمر
قالتله عادي كل الرجالة بيحبوا يحلموا يلا بقى كفاية كلام وخلينا نشوف اللي ورانا
وراحت تكمل شغلها عادي وكأن شيئا لم يكن وهو اصيب بحالة يأس ميئوس من علاجها وفهم أخيرا إن أي واحد اتجوز مصرية المفروض يبطل يحلم
انتوا بقى بحواراتكم دي هتخلونا نحلم بروسية وسورية وبكره يمكن نحلم بدنماركية ولا سويدية
ودلوقتي الستات معاهم سلاحين أسوأ من بعض
اللي يزهقوا منه ولا ما تنفعش معاه العيشه يخلعوه
واللي يطفش منهن يكيسوه
خلاص يا جماعة
اللي اتجوز يشوف مصلحته بقى ويبطل كلام عن أنواع الستات غير لما ربنا يكرمه وولاده يكبروا ويدورلهم على عروسة
واللي ما اتجوزش لازم يعرف |ن دي آخر فرصة ليه علشان يختار صح
عاوز تعمل فيها النمر الأسود ولا أحمد زويل خد راحتك
لكن لو اختارت مصرية هتبقى فرصتك ضاااااااااااااااعت
الوجيم ده بالذات ما فيهوش ( Game Over ) ده فيه ( You lost your time )
كنت سيبها تصوت شوية بس و اول ما هاتجيبلها عيال ملونين ابيض في احمر في اخضر - او ازرق - هاتلاقيها بطلت صويت و نزلت في العيال بوس و احضان
انا بحب المنافسة و بشجع اللعبة الحلوة يا احمد
طيب والله العظيم صعبوا عليا جداااااااااااااااا ، دول مكبوتين كبتة يا عيني
فكروني بالستات زمااااااااااااان لما كانو بيعملوا جمعيات لنصرة المرأة و حقوقها و بتاع
والله ياجماعة مع انى لسة ماتجوزتش
بس لو حسيت ان مراتى مش مكفيانى
او طباعها اتغيرت بعد الجواز
ممكن انى اتجوز تانى
عادى ياما ناس عملتها
والشرع محلل اربعة
ولو مش عاجبها تخبط دماغها فى اطخن حيطة
روسية بقى فرنسية
اهم حاجة انى ابقى رضيت طموحى
انتوا طلعتوا الرجالة عندهم كبت ؟
طب هو مين السبب في الكبت ده بما انكم خبراء نفسيين ؟
يعني الواحد يتجوز وكمان يتبهدل ،انت اقصي حاجة تتوقعها اسبوع عسل وبعد كدة انسي بقيت عمرك ، تقضيها بقي مع ابو رقية على القهوة وتشرب المنكرات من شيشة وغيرها وتنتحر بالتصوير البطئ وآخرتنا تبقي وحشة :d ، هو الجواز راحة ولا قلق !! ، هو الناس راحت تشوف السلالات والشعوب التانية لية ؟ علشان مش عاوزين بيروقراطية فكرية ولا تعب اعصاب ولا وجع دماغ ، ياعم دة إحنا ممكن نتحاسب على نبرة الصوت وتقولك مالك بتتكلم بطريقة مش عارف كدة ليه ، وممكن يبقي الواحد ساكت والراديو اللى اسمه لسانها شغال كلام كلام كلام ، وأكيد هتلاقي الواحد معدش عارف يركز فى اى حاجة أصلا ، تخلي بقي لو وجات اختبرتك فى سؤال من كلامها اللى عامله ترغي فيه من الصبح فتتنح طبعاً وترد : كنت بتقولي ايه ، انت قصدك على ايه يعني ؟! ياويلك من رد فعلها !! ، ويا سلام لو انت اتخنقت منها خلاص بقي وعاوز اعصابك تهدي شوية وقولت خلاص مش عاوز اعرف ، او خلاص عرفت انت قولتي الكلام دة مليون مرة عارف خلاص بقي يا ستي !! استلم يا معلم بقي البوز الأصلي ، والبوز دة مش موجود فى اى حتة فى العالم غير مصر ، مفيش غير بوز واحد وهو مصري ، دة حتي العيال الصغيرة ممكن تلاقيهم ضاربين البوز الأصلي كدة لوحدهم ، البوز دة بيتورث ياجدعان !!! ، ويقولك هدايا لمين ومش عارف لمين ومين بينسي ومش بيفتكر ، ومش عارف دة ميهتمش بالتفاصيل !! ، هو إحنا فاكرين اسمينا اصلا !! حرام يعني كدة .
يا عيني يا ابني ! فضفض يا حبيبي فضفض ! انت شايل في قلبك كل ده وساكت ليه ؟
هههههههههه
مش شرط يا استاذ احمد
لان كل واحد وشخصيته
وانا من الشخصية العندية اللى لما بتصمم على حاجة خلاااص
ماهو بردو مش معقول ابقى ببشتغل وبتعب
وتعبت نفسى واهلى فى الجواز ومصاريفه
علشان واحد مش مقدرانى او مقدرة الحياة الزوجية
يبقى لازم يبقى فيه تغيير
والله دى مش انانية بس دة حقى شرعا
والعكس
انا لو لاقيت كل المواصفات اللى عايزها ومريحانى
ابقى رمارام لو دورت على واحدة غيرها
اهوة يا عم استلم لا تعرفني ولا اى حاجة وشكت فيا من اولها ، ينهار ابيض :d
بس الانتحار حرام
الافضل الموت الطبيعي التدريجي اللي بيجي مع الوقت من رفع الضغط والسكر والمرارة
بعد الشر عليك طبعا :))
الاسباب كتير
عندك مثلا الزحمة التلوث ضغط العمل الحر الرطوبة الغلاء الاعلام المصري الداخلية والشرطة وثقب الاوزون طبعا مهم مش ننساه
والله أنا كنت موافق علي كل الكلام دة في الأول وأتجوزت مغربية طلعت بنت0000000
ودة بس لأحترامي للمنتدي
بس بجد الزوجة المصرية أحسن بكتير علي الأقل يوم مايحصل أي مشكلة حتلاقي رجالة يقفولك وتقفل لهم يعني في ناس تتعامل معاهم
أحسن من الجري في المحاكم والخارجية الي مطلعين عنينا
والله الكلام دة عن تجربة
هو يا جماعة بأمانه شديدة
الزوجة المصرية عاملة كده بالضبط زي مصر
يعني مصر تلاقيها كلها بسم الله ما شاء الله مليانة عشوائيات وتضاريسها ضايعة وملامحها مشوهة ورحيتها غبار وشوارعها ضيقة والأكل ملوث وبالسم الهاري واصواتها ضجيج وصراخ والعيشه فيها درب من المعاناه
لكن لو بعدت عنها تحس بالحنين إليها
وحتى لو عشت في أحلى بلد في العالم تحس إنك نفسك ترجع تاني تجرب العيشه في مصر
مش عارف يمكن زي ما بيقولوا البلدي يؤكل
او يمكن إحنا رجالة فقريين بعيد عنكم
.....