انا شديت انهرده مع فيرنا والنترا 2011 و bmw 318

**M.Elgergawy** · 14-09-2011 01:52 AM

بصراحة انا طول عمري بعشق الهوندا ال si وحبتها اكتر لما كنت بروح بورسعيد هناك وكانت تقريبا ال 128 بتاعت بورسعيد من كترها والصراحة انا اول مرة اسمع وأعرف عن ال sir من اول مدخلت المنتدى هنا بس شكلها كدا وحش جدا
السؤال بقا sir هيا هيا شكل si ولا فيها تعديل ولو فيها تعديل يا ريت سمسم باشا تشرحهولي وهل الشكل الجديد من 2007 وحتى الان دا بردوا كويس ولا ال sir تطلع منها عشان انا بإذن الله ناوي على vti بإذن الله

**Angel_wolf** · 14-09-2011 03:06 AM

ربنا يباركلك فيها و يكفيك شرها

الفرنا بتجرى بس فى الاول او فى الاخر هى عربية مدينة اصلا مش حاجة بتاعة جرى اصلا الى بيجريها الوزن و المتور حامى على البدى دة فبتجرى لكن الثبات حاجة منسمعش عنها فى الفرنا زى الفرامل والامان بردوا حاجات بنسمع عنها لكن مش بنشوفها اصلا
انا معايا لانسر 2005 وفرنا 2006 فرق الثبات والنعومة بين الاتنين حاجة مينفعش نتكلم فيها وعمى معاه السوبر اكشن بسم الله ما شاء الله بجد ثابتة بمعنى الكلمة دة نسبياً بالنسبة للعربيات العادية زى الفرنا السيراتو والالنترا وكل الناس الطيبة دى لكن مثلا انا صاحبى معاه اوكتفيا العربية حجر على الطريق اساسا و المعيد بتاعى فى الكلية معاه فيات جراند بونتو بجد محترمة اوى اوى وثبات وامان و فرامل

لكن الفرنا كل لما افتح كتالوج العربية اقرا
abs
srs
بين قوسين اذا كان مركباً واحنا هنا الازاز الكهربا عندنا فول اوبشن

**mado_9999** · 14-09-2011 03:08 AM

طيب اما sir جامدة اوووووووووووووووووووووووو ى كده هى ليه مش غالية زى 325 الا sir بتطلعه منها واثبات منها ازى موتور 1600 احسن من 2500 سى و6 سندارت غربية جدااااااااااااا ولو سمحت بلاش تقولى العربيه 170 حصان حضرتك فى جهاز عند tps فى الحرافين بيطلع العربيه كام حصان الفعلى ولا حضرتك نسيت ان الشركه هواند الا احسن من البى ام والمرسيدس كانت مرفوعه عليها قضيه لانها بتزود فى قدرة العربية وهى مش حقيقه واخر نقطة الموتور 1600 بيوصل لحد سرعه معينه والتسارع بيقلل عكس الموتور 2500 سى لو عند حضرتك فيديو وانت جبت بالعربيه 200 فى 22 ثانيه ياريت حضرتك تحط على المنتدى اكيد فى ناس كترررررررررررر هتشترى هوندا وتبيع البى ام والمرسيدس

**sanhory** · 14-09-2011 01:33 PM

المشاركة الأصلية كتبت بواسطة mado_9999

طيب اما sir جامدة اوووووووووووووووووووووووو ى كده هى ليه مش غالية زى 325 الا sir بتطلعه منها واثبات منها ازى موتور 1600 احسن من 2500 سى و6 سندارت غربية جدااااااااااااا ولو سمحت بلاش تقولى العربيه 170 حصان حضرتك فى جهاز عند tps فى الحرافين بيطلع العربيه كام حصان الفعلى ولا حضرتك نسيت ان الشركه هواند الا احسن من البى ام والمرسيدس كانت مرفوعه عليها قضيه لانها بتزود فى قدرة العربية وهى مش حقيقه واخر نقطة الموتور 1600 بيوصل لحد سرعه معينه والتسارع بيقلل عكس الموتور 2500 سى لو عند حضرتك فيديو وانت جبت بالعربيه 200 فى 22 ثانيه ياريت حضرتك تحط على المنتدى اكيد فى ناس كترررررررررررر هتشترى هوندا وتبيع البى ام والمرسيدس

سعر العربية دا بيفرق من موديل للتاني و بعدين مين قال ان ال sir مش غالية انت عشان تجيب sir original نضيفة انت بتتكلم في 65 ل 70 الف و ساعات بتعدي ال 70 دا لو لاقيتها اصلا .

و بعدين لو فرضنا انها مش غالية زي البي ام و انا ايه يدفعني فلوس اكتر في بي ام 325 مع اني ممكن ادفع اقل في هوندا و مكنة اسرع من ال 325 و اوفر في البنزين

الكام سؤال اللي حضرتك سألتهم دول هم دول اللي مجننين كل الناس و مديين شهرة لل sir لان بكل بساطة لو كانت 2000 سي سي ولا اكتر كانت حتبقى حاجة عادية لكن السر انها 1600 بس

و لو حاطتها عالداينو حطلعلك 135-140 حصان مرتاح (استوك)

**No Comment** · 14-09-2011 01:54 PM

للى بيسأل ليه مدام العربية بالكفائة دى السعر بتاعها مش غالى زى الـ bmw والمرسيدس ... أحب اقوله بس ان سنة 1991 مثلاً كان سعر العربية الـ ex الجيل الرابع من السيفيك الكاملة مش الخامس كمان ولا الـ sir بيبقى سعره 120 الف جنيه وأيامها كان السعر ده عالى جداً وكان بعد سعر الـ bmw و المرسيدس تقريباً على طول والله أعلم .

**SAMEH_FOUAD** · 15-09-2011 01:02 AM

المشاركة الأصلية كتبت بواسطة mado_9999

طيب اما sir جامدة اوووووووووووووووووووووووو ى كده هى ليه مش غالية زى 325 الا sir بتطلعه منها واثبات منها ازى موتور 1600 احسن من 2500 سى و6 سندارت غربية جدااااااااااااا ولو سمحت بلاش تقولى العربيه 170 حصان حضرتك فى جهاز عند tps فى الحرافين بيطلع العربيه كام حصان الفعلى ولا حضرتك نسيت ان الشركه هواند الا احسن من البى ام والمرسيدس كانت مرفوعه عليها قضيه لانها بتزود فى قدرة العربية وهى مش حقيقه واخر نقطة الموتور 1600 بيوصل لحد سرعه معينه والتسارع بيقلل عكس الموتور 2500 سى لو عند حضرتك فيديو وانت جبت بالعربيه 200 فى 22 ثانيه ياريت حضرتك تحط على المنتدى اكيد فى ناس كترررررررررررر هتشترى هوندا وتبيع البى ام والمرسيدس

طبعا جامدة دة شىء لاغبار علية بشهادة كل اللى ركبوها

وعموما طبعا محدش يقدر يقول كلمة على البى ام لكن معلش كل عربية وليها عيوب ومميزات

اولا بالنسبة لموضوع المحرك اللى حضرتك طارحة بتقول ازاى ماتور 2500 سى سى يبقى ابطىء من محرك 1600 سى سى ؟؟؟؟؟؟؟

ج: ياباشا هية المشكلة كلها مش فى السعة اللترية , المشكلة هنا انك عندك مثلا ال 320 بيخرج 156 حصان وال 325 بتخرج 218 حصان على مااعتقد على فكرة دة بالنسبة لموديل 2010 , طيب ماتور 218 حصان ماتور 170 حصان يبهدلة طيب ازاى اقولك بقى ازاى

وزن عربية , الوحش اللى بيخرج عند ال5800 لفة تحس ان العربية بتتحول وفية حصنة بتتولد واللى هيحس دة اولا السائق + العالم الخارجى من جمال الصوت والنظرات اللى هتكون موجودة كأن فية سيارة فيرارى ENZO قادمة , التجميع الرهيب للسرعات ال SIR ماتلاقيش عداد السرعة بيقف شوية عند سرعة لأ ماشاء الله عداد شغال كل ماتزود كل مايديك وبيعدى اى عربية فى لمح البصر , ماتستهونش بSiR على الطريق دية تحرج اى حد , والله انا جريت مع 330 وكنت متعادل معاة مش هقولك 325 , و320 كنت بلعب بيها عادى جدا

بالنسبة لشركة هوندا على فكرة دة ماكنش من شركة هوندا لان شركة هوندا مواتيرها اللى بتنزل هنا مابتنزلش برة , وبعدين مواتير الهوندا الناس كلها عارفها وعارفة قوتها مش محتاجة تكدب اقوى 1600 فى مصر بدون تيربو

بالنسبة لمسالة السعر اكيد طبعا لازم يفرق لان دية بى ام ياباشا يعنى الفخامة والرفاهية كلها ( تقفيل - جودة خامات - اوبشن وتكنولوجى عالى ) طبعا لازم يبقى غالى لأ وكمان بى ام دبليو , لكن معلش انا واحد معيش اركب بى ام دبليو 325 2010 ونفسى اركب عربية فيها ثبات وشكل شيك رياضى وماتور قوى يعلم على اى حد بدون ماتحرج طيب اية الحل يبقى عليك وعلى الهوندا ال SiR هتديك كل ماحتاجة اصلا كفاية التناغم مابين المكنة والفتيس وخصوصا المانيوال مع الشورت شيفت جير وال LSD وعيش وانطلق
معلش التسارع بتاع الSiR بعد ال200 مش بطىء هو طبعا مابيبقاش زى الاول وبيقل طبيعى نتيجةاحتكاك الهواء بالسيارة بس تعالى الايروديناميك هنا تحفة العربية بتخترق الهواء بصورة رهيبة مع الثبات وللعلم ودية ياسنهورى اتكلم انت العربية دية مع السرعات العالية بتقفش فى الارض ( 185كم فى نفق الازهر فى الحارة بتاعتى والله ماخرجت منها ولا هديت الا فى اخر ملف وصلت ل100 )

ماقولتلكش ان الناس تبيع بى ام وتركب هوندا بس انا عن نفسى مادفعش فى عربية 235 الف جنية 316 2011 وماتورها 115 حصان وعربية ماتجيش ربع تمنها تعدينى , واوسع منها , واوفر منها فى البنزين وقطع الغيار , واعلى منها فى المطبات يبقى انا كدة دفعت 235 فى ( اسم + اوبشن + كماليات + تقفيل وخامات + امان عالى )

يبقى انا كدة الهوندا بالنسبالى افضل ومناسبة ليا كامكانيات وترضى متطلباتى

سعدت بمشاركتك جدا

**SAMEH_FOUAD** · 17-09-2011 06:13 PM

المشاركة الأصلية كتبت بواسطة BESOHOTFLASHb

انا معايا هوندا كوبية 98 اتوماتيك 1600 ينفع ال sir علي الفتيس اللي عندي ولو مينفعش طب هي المكنة دي سعرها كام

لو كوبية 98 يبقى كود ماتورك d16y8 وطبعا ماينفعش الفتيس دة على الSiR هيبقى ضعيف

سعر المكنة ال SIR الاتوماتيك بتعمل 7000 المانيوال بتعمل 10000 كاملة

-

الموضوع: انا شديت انهرده مع فيرنا والنترا 2011 و bmw 318

LinkBack

أدوات الموضوع

عرض

-

-

-

المواضيع المتشابهه

مساعدة في فيرنا 2011

فيرنا 2011 !

فيرنا 2011

فيرنا 2011 الجديدة

صور لاكسنت / فيرنا 2011

الكلمات الدلالية لهذا الموضوع

المفضلات

المفضلات

ضوابط المشاركة